raşıqlı və cazibədar bir adamdır. Gündə ən azı bir dəfə, ən
çoxu iki dəfə gəlirmiş. Templa
3
dan Qodfi Norton adlı biri.
Faytonçularla dost olmağın faydası budur. Adamı bir neçə
dəfə Burden serpentine küçəsindən evə aparıblar və onun
haqqında hər şeyi bilirlər. Danışdıqlarına qulaq asdıqdan
sonra Brioni qəsrinin qarşısında sonuncu dəfə dolaşdım və
tətbiq edəcəyim planı düşündüm. Bu Qodfi Nortonun məsə-
lədə önəmli rolu olması aydındır. Vəkil olduğunu deyirdilər,
mənə maraqlı gəldi. Aralarındakı münasibət və tez-tez gəlib-
getməkdə məqsədi nə idi? Xanım onun müştərisidirmi,
dostudurmu yoxsa aşnası idimi? Əgər birincisidirsə, foto-
şəkli ona əmanət edə bilərdi. Əgər deyilsə, bunu etmək ehti-
malı azdır. Bu su-alın cavabı araşdırmanı Broni qəsrində
yoxsa o adamın işlədiyi Templada davam etdirməyim üçün
əhəmiyyətli olacaqdı. Önəmli bir nöqtədə idim və bu da
araşdırmanı genişləndirirdi. Mənə elə gəlir ki, səni bu təfər-
rüatlarla sıxdım, ancaq vəziyyəti başa düşməyin üçün kiçik
problemləri sənə danışmağım çox önəmli idi.
-Səni diqqətlə dinləyirəm, - deyə cavab verdim.
-Elə bu məsələni beynimdə təhlil edirdim ki, Brioni Qəs-
rinə bir fayton gəldi və içindən bir cənab çıxdı. Qartal bu-
runlu, bığlı, əsmər və yaraşıqlı adamdı. Bəlli idi ki, haqqında
danışdıqları adam bu idi. Tələsən adama oxşayırdı. Fayton-
çuya gözləməsini tapşırdı və sanki öz evinə girirmiş kimi,
ona qapını açan xidmətçinin yanından sürətlə keçib içəri gir-
di.
Evə girdiyi yarım saat olmuşdu və mən zalın pəncərə-
sindən adamın otaqda gəzməyini, həyəcanlı-həyacanlı da-
nışmasını və əlini qolunu yellətməyini görə bilirdim. Qadını
3
Londonda hüquq bürosu
21
görmədim. Nəhayət, adam əvvəlkindən daha tələskən halda
çölə çıxdı. Faytona minərkən cibindən qızıl saatını çıxarıb
baxdı. “Dəlicəsinə sür, - deyə bağırdı. - Əvvəlcə Recent kü-
çəsində “Gross&Hankey”də, sonra da Edcver yolundakı mü-
qəddəs Monika Kilsəsinə. İyirmi dəqiqəyə getsən on peni
alacaqsan”.
Gözdən itdilər. “Onları təqib edimmi” deyə düşünər-
kən, yolun yuxarısından pencəyinin düymələri açıq, qalstu-
ku qulağının arxasına keçmiş sürücüsü olan kiçik bir fayton
gəldi. Evin qarşısında dayanmamış, qapıdan bir qadın sıçra-
yaraq faytonun içinə atıldı. Onu bir anlıq gördüm. Amma bir
kişinin uğrunda ölə biləcəyi qədər gözəl olduğunu deyə bilə-
rəm.
-Müqəddəs Monika kilsəsinə Con, - deyə bağırdı, - iyir-
mi dəqiqəyə çatsan bir qızıl alacaqsan. Bu fürsəti əldən ver-
mək olmazdı, Uatson. Nə edəcəyimi düşünərkən, bir fayton
gəldi. Faytonçu görkəmimə tərs-tərs baxdı, ancaq mən etiraz
etməsini gözləmədən faytona atıldım. “Müqəddəs Monika
kilsəsi” dedim və əlavə etdim “iyirmi dəqiqəyə çatdırsan bir
qızıl alacaqsan.” Saat on ikiyə iyirmi beş dəqiqə vardı və
üfüqdə məni nələrin gözlədiyini az-çox hiss edirdim.
Fayton az qala uçurdu, heç vaxt bu qədər sürətli getdi-
yini yadıma sala bilmirəm. Amma o birilər bizdən öndə idi
və kilsəyə çatanda onların faytonu qapının qarşısında da-
yanmışdı. Arabaçının pulunu verib, kilsəyə girdim. İçəridə
təqib etdiyim iki nəfər və ağ cübbəli bir keşişdən başqa heç
kəs yox idi. Üçü də mehrabın önündə durmuşdu. Kilsəyə
gəlmiş biri kimi, yan dəhlizdə skamyaların birində oturdum.
Birdən mehrabdakılar üzünü mənə tərəf çevirdi və Qodfi
Norton sürətlə mənə tərəf qaçmağa başladı.
-Nə var, - deyə soruşdum.
22
-Gəlin cənab, sadəcə üç dəqiqəniz gedəcək, yoxsa qa-
nuni sayılmayacaq.
"Tanrıya şükür," - deyə bağırdı. "Oldu. Gəlin! Gəlin!"
Az qala sürüyə-sürüyə məni mehraba apardı. Hələ har-
da olduğumu belə başa düşməmiş, qulağıma pıçıldanan su-
allara cavab verəndə ayıldım. Bilmədiyim şeylərə and içir-
dim. İren Adler və Qodfi Nortonun evlənmələrinə kömək et-
dim. Hər şey bir anda başladı və bitdi. Bir yanımda cənab,
bir yanımda xanım mənə təşəkkür edərkən, keşiş təbəssümlə
mənə baxırdı. Ömür boyu içinə düşdüyüm ən ağlasığmaz
vəziyyət idi və bunu xatırlamağım idi məni bir az öncə
güldürən. Görünüşə görə evliliklə bağlı sənədlərin bəzilə-
rində problem vardı və keşiş şahidsiz onları evləndirməyi
qətiyyətlə rədd etmişdi.
Mənim ortalığa çıxmağım nəticəsində küçədə münasib
adam axtarmaq məcburiyyətində qalmamışdılar. Gəlin mənə
bir qızıl verdi. Bu qızılı hadisədən xatirə olaraq saatımın zən-
cirinə bağlayacağam.
-Bu tamamilə gözlənilməz inkişafdır, - dedim. - Sonra nə
oldu?
-Bəli, planlarımın məhv olma təhlükəsi vardı. Cütlüyün
tezbazar gedəcəklərini düşünürdüm, sürətli və çevik tədbir-
lər görməli idim. Ancaq kilsənin qarşısında birdən-birə ayrıl-
dılar, kişi Templə, qadın da evinə doğru yola düşdü. “Hər
zamankı kimi saat beşdə parkda olacağam”, qadın ayrılan-
da dilləndi. Başqa heç nə eşitmədim. Onlar müxtəlif istiqa-
mətlərə getdilər, mən də öz planlarıma qayıtdım.
-Planın nədir?
-Bir az soyuq bifşteks və bir stəkan pivə, - deyə cavab
verib zəngi basdı. - Yemək düşünməyəcək qədər məşğul
23
idim və görünüşə görə bu axşam daha çox məşğul olacağam.
Bu arada Doktor, sizin köməyinizə ehtiyac duyacağam.
-Məmnuniyyətlə.
-Qanunları pozmaq səni narahat edir?
-Problem yoxdur.
-Bəs həbs olunmaq təhlükəsi?
-Ciddi bir səbəb varsa, o da problem deyil.
-Səbəbi mükəmməldir.
-Elə isə əmrindəyəm.
-Sənə güvənməkdə yanılmamışam.
-Yaxşı, istəyin nədir?
-Xanım Turner tabağı gətirəndə sənə hər şeyi izah edə-
cəyəm.
Tabaq gəldi. “İndi” dedi, ev sahibinin gətirdiklərinə
doğru əyildi.
- Bunu yeyərkən danışmalıyıq, çünki vaxtımız çox deyil.
Saat beş olur. İki saata qədər hadisə yerində olmalıyıq. Mad-
mazel İren, daha doğrusu Madam, saat yeddidə gəzintidən
dönəcək. Onunla görüşmək üçün Brioni qəsrində olmalıyıq.
- Bəs sonra?
-Sonrası mənim işimdir. Mən olacaqları təşkil etmişəm.
Önəmli nöqtə var. Necə olur-olsun, hadisələrə qarışmamalı-
san. Başa düşdün?
-Tərəf saxlamamalıyam?
-Yəqin ki, bəzi narahatçılıqlar olacaq. Sən müdaxilə et-
mə. Mübahisənin sonunda məni evə aparacaqlar. Dörd-beş
dəqiqə sonra zalın pəncərəsi açılacaq. Sən bu açıq pəncərə-
nin yanında olmalısan.
-Oldu.
-Məni müşahidə edəcəksən, çünki sənin görə biləcəyin
mövqedə olacağam.
24
Dostları ilə paylaş: |