61
xxx
Özüylə döyüşdə Əzəliliyə qayıdış var və əbədiliyi qurmaq,
yaratmaq var. Milli-insani dəyərlər əzəliliyimizdir və o özül üzərində
zənginləşmək, artmaq, yaratmaq gərəkdir. Kamilləşdikcə əzəliliyə
qovuşuram və özümü qurmaq əzmim artır.
xxx
Təbiət dəyişkəndir. Bu dəyişkənlikdə dəyişməz olan qayda var.
Təbiət nə qədər dəyişsə də, bitmir. Adam da həyatda dəyişkəndir. Bu
dəyişkənlikdə dəyişməz olan həyatın qaydasıdır. Adam içdən dəyişə-
dəyişə tükənir, bitir. Adam həyatın yaşatdığı bütün olaylarda həyatın
ölçüsünə uyğun yaşayır və dəyişkənlikdə özünü itirir.
Amal insanı dəyişdirə-dəyişdirə dəyişməz mahiyyətə yetirir.
Amal ölçüsü ilə yaşamaq İnsanı həyatın fövqünə qaldırır. İnsan
dəyişməzliyində tükənmir. Mütləqə yetmək üçün özüylə döyüşdə
sonsuz üfüqlər açılır.
xxx
Özünə, öz düşüncələrinə yiyə olmaq qədər çətin, sorumlu, eyni
halda fərəhli olay yoxdur.
Hər durumdan çıxış yolu var – axtarsan.
Hər sorunun yanıtı var – araşdırsan.
Hər çətinliyin sonunda fərəh var – yetirsən, yetsən.
xxx
Adam özünü haqlı sayır. Ona görə özünü qoruyur. Yalnız Həqiqət
haqlıdır və özünü qorumaq – Həqiqəti qorumağa tən olmalıdır, ədalə-
ti qorumağa tən olmalıdır.
Haqqı Həqiqət verir, ədalət verir.
xxx
Hər kəs başqasından ağıllı olmaq istəyir. Ağıllı olmaq istəyi –
üstün olmaq istəyinə bağlıdır.
xxx
Mahiyyəti dərk edəndən sonra həyatda hansı məqsədin heç nə
olduğunu, hansı məqsədin insanı var etdiyini bilmək olur. Ancaq
“heçnə”yin “heçnə” olduğunu dərk etmək üçün öz yaxanı Amala
verməlisən. Öz yaxanı özünün əlinə verməlisən. Çünkü nə qədər ki,
adamın yaxası həyatın əlində olacaq, “heçnə”lər onun məqsədi ola-
caq. Həyatın içində ola-ola həyatdan, həyatın adi istəklərindən imtina
62
etmək çətindir. Amal insanı həyatdan ayırır. İnsan Amala tapınmaqla
həyat adiliyindən ayrılır.
xxx
Həyatda yollar çoxdur – siyasi, dini, elmi… Siyasəti demirəm,
çünkü orda hər kəsin öz maraqları var, orda birlikdən söhbət gedə
bilməz.
Elmdə böyük qanunlar kəşf edənlərin bir-biriylə münasibətləri yaxşı
olmayıb. Eyni yolda olmasına baxmayaraq, bir-birini həzm etməmək
mənəvi birliyə yetməni əngəlləyir.
Musiqi sahəsində də həmçinin. Qısqanclıqla, rəqabətlə eyni
sahədə olanlar birləşə bilmirlər.
Dində olanlar – özlərini mənəvi bacı-qardaş sayırlar. Dində
allahımız birdir, dualarımız eyni dildədir deyə mənəvi birliyə yetmək
mümkün deyil. Çünkü mənəvi birlik ruhun, xarakterin özümləş-
məsindən, kamilləşməsindən başlayır.
Özünü o dərəcədə arılamaq, yetkinləşdirmək ki, özünü başqasında
görə biləsən. Əgər Allaha sevgi insana sevgi ilə birləşmirsə, heç bir
birlikdən söhbət gedə bilməz.
Mənəvi birlik – insan içindəki naqisliklə, balacalıqla döyüşdükcə
baş verir. Həqiqətə, Ədalətə yetdikcə baş verir. Başqasıyla görüş-
dükdə həqiqətlə görüşürmüş kimi qarşılaşmalıdır insan. Həqiqət,
Ədalət uğrunda döyüşlə qurulur mənəvi birlik.
Fərq də bundadır. Din yolunda gedənlər dini yaşatmaq üçün
başqalarını öldürürlər.
Amalçı isə insanların doğru, gözəl yaşaması üçün həqiqət, ədalət
uğrunda döyüşür.
Birlikdən insanlara, dünyaya İnsanilik saçılmalıdır. İnsana,
İnsaniliyə qarşı olan nə varsa şərdir.
Tarixdən bəllidir, mənəvi birliyə yetənlər – Şəms-Rumi, Nəsimi-
Nəimi birliyi işıq kimi saçılıb.
xxx
Hər yaşanan bir iz qoyur. Bəzən gözəl diləklər həsrətlə, göz
yaşıyla ürəyə axır. Gözlər gülsə də kədər boylanır baxışlardan. Üzlər
gülsə də kədər boylanır ürəyin dərinliyindən.
Hər yaşanan bir iz qoyur. Fərəhə yetəndə üzə, gözlərə qonur
fərəh, işıqlanır fərəhin işığında. Ürək isinir, üz doğmalıq saçır, baxa-
nın ürəyini işıqla doldurur, göylərə ucaldır.
63
Yaşadıqlarımız geridə qalsa da, ömrümüzlə qabağa apardığımız
kədərimizdə, fərəhimizdə yetkinləşməyimizdir.
xxx
Ocağın 37-ci ilində Atanın bizim üçün qoyduğu bütün tələblərdə
yetkinləşmək, yenilənmək aşamaları görürəm qarşımda. Özümə tələ-
bim yetkinləşməlidir. Xalqlaşma çox önəmlidir. Söhbət edəndə mən
Həqiqəti dərk etməyin və deməyin xoşbəxtliyini anlayıram. Nə qədər
gözəldir Həqiqəti dərk eləmək. Öz kimliyinə bağlanmaq. Bu, bizim
sabahımızı yaradan bir olaydır. Bu baxımdan, həm özümü yaratmaq,
həm xalqlaşma əməllərimin artması – qarşımda qoyduğum tələb-
lərdir. Aşamalar deyəndə o tələblərə yetməyi gözə alıram.
AtamızVar olsun!”
Günev Atalı Ataya səcdə ilə sözünə başladı. O, “Mütləqə İnam”
Bitiyindən “Mütləqsizlik”, “Sürüləşmə” və “Ruhsuzluq” bölmələrin-
dən özümləşdirdiklərini oxudu.
Kamilləşmə hesabatını verəndə qeyd elədi ki: Halımda sabitəm.
Özümdə gerilik hiss eləmirəm. Əksilməkdən söz gedə bilməz. Çünkü
Amalımız ömrümüzün yüksək məqsədidir. İdealımız, dünyanı dəyiş-
mək istəyimiz içimdə elə gözəl yer tapıb ki, mən ömrümü onsuz
düşünmürəm. Ona görə də əksilmək məndə ola bilməz.
Xalqlaşma ilə bağlı. Birinci xalqlaşma işim – Məbədin ağır daş
işini, demək olar ki, qurtarmışam. Bütün sütunlar taca qədər qalxıb.