Asif Atanın – İnam Atanın Mütləqə İnam Ocağı
Yüklə 3,35 Mb. Pdf görüntüsü
|
64
Daşla bağlı az iş qalır. Ümumi “Kəmər” işini bitirəcəm. Ocağın 37-ci ilində Məbədin dəmir-beton işini tamamlamaq istəyirəm… Bölgələrdə, kəndlərdə ən yaxşı auditoriya yas mərasimləridir. Orda məni daha çox dinləyənlər tapa bilirəm. Başqa auditoriya, oxulda görüşün alınması çətindir. Ancaq istər xeyir işlərdə, istər yas yerlərində elə hal yaranıb ki, mənə mikrofon veriləndə hamı qulaq kəsilir. Bilirlər ki, hansısa bir gözəllik haqqında söz açılacaq. Yeni bir şey eşidəcəklər. Diqqətlə dinləyirlər. Keçmiş Ocaqçı Nadirin anasının yasında yaxşı söhbət elədim. O kənddə mən dəfələrlə “Fikir Evi” görüşləri keçirmişəm. Atanın orda görüşü olubdur. Toplum bizi tanıyır və bizə əyri münasibəti olan yoxdur. Dinləmək istəyirdilər və ortam da yaratdılar. Bir gün axşamacan orda danışdım. Yaxşı sorular da sorurdular. Son dərəcə razı qaldılar. Mollanın özü üçün də ilginc idi. Bir də söhbəti elə qururam ki, bilinsin biz nə istəyirik. Sən elə Dünyabaxış yanlısısan ki, “Yaradıcı”nın ətəyindən yapış- mısan və onu verirsən. Onun harayını çəkirsən, onun gərəkliliyini göstərirsən, onu çatdırırsan. Bu baxımdan bu ay məni xalqlaşma işim çox sevindirdi. “Ailə Günü”ndə qoyulan qonu ilə bağlı deyim ki, ən böyük aşama – xalqlaşma işlərim davam eləməlidir. Həm də dediyim kimi, bu il Məbədin dəmir-beton işini qurtarmalıyam. Bu yaxınlarda illərlə Ocaqçı adını daşımış 8 nəfər “Amal Bağı”na gəlmişdilər. Görünən işlərə heyrətlə yanaşanlar da oldu, başqa duyğularla yanaşanlar da. Onlar bizim sorağımızı, Məbəd haqqında eşidirlər və soruşurlar ki, maliyyəsi hardandır… Ocağı bizim özündənkeçmə hünərlərimiz yaşadır. Bunu anlamaq çoxlarına çətindir. Olsun! Əsas odur ki, iş getsin. Mənim yaşamağım, mənim yanmağım budur. O olan yerdə nəsə tapılır. Atamız Var olsun!
daha çox danışmaq istəyirəm. Çünkü mən hər gün Amallaşıram. Söz yox, mənim başqa əməllərim Amallaşma əməlimdən dala deyil. Ancaq Amallaşmaya, onun anlamına böyük üstünlük verirəm. Niyə? Biz yeni fikir, yeni dünyabaxış daşıyıcılarıyıq. Dünyanı əyən, düzəldən ideyalar axtarırıq. Onların içində müsbət çalarları görüb- göstərmək istəyirik. Əyənləri isə araşdırıb qırağa qoymaq istəyirik insanların şüurunda, ağlında. Atanın Ocağı üçün bu, olduqca önəmli bir məsələdir. Bunun üçün də mən ən çox əski dünyabaxışların ide-
65
yalarıyla əlləşirəm, araşdırıram və ələşdirirəm. O ideyalar ki, toplumun gəlişməsinə ciddi şəkildə əngəl olur. Onlardan bir neçəsi haqqında istəyirəm fikirlərimi bölüşəm. Semit dünyasının ideyalarından biri “Axirət Dünyası”na inamdır. “Axirət Dünyası” bizim yaşadığımız dünyanın tərsidir, ziddidir. Bizim yaşadığımız dünya “Axirət Dünyası” ilə tutuşdurulur və bizim yaşadığımız dünya dışlanır, heçlənir. Deyilir ki, bizim yaşadığımız dünya haqsız dünyadır. Yalnız “Axirət” haqq dünyasıdır. Bu ideya kökündən yanlış və olduqca zərərli bir ideyadır. Nədədir bunun zərəri, yanlışı? Semit ruhlular dünyabaxışlarında bu fikri irəli sürər- kən onlar topluma və gələcəyə toplumun o çağdakı durumundan, şüurundan yanaşdılar. Hesab elədilər ki, o çağlarda toplumun duru- mu aşağıdır, bunu ancaq qorxutmaq, şirnikdirmək gərəkdir. Qorxutmaq, şirnikdirmək istəyi ilə bəs qədər yalanlara getdilər ki, bu yalanlar bu gün də Gələcəyin qapısını bağlayır. “Axirət Dünyası” haqq dünyasıdır deyirlər. Ölənlər haqqında deyirlər ki, ölən haqq dünyasındadır, biz haqsız (nahaqq) dünya- dayıq. Bizim dünyamızı niyə haqsız düşünürlər? Sanırlar ki, bizim dünyamızda həyat var və bizim dünyamızda həyatın tələblərindən irəli gələn çabalar var, bu çabaların içərisində yanlışlar, qüsurlar var.
Buna görə dünyanı haqsız saymaq olmaz axı. Çünkü yanlışın ortaya çıxması da bu dünyada baş verir, yanlışın ortadan qalxması da.
66
Heç kim öləndən sonra səhvlərini aradan qaldırmayacaq. Heç kəs öləndən sonra yanlışlarının üstündən xətt çəkməyəcək. Hər kəs yaşadığı bu dünyada yanlışlarının üzərindən xətt çəkə bilər. Özünü arıldar, duruldar. Özünü yetkinləşdirər, kamilləşdirər. Əgər biz hesab eləsək ki, hər şey axirət dünyası üçündür, onda bu dünyada göstərilən çabaların anlamı itir. Onda bu dünyada zəhmət çəkmək heç gərək deyil. Çünkü mənim bəri başdan inamımın qarşısı alınıb. Mən inan- mıram bu dünyaya. Bu dünya haqsız dünyadır. Niyə inanım? Haqsız olan dünyaya nə üçün inanım? İşin ən pis cəhəti odur ki, burada Allah anlamı zədə götürür. Baxın, dünya haqq və haqsız adlanan iki yerə bölünür. Haqq dünya “Axirət Dünyası” olaraq Allahın ixtiya- rındadır. Bizim yaşadığımız dünya haqsız adlanaraq İblisin ixtiyarın- dadır. Deməli, biz İblisin dünyasında yaşayırıqsa nə etməliyik?! İblis yenilməz gücdür, onu biz yenə bilmirik. Minillərdir ki, bu ideya bi- zim beynimizə yeriyib və biz onu yenə bilmirik. Dünyanı haqsız saymaq dünyanın gəlişməsini, sabahını ortadan qaldırmaqdır. İkinci, gələcəyə inamı ortadan qaldıran ideya nədir? “Qiyamət” ideyası. Qiyamət qopacaq, dünya təlatümə gələcək, dünya məhv ola- caq, hər şey alt-üst olacaq. Dünyadan heç əsər-əlamət qalmayacaq. Əgər doğrudan da “Qiyamət” qopacaqsa, dünyanın altı üstünə çevri- ləcəksə, onda mənim kamilləşməyimin anlamı nədir? Mənim bu dün- yanı gözəlləşdirmək istəyimin anlamı nədir ki?! Gec-tez ölümlü olan bir dünyanı gözəlləşdirməyin anlamı aradan gedir. Əgər mən deyirəmsə bu dünyanın gələcəyi yoxdur, gələcəyi olmayan dünya haqqında uğurlu düşünmək mümkün deyil. Asif Atanın ortaya qoyduğu Baxış, ideya əsasən bu cür yanlışlara qarşı doğrunu gəlişdirməkdir, doğrunu ortaya çıxartmaqdır. Gələcək haqqında insanların düşünməsini sağlamaqdır. İnsanlar gələcəyi düşünməlidirlər, gələcəkli düşünməlidirlər. Asif Ata o ideya ilə nik- binlik yaradır və deyir: Dünya mənaca Əzəlidir. Yəni dünyanın olmayan vaxtı olmayıb. Dünya mənaca Əbədidir. Dünyanın olmayan vaxtı olmayacaq. Dünya mənaca Kamildir. Dünya mənaca Son- suzdur. Görün bu, nə qədər böyük nikbinlikdir. Bunu əsaslandırır. Bu nə qədər böyük bir nikbinlikdir ki, sən dünyanın gələcəyindən əlini üzmürsən. Gələcək haqqında düşünməli olursan, gələcək haqqında mübarizə aparmalı olursan, savaşa girirsən. Gələcəkli yaşayırsan. İnsanların ağlında, düşüncəsində gələcəyi tanıtmaq və gələcək uğrunda savaşı təmin eləməkdir əsas əməl. Onda qalxınma (tərəqqi)
Yüklə 3,35 Mb. Dostları ilə paylaş:
|