35
bardlar, skandinav xalqlarında – skaldlar, Fransada – truverlər,
Ukraynada – kobzarlar, banduristlər və lirniklər, yakutlarda –
olonxosutlar, buryatlarda – uligerşinlər, başqırdlarda – sesen-
lər, qırğızlarda – manasçılar, qazaxlarda – akınlar, jırau, türk-
mənlərdə – baxşılar, azərbaycanlılarda – aşıqlar və s. deyə ça-
ğırılırlar (1). Quzey Qafqaz xalqlarından adıgeylərin jequako
və çeçen-inquşların ilançıları, osetinlərin kaedaeqanakları da
bu sırada özünəməxsus yerlərdən birini tutur. Qafqazın türk
toplumları olan qaraçay və malkarlar isə öz epik sözləyicilərini
jırçı adlandırırlar.
Qaraçay-malkar epik söyləyiciliyinin öyrənilməsi tarixi
İlk dəfə qaraçay-malkar epik söyləyiciləri haqqında, bu
istedadın verilməsi və xalq aşıq və şairlərinin repertuarı barədə
məlumat təbii ki, XIX əsrin sonu XX əsrin əvvəlləri rus mət-
buatında verilmişdir. Belə ki, P.Ostryakov 1879-cu ildə dərc
etdirdiyi məqaləsində jırçılar barədə geniş məlumat vermişdir
(2). Yarım il Malkariyada yaşamış müəllif qaraçay-malkarların
həyat şəraiti, adət-ənənələri, yaşayış tərzi barədə kifayət qədər
material toplamış və “Kabardin xalq ədəbiyyatı və onun nümu-
nələri” (“Народная литература кабардинцев и ее образ-
цы”) məqaləsində bütün bunları dolğun şəkildə əks etdirmiş-
dir. P.Ostryakovun bu məqaləsi qaraçay-malkar söyləyiciləri -
jırları barəsində də ilk məlumat sayılır. Burada o qaraçay-
malkarların Nart eposu barəsində yazır və göstərir ki, bu əfsanə
və rəvayətləri o, Safarali, İsmail və Nauruz Urusbiyevlərdən
toplamışdır. Müəllif həmçinin qeyd edir ki, qaraçay-malkar
epik söyləyiciləri, habelə mahnı ifaçıları olan jırçılar barəsində
də ilk dəfə məhz bu malkar knyazlarından eşitmişdir. Urusbi-
yevlər Ostryakovu professional jırçılarla tanış etmiş, onun
folklor mətnlərini məhz jırçıların ifasında toplamasına şərait
36
yaratmışlar: “ ... artıq indi bu yerli xalq ifaçılarına, bizdə bılina
söyləyiciləri kimi, çox az rast gəlinir, halbuki yaşlı insanlar
jırçıların iştirakı olmadan heç bir ictimai, hətta ailə bayramının
keçirilmədiyi dövrləri asanlıqla xatırlayırlar. Zurna və tütəyin
sədaları altında, bəzən isə sadəcə nağaranın müşayiəti ilə bu
ifaçı bütün cəmiyyəti söylədiyi bılinalarla feyziyab edirdi,
bəzən isə keçirilən şənlik və ya hadisə barəsində birbaşa yeni
nəğmələr improvizə edirdi” (2, 701). Bu məqalədə P.Ostryakov
rastlaşdığı qaraçay-malkar ifaçı-jırçının, ümumiyyətlə, jırçının
səciyyəsini də vermişdir: “İfaçının adı ilə ədalət ideyası birləş-
dirilirdi, və bu cür ifaçı yalnız qüsursuz, həddindən artıq düz-
gün insan ola bilərdi. Mənə belə bir ifaçını görmək qismət ol-
du. Qarayanız və açıq üzlü qoca həddindən artıq kasıb geyin-
mişdi, amma ona necə hörmətli münasibət bəslənildiyini, ona
az qala müqəddəs kimi baxıldığını görmək lazım idi” (2, 701).
Bu yazıdan iki il sonra Safarali Urusbiyev qaraçay-mal-
karların xalq ədəbiyyatı, ənənələri barəsində geniş bir yazı ilə
çıxış edir. Burada Urusbiyev Ostryakovdan daha dolğun və də-
qiq məlumat verir. Vaxtilə P.Ostryakovun informatoru – söy-
ləyicisi olmuş S.Urusbiyev jırçılar barəsində üç səhifəyə qədər
geniş informasiya verərək, jırçıların ifa tərzləri, ifa arealları,
repertuarı, hərəkət proqramı barəsində bildiklərini, gördüklərini
və yaşadıqlarını təqdim edir (3). Qaraçay-malkarlar arasında,
ümumiyyətlə, Qafqazda söyləyicilik institutunun dərk edilməsi
baxımından onun yazdıqlarının böyük əhəmiyyət daşımasını
nəzərə alaraq, S.Urusbiyevin fikirlərinə müraciət edək. Nart
rəyayətləri barəsində yazarkən müəllif qeyd edir: “Onlar (nart
rəvayətləri – A.H.) əsasən vaxtilə Kabardada məşhur olan dje-
quako adlandırılan səyyar ifaçılar-şairlər tərəfindən ifa edilir-
di”. “Dağlı-tatarlarının nart igidləri haqqında əfsanələri”
(“Сказания о нартских богатырях у татар-горцев”) Ma-
37
raqlıdır ki, Safarali Urusbiyev bu gəzərgi ifaçıları indinin
özündə də qaraçay-malkar xalq mədənyyətinin bütün tədqiqat-
çılarının çağırdığı kimi “jırçı” adlandırmır, onlara münasibətdə
adıgeylərin gəzərgi ifaçı-söyləyicilərini adlandırmaq üçün
istifadə etdiyi djequako terminini işlədir.
Daha sonra S.Urusbiyev yazır: “Bu djequakolar hec bir
mülkiyyəti olmayan, heç bir təsərrüfatla məşğul olmayan in-
sanlar idi. Onlar silah gəzdirmirdilər, onlar Kabardada ancaq
və ancaq xalq yığıncaqlarında, döyüşlərdə, müxtəlif şənlik-
lərdə, yas mərasimlərində iştirak etmək üçün səfər edirdilər.
Ümumiyyətlə, həmişə hər hansı bir xalq yığıncağı axtarırdılar.
Bu məclislərdə onlar zəmanə barəsində, keçmiş zamanlar ba-
rəsində, müasir qəhrəmanlar və hadisələr barəsində mahnılarını
oxuyurdular. Beləliklə, djequako hər nəslin salnaməçiləri idi-
lər, öz dövrlərində yazılı ədəbiyyatı əvəz edirdilər. Və gəzərgi
olduqlarına görə əsərlərini də xalqın arasında özləri yayırdılar”.
Gördüyümüz kimi, qaraçay-malkar jırçılarının repertuarı, onla-
rın söyləmə arealı və proqramı bu misralarda dolğun şəkildə öz
əksini tapmışdır. Jırçılar Dədə Qorqud kimi el ağsaqqalı, məs-
ləhətçisi olmuş, xalq arasında böyük nüfuza və hörmətə sahib
olmuşlar. Onların yas mərasimində iştirakı da maraqlıdır. Yəni
xalqın ifaçısı kimi jırçılar yalnız şad günlərdə deyil, ağır, çətin,
dərdli günlərdə də xalqla bir yerdə olmuşlar. Bundan əlavə,
Safarali Urusbiyev jırçıların düşmənə qarşı mübarizədə də
xalqla bir yerdə, ön sırada olduqlarını təsvir edir: “Onlar (jır-
çılar – A.H.) həmçinin döyüşçüləri yürüşlər zamanı müşayiət
edir, döyüş meydanında onların igidliklərini öz mahnılarında
vəsf edir, igidlik göstərmiş döyüşçülərə mahnıları ilə mükafat
paylayırdılar. Döyüş gedən zaman onlar bağlı, təhlükəsiz bir
məkanda dayanır, döyüşün gedişatını buradan izləyir, ayrı-ayrı
qəhrəmanlara xüsusi diqqət yetirirdilər: kim qabaqda gedir,
Dostları ilə paylaş: |