38
kim daha cəsarətlə döyüşə atılır, vurulmuş döyüşçülər necə
həyata vida edirlər. Onların mahnıları da evdə qalanları tezliklə
döyüşün gedişi ilə tanış edirdi” (3).
Jırçıların xalq arasında nüfuzuna və hörmətinə gəlincə
isə, knyaz Urusbiyev bunu belə səciyyələndirir: “Djequako
(jırçılar – A.H.) öz zamanlarında xalqın arasında böyük əhə-
miyyətə malik idilər və böyük xeyir gətirirdilər. Öz müstəqil və
sərbəst mahnılarında onlar, qədim peyğəmbərlər kimi, fəziləti
tərənnüm edir, qəbahəti ifşa edirdilər, xalq həyatının ən qaran-
lıq və dərin məsələlərinə işıq salırdılar. Djequakoların verdiyi
xeyri dərk edən, daha doğrusu, hiss edən xalq onları sevir və
hörmət edirdi, onların toxunulmazlığını və tam azadlıqlarını
təmin edirdi: onlar hər şey barəsində cəsarətlə danışa bilirdilər,
özləri məsləhət bildiklərini xalqın arasında təqdir də edə bi-
lərdilər, tənqid də. Söhbət məşhur knyazdan getsə də, ən kasıb
insandan getsə də djequako yalnız həqiqəti söyləyərdilər. Jır-
çıların xalq arasında necə hörmət və məhəbbətə malik olduq-
larını bir fakt da sübut edir ki, ən məşhur knyazlar belə, uşaq-
larında nə isə ruhi bir istedad işartıları hiss edərlərsə, onu jır-
çının yanına tərbiyə almağa göndərirdilər. Burada gənclər bir
neçə illərini keçirərdilər” (3).
Knyaz Urusbiyev məqaləsində yalnız bir jırçının adını
çəkir. Bu, XIX əsrin əllinci illərində Kiçik Kabardada vəfat
etmiş Tayair adlı jırçıdır.
Urusbiyev jırçılığın yavaş-yavaş sıradan çıxdığını da gös-
tərir və buna səbəb kimi də islamiyyətdən sonra jırçıların mol-
lalar tərəfindən təqibə məruz qaldıqları faktını verir.
1886-cı ildə S.İ.Taneev adlı müəllif “Dağlı tatarlarının
musiqisi haqqında” məqaləsini dərc etdirmişdir. Bu məqalədə
müəllif yazılma səbəbi kimi iki cəhəti qeyd etmişdir:
39
1) Xasavyurtda və Urusbiyevlərin aulunda gördüyümüz
mahnı və rəqslər
2) Knyaz Urusbiyev tərəfindən oxunan qədim dağlı tatar
mahnıları (4).
Gördüyümüz kimi, burada da Ostryakovda olduğu kimi,
informator-söyləyici kimi Urusbiyevlər çıxış edir. Qeyd edək
ki, sonrakı dövrlərdə meydana çıxmış və qaraçay-malkarların
professional jırçıları hesab olunan Kaltur Semyonov, İslam
Krımşamxalov, Kaspot Koçkarov. Appa Janibekovla bir sırada
onların adları çəkilməsə də, ümumiyyətlə, qaraçay-malkar epik
söyləyicilik ənənəsinin unudulmamağında, qeydə alınmasında
Urusbiyevlərin (həm ata, həm də oğullarının) xidmətləri əvəz-
siz olmuşdur.
XIX əsrin sonu - XX əsrdə qaraçay-malkar ifaçı-jırçı-
ları. Sonrakı dönəmlərdə xalq jırçıları xalq ənənələrinə əsas-
lanan yazılı ədəbiyyat yaratmışlar. Bu ədəbiyyatın yaradıcıları
öz bədii yaradıcılıqlarında xalq arasında yaşayan, əski köklərə
malik klassik folklor motiv və süjetlərini istifadə etmişlər.
Belə qaraçay-malkar jırçıları sırasında İsmail Semyono-
vun (Jırçı İsmail), Kaltur Semyonovun, İslam Krımşamxalo-
vun, Kaspot Koçkarov, Appa Janibekovun adı xüsusi olaraq
çəkilməlidir.
Kaltur Semyonov (1750-1850) barəsində dövrümüzədək
məlumatlar gəlib çatmamışdır. Amma onun 1808-1811-ci illər
vəba epidemiyası zamanı ailəsini itirdiyini, bu hadisəyə poema
həsr etməsi barədə məlumatlar vardır. Hətta onun xalq arasında
yayılmış bir neçə xalq mahnısı da toplanmış və nəşr edilmişdir.
40
İsmail Semyonov (Jırçı İsmail ) (1891-1981) Qafqazda
çox məşhur olan “Elbrus”, “Aktamak” adlı xalq mahnılarının
müəllifi sayılır. Onun anası Julduzxan folklor söyləyicisi
olmuşdur. Bu qadın özünün qoşduğu şeirlərlə danışırmış. Atası
Unux dövrünün savadlı adamlarından, klassik ədəbiyyatın və
ərəb dilinin mükəmməl bilicisi olmuş, 38 yaşında Həccə ziya-
rət zamanı vəfat etmişdir. Jırçı İsmailin ilk müəllimləri vali-
deynləri, ilham mənbəyi isə ətəyində yaşadığı Elbrus dağı,
doğma təbiəti gözəllikləri olmuşdur. Digər tərəfdən, ona bu
istedad nəsilliklə ötürülmüşdür. İsmail Semyonovun babası
xalq jırçısı Kaltur Semyonov olmuşdur.
Krımşamxalov İslam (Kırımşauxallanı laçanı Jaçı İs-
lam) (1864 - 1911) – məşhur qaraçay knyazlarından olub, öz
dövrünün maarifçisi və istedadlı xalq ifaçısı hesab olunur.
Krımşamxalovun xalqı qarşısında ən böyük xidməti latın əlif-
bası əsasında qaraçay əlifbası hazırlaması və ilk Qaraçay əlifba
kitabının müəllifi olmasıdır. Maraqlıdır ki, İslam Krımşam-
xalov yuxarıda adını çəkdiyimiz İsmail Urusbiyevin bacısının
oğludur.
Appa Janibekov (Janıbeklanı Kıala-Ceriyni jaşı Zeke-
riya) (1864-1934) gəncliyindən cəmiyyətdəki nöqsanları, ayrı-
ayrı adamların, xüsusən vəzifə və imtiyaz sahiblərinin yara-
mazlıqlarını, kasıblara əziyyət vermələrini tənqid edən həcv-
lərilə məşhurlaşmışdır. O dəvrişvari bir həyat sürmüş, nə malı-
mülkü, nə var- dövləti, nə də evi-eşiyi, ailəsi olmüşdur. Yəni
Safarali Urusbiyevin yuxarıda qeyd etdiyi kimi, əsil xalq jırçısı
olmuşdur. Appanın əsərlərinin bir çoxunun uzun zaman çapı və
oxunması qadağan edilir. Sovetlər Birliyi çökdükdən sonra
Appa Qalay oğlunun əsərlərinin toplanıb nəşr edilməsinə şərait
Dostları ilə paylaş: |