58
Asif Atanın – İnam Atanın
Mütləqə İnam Ocağı
“Atagün” və “Uluyol-Hünər” Ailələrinin
birgə “Ailə Günü” toplantısında deyilmiş fikirlər
Ocaq Günsırası ilə 24 Çiçək Ayı, 37-ci ildə (aprel, 2015) İnam
Evində “Atagün” və “Uluyol-Hünər” Ailələrinin birgə “Ailə Günü”
toplantısı keçirildi. “Ata Ruhuna pənah gətirmişik!” səcdəsilə “Ailə
Günü” başladı.
“Uluyol-Hünər” Ailəsinin Yükümlüsü Nurtəkin Atalı Ataya səcdə
ilə söz dedi. O, tədbirə yeni qatılanlar üçün Ocaq tədbirlərinin ümu-
mi məzmunu haqqında qısa bilgi verdi. “Ailə Günü” toplantısının
tələblərinə uyğun olaraq, öz hesabatına başladı: “Bu ay, keçən ayla
tutuşduranda Amallaşmaya vaxt ayırmışam. Atanın “Mütləqləşmək –
Var olmaq” kitabını oxuyuram. Bu ay başqa Ocaq əməllərim də çox
olub: Keçən ayın “Ailə Günü” tədbirini kitablaşdırmışam, Ata Bitiq-
lərini çap üçün yenidən hazırlamışam. Atanın rusca “Mütləqilik”
kitabını (Göylü bilgisayarda yazıb) düzəldib quruluşunu işləmişəm.
Bu işlərin hər biri mənə fərəh gətirib.
Xalqlaşma işimdə bir addım irəliləmişəm. Bu ayda 4 oxula
getdim. İki oxul direktoru görüş keçirməyə razılıq vermədi. Bir
direktor görüş üçün gələn aya söz verdi. Kollecin direktorunun isə
özəl qarşılama günləri var, onda getməliyəm. Direktor yardımçısı ilə
söhbət elədim. Asif Atadan sorağı var idi, Ocağın çalışmalarının bu
gün də davam etdiyini eşidəndə sevindi.
59
Çox istəyərdim ki, özüm də görüş keçirəm, Ocaq Yükümlüsü
üçün də görüş təşkil edəm. Evdən çıxmağımın özü məni etkiləndirdi.
Bundan başqa Ocaq Yükümlüsü ilə birlikdə Ata kitablarının və Ocaq
Evladlarının kitablarını kitab evlərinə verdik. Mən evdə də Ocaq
işləri görürəm. Ancaq evdən çıxmaq, söhbətlər aparmaq – içimdə
həsrət var buna. Bir yerdə söhbət edəndən sonra başqa yerdə yenə də
söhbət eləmək istəyirəm.
“Ailə Günü”nün “gedişat”ında qonumuz var: qarşımda hansı
aşamaları görürəm?!
O aşamaları görürəm ki, Xalqlaşma işlərimi artırım.
Bəzi yazılarımı oxuyacam.
xxx
Mən öz yaxamdan yapışıram, özümdən əl çəkmirəm, özümdən əl
çəkmədikcə boyum ucalır. Özümdən əl çəkdikcə yaşam, məişət mən-
dən sallanıb boyumu balacalaşdırır. Özümü ayaqda saxlamaq, ba-
ğımsız saxlamaq, həm yaratmaq, həm qorumaq sorumluluğu daşıyı-
ram.
Uçuruma düşənin bir yolu var, ondan çıxmaq. Yana da getsən, yarıda
da qalsan uçurumda sayılırsan. Yalnız çıxmaq özgürlük sayılır. Çıx-
mağın adı özünü yaratmaqdır. Ancaq və ancaq Mütləq tələblə özümü
yaratmalıyam.
xxx
Atanı ardıcıl oxumaq, “Rica”ları demək – özümə münasibətimi
formalaşdırır. Adam öz ağlıyla uğraşmayanda, ağlı gərəkli düşün-
cələrə yönəltməyəndə nə gəldi düşünür. Ağlı, beyni qıraqdan mühit
yönəldir. Adam özünün varlığını duymur.
Ancaq ağlı ruhani axtarışlara, həqiqətlərə yönəldəndə ruhani hal
yaranır. İnsanın özünə münasibəti formalaşır, varlığını – ruhani var
olmağını sağlayır və duyur.
xxx
Var aktiv çalışma, var doğru çalışma. Bəzi örgütlərin, partiyaların
çalışmaları aktivdir, ancaq doğru deyil. Özlərinin məqsədləri üçün
çalışmaqdadırlar, xalq üçün yox. Bizim çalışmamız doğru çalışmadır.
Özünü yarada-yarada çalışmaq – ruhaniyyat yolu getməkdir. İçindəki
qorxu ilə yol gedə bilməzsən, içindəki qısqanclıqla, kinlə yol gedə
bilməzsən, dayanarsan. Ona görə də bizim yol getməmiz yavaşdır,
çətindir, ancaq fərəhlidir.
İçdəki qüsur – əməli bütövləşməyə qoymur, sabahlaşmağa qoy-
mur. Arıldıqca, adamlıq yükündən özgür olduqca yerimək – çətin və
60
gərgin döyüş istəyir. Özünə qarşı həm amansızlıq, həm sevgi istəyir.
Özünə həm inam, həm şübhə istəyir. Şübhənin sınırı hardadır, inamın
sınırı harda – sorulara cavab axtara-axtara, tapa-tapa yol getmək –
bunlarla yaşamaq vaxt istəyir. Gərgin əmək istəyir. Ciddi özüylə
döyüş istəyir.
xxx
Adam sürülükdən çıxıb toplum yaratdı və toplumda sürüləşdi.
Özünə inanmamaq, öz iradəsiylə hərəkət etməmək, toplum ölçüsü ilə
yaşamaq – sürüləşməkdir.
xxx
Qaralama əsəri heç kim oxumur. Oxucu yazarın minbir əziyyə-
tindən sonra, artıq şeylərdən ayırdığı, arıtladığı, yetirdiyi, yetkin-
ləşdirdiyi və özünə inanaraq işıq üzünə çıxardığı ağlama əsərini
oxuyur. İnsanın özünü yaratması da ağlama əsər kimidir. Onu
sunursan, çünkü arıldıb, duruldub, yetirib, yaşayıb yaratmısan.
xxx
Hər bir olaya on il sonranın gözüylə bax. Onda görəcəksən əyər-
əskiyi. Onda biləcəksən nəyi demək olar, nəyi olmaz, nə solacaq, nə
qalacaq. On il öncənin və ya gələcəyin gözüylə baxanda balaca duy-
ğuların balacalığını da görmək olur, böyük duyğuların böyüklüyünü
də.
xxx
Hər bir tarixi hərəkatın görünən və görünməyən üzü var. Bir
çağlar qəhrəman sayılan inqilabçıların indi əsil üzü ortaya çıxır. İndi
çoxsaylı sənədli filmlər, araşdırmalar ortaya çıxarırlar, ələşdirirlər.
Ocağı, Ocaqçıların ömürlərini isə hansı yandan öyrənsələr, yalnız
heyrətlənəcəklər.
xxx
Yaşamağın özündə sirr var, cəzb var. Yaşamı dəyərləndirən onun
məqsədidir. Nə üçün yaşamaq? Bu sorunun doğru yanıtına hər kəs
çatmır. Çünkü doğru araşdırmır. Çatmadığı üçün, ömrünü doğru
məqsədə həsr etmədiyi üçün ömrü öz soyundan qırağa çıxmır.
Ailə və xalq anlamı birdir. Ailənin məqsədi xalqı yalnız soy
artımı ilə sabaha çatdırmaq deyil. Fərdin yaşam tərzi ailəni də
yönləndirir, bütövləşdirir və ailə xalqla birləşir. Fərdin sabahı –
ailənin sabahı və xalqın sabahı yüksək məqsədlə qurulur.