11
KIRISH
O„zbekiston iqtisodiyotini modernizatsiyalash, tarkibiy qayta qurish, iqtisodiy
o„sishning barqaror, yuqori sur‟atlarini ta‟minlash vazifalari iqtisodiyotimizga jalb
etilayotgan investitsiyalar hajmini to„xtovsiz o„stirishni,
har bir investitsiyani eng
zarur, eng ko„p samara beradigan obyektlarga sarflanishini talab etadi. Ichki
investitsiya manbalarining cheklanganligi xorijiy investitsiyalarni jalb qilish borasida
ham katta kuch-g„ayratni talab etmoqda.
Mamlakatimizda yangi ish o„rinlarini yaratish borasida amalga oshirilayotgan
tub tarkibiy islohotlar oliy ta‟lim muassasalari bitiruvchilarini munosib ish o„rinlari
bilan ta‟minlashga qaratilgandir. Oliy ta‟lim muassasalari
bitiruvchilarini kichik
biznes va tadbirkorlikka jalb etishni rag„batlantirishga qaratilgan chora-tadbirlar
tadbirkorlik uchun yanada keng imkoniyatlar yaratmoqda.
Qulay investitsiya muhiti yaratilishi, davlat tomonidan
investitsiya faoliyati
qonun yo„li bilan qo„llab-quvvatlanishiga qaramasdan, investitsiya jarayonlarida bir
qator muammolar saqlanib kelmoqda.
Bunday holatning sabablari qatoriga pishiq-puxta
biznes loyihalarining
kamligi, mutaxassislarda kichik va mikrofirma doirasida biznes loyihasi ishlab
chiqish tajribasi va ko„nikmalarining talab doirasida emasligi,
vakolatli idoralarda
texnik-iqtisodiy asoslangan biznes loyihalarini ekspertizadan o„tkazish muddatlari
cho„zib yuborilayotganligini kiritish mumkin.
Shuningdek, kichik biznes va tadbirkorlikka oliy ta‟lim muassasalari
bitiruvchilarini jalb etish dolzarb masalaga aylandi. Shu
jihatdan bitiruvchilarga
kichik biznes korxonalari uchun biznes loyihalari tuzish, tahlil qilish va amalga
oshirish bo„yicha nazariy
va amaliy bilimlar berish, ularga zarur maslahatlar
berish
va o„z bizneslarini ochishni xohlovchi talabalarni qo„llab-quvvatlash zarur bo„lmoqda.
O„quv qo„llanma oliy ta‟lim muassasalarining iqtisodiyot, biznes ta‟lim
yo„nalishlari talabalari, bitiruvchilari uchun nazariy va amaliy bilim berish, ularning
Biznes-g„oyalarini rag„batlantirib, amaliyotga tatbiq etishlari uchun ko„mak berish
maqsadida ishlab chiqildi.
Dostları ilə paylaş: