ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
71
TERAPEVTİK DİLEMMA - HEPARİNƏ BAĞLI TROMBOSİTOPENİYA VƏ PULMONAR
TROMBOEMBOLİYA
Xatirə HƏMİDOVA
İşin rəhbəri: Fuad SƏMƏDOV
I Daxili Xəstəliklər və Reanimatologiya kafedrası
Açar sözlər: fraksiyalanmamış heparin, trombositopeniya, pulmonar tromboemboliya.
Giriş: Heparinə bağlı trombositopeniya (HBT), heparin istifadəsi ilə əlaqədar ortaya çıxan
protrombotik ağırlaşmadır. Bu yazıda pulmonar tromboemboliya (PT) səbəbi ilə fraksiyalanmamış
heparin (FH) verilən və HBT inkişaf edən xəstənin uğurlu müayinə və müalicəsi bildirilmişdir.
Materiallar və metodlar: Göbək yırtığı əməliyyatından 2 gün sonra təngnəfəslik inkişaf etmiş
69 yaşlı qadın xəstə şikayətlərinin davam etməsi səbəbi ilə 5 gün sonra kəskin miokard infarktı (KMİ)
diaqnozu ilə reanimasiya şöbəsinə qəbul olunmuşdur. Xəstəyə KMİ diaqnozu ilə FH daxil olmaqla
medikamentoz müalicə başlanmışdır. Xəstəxanada yatışın 5.günündə ayağa qalxarkən bayılma epizodu
olmuş, xəstənin kliniki vəziyyətində pisləşmə qeydə alınmışdır. Torakal KT nəticəsilə PE diaqnozu
qoyulmuş və mərkəzimizə köçürülmüşdür. Qəbul əsnasında AT 120/60mmHg, ÜVS 72/dəq, SpO2 89%
olmuşdur. EKQ-də döş aparmalarında T dişinin inversiyası, ExoKQ-də sağ boşluqların dilatasiyası,
sPAT 65mmHg qeydə alınmışdır. İlk müraciət etdiyi mərkəzdə trombosit sayı 160*10
9
/L olduğu halda
mərkəzimizdə baxılan dəyər 64*10
9
/L olmuş və 2 dəfə kontrol edilərək trombositopeniyanın ən çox rast
gəlinən səbəbi olan laborator xəta inkar olunmuşdur. Trombositopeniyanı izah edən başqa səbəb
olmadığı, FH istifadəsinin bir neçə gün öncə başlamış olması, PT olması səbəbi ilə xəstədə HBT
düşünüldü və FH və kiçikmolekullu heparin istifadəsi dayandırıldı. Xəstəyə fondaparinuks 7.5mq təyin
olundu. FH istifadəsi dayandırıldıqdan sonra trombosit sayı günlər ərzində 470000/-ə qədər yüksəldi.
Xəstə fəsadsız şəkildə rivaroksaban müalicəsi ilə evə yazıldı.
Nəticə: HBT-nin iki tipi mövcud olub, tip 1 - q/immun mexanizmlə heparin istifadəsinin 1-
4.günündə, tip 2 isə immun mexanizmlə müalicənin 5-14.günlərində inkişaf edir. Rastgəlmə tezliyinin
0.7-5% olduğu bildirilmişdir. Digər trombositopeniyalardan fərqli olaraq HBT zamanı qanaxma yox,
tromboembolik ağırlaşmalar - dərin vena trombozu, ətrafların venoz qanqrenası, PT, nadir hallarda
arterial tromboz müşahidə olunur. HBT-nin erkən diaqnozu sadalanan ağırlaşmaların qarşısını ala
bilər. Heparin verilən xəstədə trombosit sayının 50%-dən artıq azalması (mütləq sayı 150*10
9
/L ola bilər)
halında HBT-dən şübhələnilməlidir. Əgər HBT ehtimalı yüksəkdirsə heparin istifadəsi dayandırılmalı
və başqa antikoaqulantlar istifadə olunmalıdır. HBT diaqnozu qoyulmuş xəstənin tibbi qeydlərində bu
hal vurğulanmalı və gələcəkdə heparin istifadəsindən qaçınılmalıdır.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
72
AKROMEQALİYA KLİNİKİ TƏZAHÜRÜ İLƏ GEDƏN NADİR KARDİAK
AMILOİDOZ HALI.
Nigar BABAZADƏ
İşin rəhbəri: Fərid ƏLİYEV
ATU TTK, Ürək Damar Mərkəzi
Açar Sözlər: Akromeqaliya, kardiak amiloidoz, makroqlossiya.
Giriş: Amiloidoz, amiloid maddəsinin müxtəlif toxumalarda toplanmasıyla xarakterizə olunan,
həyati orqanların zədələnməsinə səbəb olan sistemik xəstəlikdir. Birincili (AL), ikincili ( AA), ailəvi
(AF) və senil (SSA) olmaqla 4 tipə ayrılır.
Kardiak tutulum ən çox birincili amiloidozda müşahidə edilir. Birincili amiloidozda amiloid
maddəsi ürəkdən başqa böyrək, dil, periferik sinirlər, limfa düyünləri, karpal bağ, oynaqlar və dəridə
toplana bilər. Makroqlossiyya 15% hallarda təsadüf edilir.
Material və Metod: Klinikamıza son 6 aydır ki, təngnəfəslik, gecə boğulması, arıqlama
şikayətləri ilə daxil olan 53 yaşlı qadın xəstənin ilkin fiziki müayinəsində nəzərə çarpacaq
akromeqaliya, üz və yuxarı ətrafların böyüməsi, makroqlossiya müşahidə edilmişdir. Exokardioqrafik
müayinədə sol mədəciyin ciddi qlobal hipokineziyası müşahidə edildi (Atım fraksiyası 20%). Xəstədə
ola biləcək akromeqaliyaya bağlı kardiomiopatiya araşdırılması məqsədi ilə baş beyin MRT müayinəsi
və laborator olaraq qlükoza tolerantlıq testi, somatotrop hormon, TSH, prolaktin, kalium, İGF-1
analizləri yoxlanılmışdır. Kliniki laborator və instrumental müayinələrdə hipofizar patologiya aşkar
edilməmişdir. Mövcud kardiak simptomları və exokardioqrafik əlamətləri (dənəvər quruluşa malik
mədəciklərarası çəpər) nəzərə alaraq xəstə sistemik depo xəstəlikləri nöqteyi nəzərindən
dəyərləndirilmişdir. Bu məqsədlə xəstə amioloidoz baxımından araşdırılmış və sidiyin
immunoelektroforezində kappa yüngül zəncir aşkarlanmışdır. Patohistoloji diaqnostika məqsədi ilə
aparılan dil biopsiyası nəticəsində amiolidoz təsdiqlənmişdir. Xəstə kardiak nöqteyi nəzərdən
stabilləşdirildikdən sonra hematologiya şöbəsində müalicəsini davam etdirmişdir. Aparılan müalicə
tədbirləri sonrasında xəstənin kardiak simptomları geriləmiş, kontrol EXO müayinəsində sol mədəciyin
atım fraksiyası 45% olaraq dəyərləndirilmişdir.
Nəticə:
1.
Təqdim etdiyimiz kliniki hal akromeqaliyanın birmənalı olaraq hipofizar patologiyaya bağlı
deyil eyni zamanda sistemik və kardiak amiloidozun nadir klinki təzahürlərindən biri ola
biləcəyini göstərməkdədir.
2.
Amiloidoz kimi erkən diaqnostikanın müalicə effektivliyinə təsiri böyük olan xəstəliklərin
nadir təzahür şəkilləri daimi olaraq nəzərdə saxlanılmalıdır.
Dostları ilə paylaş: |