ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
175
REVMATOLOJİ XƏSTƏLƏRDƏ REYNO SİNDROMU
Nuray ABBASZADƏ
İşin rəhbəri: dos.Natavan HÜSEYNOVA
ATU TTK , II daxili xəstəliklər kafedrası
Açar sözlər: Reyno sindromu, Raynaud fenomeni, sistem sklerodermiyası
Giriş: Reyno sindromu tipik olaraq soyuğa məruz qalma və emosional stress ilə başlayan barmaq
uclarında işemiya nəticəsində formalaşan üç fazalı rəng dəyişikliyidir. Əvvəlcə vazospazm ilə əlaqədar
avazıma, sonra sianoz və daha sonra hiperemiya görülür. Reyno sindromu qulaq, burun, ayaq
barmaqları və dildə də ola bilər.
Tədqiqatın məqsədi: Reyno sindromunun rast gəlmə tezliyi və müalicə taktikasını araşdırmaq
tədqiqatın məqsədi seçilmişdir.
Material və metodlar: Tədqiqat ATU –nun Tədris Terapevtik Klinikasının 01.02.2016 tarixindən
01.01.2017 tarixinədək müraciət edən xəstələr üzərində aparılmışdır.
Nəticə: Həmin müddət ərzində 302 revmatoloji xəstə klinikaya müraciət etmişdir. Onların 35
nəfərində Reyno sindromu aşkarlandı. Bu digər revmatoloji xəstələrin 11,5 % -i təşkil edir. Xəstələrin
yaş hüdudları 24 – 64 yaş arasındadır. Qadınların sayı 33 nəfər ( 94 % ), kişilərin sayı 2 nəfərdir ( 6 % ).
Xəstələrin 17 – nin ( 56 % ) barmaqlarında trofiki yaralar qeydə alındı.Xəstələrin hamısında diaqnoz
sistem sklerodermiyasıdır. Müalicəsində kalsium kanalı blokatorları və sildenafil (kamaqra 100 mq ½
tab x 2 dəfə y/s) kimi fosfodiesteraza inhibitorları istifadə olunub və xəstələrdə müsbət effekt müşahidə
edilib.
Yekun: Sistem sklerodermiyası diaqnozu qoyulan xəstələrdə Reyno sindromunun araşdırılması
xəstənin daha düzgün müalicə olunması üçün şərtdir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
176
BEL AĞRISI OLAN XƏSTƏLƏRDƏ DİADİNAMİK TERAPİYANIN EFFEKTLİ SEÇİM
METODİKASI
Nərmin MƏMMƏDLİ, Haldun ƏLİLİ
İşin rəhbəri: dos. Paşa MEHDİYEV
ATU TTK , Fizioterapiya və İdman təbabəti kafedrası
Açar sözlər: diadinamoterapiya, bel ağrısı, iki yarımdövrlü fasiləsiz (İF), qısa dövr, uzun dövr.
Giriş: DDT- iki sabit alçaq tezlikli impulslu cərəyanının ayrı-ayrılıqda , yaxud onları fasiləsiz
əvəzləməklə verilməsidir.Müalicə üsulunu fransız həkimi Bernar müalicə təcrübəsinə gətirmişdir. Bu
cərəyan iki yarımsinusiodal formalı impulsdan ibarətdir: tezliyi 1saniyədə 50 impuls (1 taktlı fasiləsiz)
və 1 san-də 100 impuls daşıyan cərəyan ( ikitaktlı fasiləsiz). Aşağıdakı modulyasiya növləri vardır:
Bir yarımdövrlü ritmiki(BR), bir yarımdövrlü dalğalı( BD), iki yarımdövrlü dalğalı(İD), bir
yarımdövrlü fasiləsiz (BF), iki yarımdövrlü fasiləsiz (İF), qısa dövr (QD), uzun dövr (UD).
İki yarımdövrlü fasiləsiz (İF)- tezliyi 100 Hs, impulsun davametmə müddəti10 ms olan
cərəyandır. Kəskin analgetik və zəif yayılmışvibrasiya törədir.
Qısa dövr(QD)- davam etmə müddəti 1.5 san, tezliyi ardıcıl olaraq 50 və 100 Hs olan cərəyanın
növbəli dəyişmələridir. Neyromiostimulyasiya və analgetik təsirə malikdir.
Uzun dövr(UD)- tezliyi 50 Hs, davam etmə müddəti 4 san olan cəryanın tədriclə yüksəlib və
enərək tezliyi 100 Hs davam etmə müddəti 8 san olan cərəyanla əvəzlənməsidir. Analgetik, vazoaktiv
və trofiki təsirə malikdir. Əsasən QD və UD ağrıkəsici effektə malikdir. DDT-nin ağrıkəsici effekti sinir
liflərini sıxan ödemin azaldılması , qan dövranının və trofiki proseslərin normallaşması, toxualarda
hipoksiyanın aradan qaldırılması ilə izah oluna bilər.
Məqsəd: Bel ağrısı olan xəstələrdə DDT –nın müxtəlif metodikalarının effektliliyinin
araşdırılması.
Material və metodlar : klinikaya daxil olan 10 xəstə üzərində aparılmışdır. Bu xəstələrdə güclü
ağrılar, hərəkət məhdudluğu müşahidə olunmuşdur. Müalicədə İF, QD,UD modulyasiya növlərindən
istifadə olunmuşdur. İF 2 dəq, QD 2 dəq , UD 2 dəq olmaqla verilmişdir. Elektrodlar bel nahiyəsinə
boylama qoyulmuşdur. Müalicə hər gün olmaqla 10 seans aparılmışdır.
Nəticə: 10 günlük müalicənin sonunda 7 xəstədə ağrının azalması, hərəkət həcminin artması ,
həyat keyfiyyətinin artması müşahidə olunmuşdur. Qalan 3 xəstədə əhəmiyyəyli dəyişikliklər
olmamışdır.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
177
BEL OSTEOXONDROZU OLAN XƏSTƏLƏRİN KOMPLEKS MÜALİCƏSİNDƏ
MÜALİCƏ BƏDƏN TƏRBİYƏSİNİN ƏHƏMİYYƏTİ
Aytən MUSAYEVA, Faiq ƏZİZOV
İşin rəhbəri: ə.e.x., prof. Əlişir MUSAYEV
ATU TTK, Fizioterapiya və İdman Təbabəti kafedrası
Açar sözlər : bel osteoxondrozu, müalicə bədən tərbiyəsi, onurğa sütunu
Giriş: Osteoxondroz irsi anadangəlmə və bir sıra qazanılmış ( statik-dinamik, autoimmun,
mübadilə) faktorların nəticəsində yaranan xəstəlik olub, onurğanın boyun, döş və bel formalarına ayırd
edilir. Xəstəliyin başlanğıcında onurğa sütunu fəqərələri arasında olan və amortizasiya funksiyasını
yerinə yetirən qığırdaq zədələnir, nəticə olaraq fəqərələr arasında disklərə düşən təzyiq artır, buradan
keçən sinirlərin sıxılmasına və neyrodistrofik dəyişikliklərə gətirib çıxarır.
Tədricən disklər elastikliyini itirir, quruyur və bu zaman fibroz həlqə təzyiqə dözümsüz olur,
fəqərəarası məsafələr daralır, hündürlük azalır. Bu sinir köklərinin sıxılmasına və bel nahiyyəsində ağrı
sindromunun əmələ gəlməsinə səbəb olur. Xəstəlik vaxtında müalicə olunmazsa ciddi fəsadlara hətta
əlilliyədək gətirib çıxara bilər.
İşin məqsədi- bel osteoxondrozu olan xəstələrin fiziki reabilitasiyası zamanı onurğanın
funksiyasının bərpa edilməsi və irəlidə baş verə biləcək degenerativ-distrofik proseslərin
proqressivləşməsinin qarşısının alınmasıdır.
Bununla yanaşı müalicə bədən tərbiyəsi həkiminin əsas vəzifələri xəstələrdə ağrı sindromunun
azaldılması, postural gərginliyin aradan qaldırılması və orqanizmin bərkidiməsi, bütün sistem və
orqanların artan fiziki yükə adaptasiyası, sıxılmış sinirlərin rahatlandırılması, paravertebral əzələlərin
spazmının aradan qaldırılmasına yönəldilməlidir. Həmçinin qarın əzələlərinin və qalça-qasıq
bitişməsinin (böyük sarğı əzələlərinin) ekstensorlarının möhkəmləndirib təbii əzələ korsetinin əmələ
gətirilməsidir. Digər tərəfdən isə xəstələrdə ayaq üstə duran, oturan, əmək hərəkətləri zamanı onurğa
sütünu üçün fiziki yükdən qaçmaq və residivlərin profilaktikası üçün düzgün duruşun təmin olunması
vəzifəsi də qarşıda durur.
Material və metod: Azərbaycan Tibb Universiteti Fizioterapiya və idman təbabəti kafedrasına bel
osteoxondrozu diaqnozu ilə 15 xəstə müşahidə altında olmuşdur. Müraciət etmiş xəstələrə
fizioterapevtik müalicə ilə yanaşı müalicə və bədən tərbiyəsi tətbiq olunmuşdur. Tətbiq zamanı
ardıcıllıq, sistemlilik və davamlılıq kimi üsullarla xüsusi nəzarət edilmişdir. Ağırlıq dərəcəsindən asılı
olaraq xəstələrə individual yanaşılmışdır. Fiziki yük verilərkən xəstələrin çəkisinə və digər parametrik
ölçülərinə fikir verilmişdir və yük tədricən artırılmışdır. Fiziki hərəkətlər aşağı tempdə aparılıb, kəskin
hərəkətlərdən qəti qadağan olunmuşdur, hərəkətlər zamanı xəstə yüngül ağrı hiss etdiyi ana qədər
yerinə yetirilmişdir.Xəstələrə uzanıqlı, diz üstündə hərəkətlər , Tred mill üzərində gəzinti yerinə
yetirilmişdir. Kəskin ağrılar olan xəstələrdə idman hərəkətləri uzanıqlı şəkildə aparılmışdır. Qaçmaq,
tullanmaq bir sözlə fəqərəarası təzyiqə və sıxılmaya səbəb olan hərəkətlər əks göstəriş kimi qeyd
edilmişdir.
Nəticə və yekun: Müalicə kompleksi xəstələr tərəfindən yaxşı keçirilmişdir. Aparılmış müalicə
kursu nəticəsində ağrıların intensivliyinin və tutmaların sıxlığının azalmışdır. Təyin olunmuş müalicə
kursundan sonra klinikaya müraciət etmiş xəstələrin 9-da yaxşılaşma əldə edilmişdir. Digər 6 xəstədə
isə az yaxşılaşma qeyd olunmuşdur. Beləliklə, aparılmış tədqiqatların nəticəsi xəstələrdə ağrısız
hərəkətin bərpası, əzələlərin möhkəmlənməsi müalicə bədən tərbiyəsinin effektiv üsul olmasına əsas
verir.
Dostları ilə paylaş: |