Aturek 5 Konfransın sədri

ATUREK  /  MAY 2017
 
ATU rezidentlərinin 5-ci elmi-təcrübi konfransı  (11 MAY, 2017, ATU)   
172 
 
REANİMASİYA VƏ İNTENSİV TERAPİYADA STEVENS-JOHNSON SİNDROMU 
 
Müəllif : Qasımova Münəvvər 
  
İşin rəhbəri : Uzm.Dr. Nuriyev Bayram 
Kurator : Dos. Kərimova Türkan 
 
Açar sözlər : Stevens-Johnson sindromu, dərman reaksiyası 
Məqsəd : Ekximoz-bulloz səpkilər olan xəstədə dəri zədələnməsinin səbəblərindən biri  dərman reaksiyası 
ola biləcəyəni vurğulamaq. 
Giriş : Stevens-Johnson sindromu (SJS) , dəri və selikli qişaları zədəliyən, immunokomplekslər tərəfindən 
törədilən,  hipersensitiv  reaksiyadır.Əsasən  oral,  nazal,  göz,  vaginal,  uretral  ,  qastrointestinal  və  aşağı  respirator 
traktın selikli qişa membranlarını zədəliyir. 
Material və metodlar : 57 yaşlı kişi xəstəsi Reanimasiya və İntensiv Terapiya şöbəsinə  yayılmış Ekximoz-
bulloz səpkilər, dəri  soyulması, açıq  yaralar  və  hipotenziya (AT  85/60  mm.c.süt) şikayatləri  ilə  daxil olmuşdur. 
Anamnezində  Clexan,  Aspirin  Cardio,  Seftriakson,  Koraksan  kimi  dərmanların  qəbulu  və  allergik  anamnezin 
olduğu bilinmişdir. Bunları nəzərə alaraq, xəstədə dərman reaksiyası düşünüldü. Xəstənin laborator müayinəsində: 
Hb  -  12.4  g/dl,  HCO
3 - 
  23,  BUN  -  19.1  mmol/l,  Glükoz  -  14,5  mmol/l,  CRP  -  124.  Bu  göstəriciləri    və  fizikal 
müayinədə dəri  səthinin 10%-dək zədələməsini  nəzərə alaraq, xəstəyə  ilkin diaqnoz SJS qoyuldu və SCORTEN 
hesablanaraq 4 ball olduğu təyin edildi.  
Nəticə: SJS olan xəstədə kortikosteroid, antihistamin və yerli müalicə tədricən səpkilərin sönməsinə və təzə 
bullaların yaranmasının azalmasına təsir göstərdiyi müşahidə olundu.  
Müzakirə:  Xəstədə  görülən  Stevens-Johnson  sindromunun  (SJS)  dərmana  qarşı  immunoreaksiya  və  ya 
başqa patoloji  faktorun yol açdığı tam dəqiqləşdirilməmişdir. Bizim  müşahidəmizdə allerqik anamnez olması  və 
penisillin antibiotik qrupun istifadəsi etioloji  faktor kimi ola bilməsini düşünürük.  Beləliklə, belə simptomlar ilə 
baş vuran xəstələrdə öncədən gəbul edilən dərmanları nəzərə alınması vacibdir.  
 
 
 
 

---

ATUREK  /  MAY 2017
 
ATU rezidentlərinin 5-ci elmi-təcrübi konfransı  (11 MAY, 2017, ATU)   
173 
 
ATUREK - 5:  Nevrologiya / Psixiatriya – Posterlər 
 
ARNOLD-KİARİ MALFORMASİYASI  
(KLİNİK MÜŞAHİDƏ) 
 
Səbinə MƏMMƏDOVA,  Fatimə ƏLİYEVA 
 
İşin rəhbəri: ass. Nuran ƏMƏNULLAYEV, dos. Şəhla MEHDİYEVA 
 
ATU TTK, Nevrologiya kafedrası 
 
Açar sözlər: Arnold-Kiari malformasiyası, ataksiya, disfagiya 
Giriş:  AKM-sı  inkişaf  anomaliyası  olub,  beyincik  yarımkürələri  və  medial  inferior  beyincik 
badamcıqlarının  böyük  ənsə  dəliyindən  ektopik  enməsidir.  AKM  simptomlarının  başlanması  25-45  yaşlarda 
təzahür  edir.  Xəstəliyin  5  tipi  müəyyən  edilir.  Diaqnostikasında  arxa  beyin  çuxuru  və  böyük  ənsə  dəliyinin 
müayinəsi əsasdır. I tipdə beyincik yarımkürələrinin foramen magnumdan 5 mm-dən çox enməsi əsas diaqnostik 
əlamətdir. Klinik olaraq asimptomatik ola bildiyi  kimi  həm də baş və boyunda ağrı, vertigo, ataksiya, disfagiya, 
retroorbital ağrı, diplopiya, bulanıq görmə, parez və paresteziya, arxa sütunların zədələnməsi nəticəsində Lermitt 
simptomu və dərin hissiyyatın pozulması kimi və s. simptomlar rast gəlinə bilər. 
Tədqiqatın məqsədi: Ataksiyalı xəstənin diaqnostikası 
Klinik  müşahidə:  46  yaşlı  kişi  xəstə  gözdə  qaralma,  gecə  yuxuda  boğulmalar,  udmanın  çətinləşməsi  və 
səndələmə  şikayətləri  ilə  xəstəxanaya  daxil  olub.  Anamnez  nəticəsində  aşkar  olundu  ki,  xəstədə  9  il  əvvəl 
öskürəklə artan boyun ağrıları, 5 il sonra görmədə ani pozulmalar, ataksiya, 6 il sonra disfagiya, 7 il sonra isə gecə 
yuxuda boğulmalar, sol əldə və ayaqda keylik yaranıb. 
Nevroloji  status:  hər  iki  tərəfə  baxdıqda  horizontal  nistaqm,  yumşaq  damağın  soltərəfli  parezi,  burun-
barmaq sınağı zamanı solda intensiya və kobud dismetriya, Romberq vəziyyəti-dayanıqsız, sola və arxaya yıxılır, 
tetrahipesteziya, mərkəzi tetraparez qeyd olunur.  
Baş-beyin  MRT:  beyinciyin  badamcıqları  böyük  ənsə  dəliyindən  7  mm  aşağıda  yerləşmiş,  assimmetrik, 
sağa  doğru  meyillidir.  Sağ  beyinciyin  badamcığından  aşağıda,  eyni  kisəcikdə  hiperintensiv  struktur  dəyişiklik 
mövcuddur,  yuxarı  onurğa  mili  sahəsində  önə  doğru  sıxılma;  yuxarı  onurğa  beynində  C2  səviyyəsində  azacıq 
şişmiş vəziyyətdə hiperintensiv siqnal mövcuddur.   
Radioloji  müayinəyə  əsasən  xəstəyə  Arnold-Kiari  malformasiyası  I  tip  diaqnozu  qoyuldu.  Xəstə 
neyrocərraha  yönəldildi.  Xəstəyə  dekompression  kranioektomiya,  tonzillektomiya,  C1  fəqərəsinin 
laminaektomiyası  əməliyyatları  icra  edildi.  Əməliyyatdan  sonra  təkrar  nevroloji  müayinədə  müsbət  dinamika  – 
ataksiyanın qismən düzəlməsi, udmanın tam bərpası, gecə boğulmalarının tam keçməsi izlənildi. 
Nəticə:  Beləliklə,  xəstədə  çoxsaylı  simptomların  və  koordinator  pozulmaların  olması,  həmçinin  MRT 
müayinəsinin xarakterik nəticəsi AKM diaqnozunu təsdiqləyir.  
 
 
 

---

ATUREK  /  MAY 2017
 
ATU rezidentlərinin 5-ci elmi-təcrübi konfransı  (11 MAY, 2017, ATU)   
174 
 
ATUREK - 5: Revmotologiya / Fizioterapiya – Posterlər 
 
BEHÇET  XƏSTƏLİYİ ( KLİNİK  MÜŞAHİDƏ) 
 
 Aysel CAVADOVA, Arzu CAMALOVA 
 
İşin rəhbəri:  Prof .ə.e.x.,  Sahib  MUSAYEV 
 
ATU Tədris Terapevtik Klinika, IV terapiya şöbəsi 
 
Açar sözlər : Behçet xəstəliyi və oral aft. 
Giriş  :  Bu  xəstəlik  zamanı  ağız  boşluğunda  təkrarlanan  oral  aftlar,  göz  əlamətləri,  üveit, 
hipopiyon,  cinsiyyət  orqanı  ətrafında  residivləşən  yaralar,  pustula,  eritema  nodosum,  səthi 
tromboflebit, müsbət paterji reaksiyası və pozitiv HLA-B51 antigeni tapılır. 
Klinikada simptomların rastgəlmə tezliyi 
 
Oral aft 
97-100% 
Genital ulser 
85% 
Papula, pustula 
85% 
Eritema nodosum 
50% 
Paterji rekasiyası 
60% 
Üveit 
50-70% 
Artrit 
30-50% 
Subkutan tromboflebit 
25% 
Dərin vena trombozu 
5% 
MSS əlamətləri 
5-10% 
 
Məqsəd : Müalicəyə tabe olmayan oral aft və subkutan tromboflebit zamanı Behçet diaqnozunun 
təsdiqlənməsi 
Material  və  metodlar  :  Klinikaya  46  yaşında  D.M.  adlı  qadın  ağız  boşluğunda  çoxsaylı  ağrılı 
yaralardan,  hər  iki  ayaq  baş  barmağında  olan  açıq  yaralardan,  hər  iki  dizdə,  xüsusən  sağ  diz 
nahiyəsində  ağrı,  şişkinlik,  hərəkət  məhdudluğu  ilə  müraciət  etmişdir.1  ildir  özünü  xəstə  hesab  edir, 
xəstəliyini  heçnə  ilə  əlaqələndirmir.  X-ray  müayinəsində  ağciyər  şəkli  güclənmiş,  hər  2  ağciyər 
zirvəsində plevral qalınlaşma qeyd edilmişdir. USM –aşağı ətrafın dopler müayinəsində bilateral xarici 
arteriyası,  ümumi  superfisial  və  dərin  femoral,  dizdə  arxa  və  ön  qamış  arteriyaları  izlənib. 
Hemodinamik  əhəmiyyətli  stenoz  qeyd  edilmir.  Vena-bilateral  xarici  qalça,  ümumi  səthi  və  dərin 
femoral , dizaltı , arxa və ön qamış, incik və böyük dərialtı venalar izlənib, sol ayaqda ümumi femoral 
və səthi femoral venanın proksimal hissəsində I dərəcəli, sağ ayaqda II-III dərəcəli reflüks qeyd olunub. 
Qanın  müayinəsi  :  sitratlı  plazma  –  İNR-1,05,  Protrombin  indeksi  –  91,24,  Protrombin  zamanı  -13,7, 
Albumin–2,73 , ANA-0,56, AKA İg M=2,7 AKA İg G=5,3, EÇS-11, HLA-B51 antigeni pozitiv. 
Nəticə  :  Xəstəyə  müayinələr  nəticəsində  Behçet  xəstəliyi  diaqnozu  qoyuldu.  Müvafiq  müalicə 
tədbiq  olundu  (Metipred  4mg,  Azatiophrin  50mg).  Xəstənin  vəziyyəti  stabilləşdi.  Müalicəsini 
Revmatoloqun nəzarəti altında aparılması məsləhət görüldü. 
        
 
                             Şəkil 1. Eritema nodosum                                            Şəkil 2. Oral aftlar 

---