45
kimdir. O, satılmış, ələ alınmış, idarə olunan, yönəldilən bədbəxtin
biridir. O Asif Ata haqqında nə deyəcək? Bir adam ki, Babəki heç
edir, bir adam ki, Nəsimini heç edir, bir adam ki, Şah İsmayılı heç
edir, sənin bütün dəyərləinin üstündən xətt çəkir, o nə qanır Asif Ata
nə deməkdir? Baxın, ona görə bu məsələlərdə biz ayığıq, neylədiyi-
mizi də gözəl bilirik, ağlımız da uşaq deyil, özümüz də uşaq deyilik.
Xalqın kimliyini gözəl tanıyırıq. Mənəvi olanaqlarını da gözəl tanıyı-
rıq. Münasibətdə yalanı heç kim bizə sırıya bilməz.
Görün, heç bir peyğəmbərdə ruhani dövlət idealı yoxdur. Asif
Atada var. Nədən yarandı? Yenə insana münasibətdən. Dövlət insana
münasibəti çox aşağılayıb. Dövlət hesab edir ki, insanı basqı altında
saxlamaq gərəkdir. Basqı altında saxlayarsan o sənin kölən olar,
üzünə ağ olmaz. Onu yönləndirə, idarə edə bilərsən. Anlamır ki, in-
sanı nə qədər basqı altına salarsan, bir o qədər simasını itirir,
yaltaqlanır, xəyanətləşir, satqınlaşır, təhlükəyə çevrilir. Üzünə gülər,
ancaq sənin özün üçün də təhlükəyə çevrilər. İnsanı simasızlaşdırma.
Simasız təhlükədir. Yaxud da demirəm insanı sərbəst burax. İçi
yaranmamış, qurulmamış insanı sərbəst buraxarsan, özbaşınalıq edər,
sorumsuzluq edər. Onlara orta, gözəl, qızıl münasibət yaratmalısan.
Bu məsələ ümumi topluma özgündür. Nədən qaynaqlanmalıdır o
münasibət? İnsana inam ideyasından. Dövlət isə bunun tərsinə gedir.
İnsanı basqı altına alır və simasızlaşdırır. Dövlət insanı simasızlaşdı-
ran aparat, qurum olmalı deyildi. Dövlət insanı qurtaran, yönəldən,
bəşər səviyyəsində təmsil eləyən qurum olmalı idi. Asif Ata o ideya-
nı ortaya gətirib. Burada yenə onun qonusu, diqqəti gəlib insanın
üzərində dayanır.
Xalqlaşma işiylə bağlı bir neçə kəlmə söz deyim. Sizi çox
yükləyib yormaq istəmirəm. Ötənlərdə xalqlaşma məsələsiylə bağlı
fikir demişdim. Bizim Ocaqçılarımız elə hesab edir ki, xalqlaşma
yalnız insanlarla canlı ünsiyyət deməkdir. Xalqlaşma təkcə insanlarla
canlı ünsiyyət demək deyil. Mən gördüyüm işləri sadalamayacam
sizi yormamaq üçün, vaxtınızı almamaq üçün.
Ulusəsin kitabını hazırladım, ondan öncə Günevin kitabını hazır-
ladım. Bu özü xalqlaşma işidir. Tədbir işləyirik, mətbuata çıxardırıq,
bu xalqlaşma işidir. Nə iş görürüksə, xalqlaşma işidir. Çünkü xalqın
gələcəyi üçün hazırladığımız zəmindir. Bəli, xalqlaşmanın birinci
şərti, özəyi odur ki, insanlarla canlı ünsiyyət qurasan. Ancaq hesabat
verirkən onu da demək, bunu da demək gərəkdir. Bəzən Ocaqçılar
hesaba gəlməyən işlər görürlər, hesabat verəndə deyirlər bu ay xalq-
46
laşma işim olmayıb. Yaxşı, ünsiyyətin olmayıb, başqa işlərin ki,
olub. Bunu vurğulamaq gərəkdir. Mən xalqlşamamla bağlı ona görə
geniş demirəm ki, bilirsiniz, mənim hər zaman fərdi və kütləvi
görüşlərim olur. Bunu da sitələrimizdə yazıb yayırıq. Mə-nim ən çox
işim xalqlaşmadır. Mənim xalqlaşma işim Asif Atanın öldüyü gün-
dən başlayıb. Yəni sistemli olaraq ordan başlayıb. Asif Atanın sağlı-
ğında da çox ciddi xalqlaşma işləri görmüşəm. Borçalıda Asif Atanın
9 görüşünü təşkil etmişəm. Bu elə-belə bir məsələ deyil. Masallıda
təşkil eləmişəm, sonra Bakıda və s. Sistemli şəkildə isə xalqlaşma
işim Asif Atanın ölümündən sonra oldu, görüşlər keçir-məyə başla-
dım. Üst-üstə yüzlərlə orta, yüksək oxullarda, mədəniyyət evlərində,
tarix-diyarşünaslıq muzeylərində, redaksiyalarda ayrı-ayrı aydınlarla,
gənclərlə, sadə insanlarla çoxsaylı görüşlərim olur. Davamlı şəkildə
Asif Atanı, o çağdan bu çağa qədər, verməyə çalışmışam. İdeya ola-
raq, prinsip olaraq, xalqın qurtarıcısı olaraq.
Bununla da mən sözümü bitirirəm. Çox sağ olun dinlədiyinizə
görə, təşəkkürlər! Sözümü Atamızın sözüylə bitirirəm.
Yükümüzdən Böyük Fərəhimiz yoxdur!
Atamız Var olsun!
Atamızın bayrağını öpürəm.
Günev Atalı: Bu qədər ehtizazlı, bu qədər gözəl, vəcdli bir…
Fikirləşirəm ki, buna nə qədər qulaq assam yorularam? Mən elə başa
düşürəm ki, nə qədər nəfəsim gəlir, mən qulaq assam yorulmaram.
Çünkü insan hər cümlədən güc alır, böyüyür. Böyüdükcə, ucaldıqca
yorulmaq əhvalı ondan uzaqlaşır. Çox sağ ol, qardaş.
İndi Elana buyursun söz desin.
Soylu Atalı: Bacımız ondan asılı olmayan səbəblərdən az qala 4
aya yaxındır Ocaqdan uzaqlaşıb. Xəstəliyi ilə bağlı Rusiyada müalicə
alırdı. Ayda bir yol biz burda tədbir keçiririk. Bakıda tədbir olanda
da arada-bərədə gəlirsiniz. Özünüz bu bölgədə ayrı-ayrı ünvanlara
gedib söhbətlər aparırsınız, ədəbiyyatlar veririsiniz. Bir ədəbiyyat
götürüb oxuyursunuz. Bir görüntümüzü götürüb izləyirsiniz. Bütün
bunlar hamısı içdən insanı Ocağa bağlayır. Özünün Ocağa inamını
bərkidir. Özünün atdığı addımlara inamını bərkidir. Birdən-birə belə
ayrılma istər-istəməz Ocaq və həyat qarşılığı yaradır. Həyat etkisi
insanın üzərində bütün gücüylə bərkiməyə çalışır. Eyni halda həyat
47
anlamı insanın gözünün qabağında bütün çılpaqlığıyla aydınlaşır. Bu
yöndə təbii ki, bacımızın sözü ilginc olacaq.
Elana Atalı: Mütləqim, Müqəddəsim, ulu peyğəmbərim Asif
Atanın adına səcdəylə başlayıram sözümə və bayrağımızı öpürəm!
Əsil türk oğluna xas olan bir haldır, belə yanğıyla danışmaq, ruhani
döyüşə çağırmaq. Soylu qardaşımın yanğısı adamı döyüşə çağırır,
Ocağa bağlayır. Mən də Elana kimi, türk xanımı kimi bu çağırışın
qarşısında var olmağa çalışıram.
Ata Evladıyam. Soylunun həmişə yanındayam. Ocaqdayam və
bundan sevinirəm. Ocaqdan bir müddət aralı qaldığıma baxmayaraq,
özümü həmişə Ocaqda hiss etmişəm. Yörəmdəkilərin içərisində ol-
duqca Ocağın nə qədər gözəl olduğunu bütün aydınlığı ilə hiss
etmişəm. Ocağın nə qədər gərək olduğunu ürəyimə yeritmişəm. Daha
aydın görünüb ki, Ocaqsız dünyanın gələcəyi qurulmaz. Bir az
xalqımızdan qırağa çıxanda dünyanı qurtaracaq ruhun türkdə ol-
duğunu adam özü üçün bir daha təsdiq edir. Obrazlı desək, təbiətin
gözəl seçimi var, Asif Atanı türkdən seçib.
Bu ruhun böyüklüyü hesab edirəm ki, ancaq bizim millətə – türkə
xasdır. Gördüyüm üzlər, izlədiyim olaylar, gedişat bunu deməyə əsas
verir. Türk ruhu bənzərsizdir. Dünyanı da insan ruhla xilas edə bilər.
Ürəklə xilas edə bilər. İnsanlıqla xilas edə bilər. Atanın Ocağının
dediyi kimi.