37
Xeyrə o, ona görə inanmaq istəmir. İblisin qüvvəsi onun
Allahı və dünya işlərini özündən də şərir, özündən də betər
hesab etməsindədir. O, bütün dünyaya, Allahın özünə belə, öz
şərarət fəlsəfəsinin təsdiqi kimi baxır.
İblis-həqiqətlər, qara həqiqətlər, çılpaq həqiqətlər aşiqi-
dir. Həm də elə bil ki, İblis öz-özünə vurulmuşdur. O, həmişə
özü haqda üçüncü şəxsdə danışır: «İblis, o böyük qüdrət, o
atəşli müəmma!», yaxud «əvət, İblis, o böyük sənətkar», ya-
xud da «İblis, o böyük ad nə qədər calibi-heyrət!» - deyə öz-
özünə müraciət edir və s.
İblis şəri dörd gözlə görür. Müəllif onun bu xüsusiyyət-
lərindən istifadə edir. Bu dini-əfsanəvi surət H.Cavidin əlində
dövrün və cəmiyyətin bütün qüsurlarını açıb ortalığa qoyan
qüvvətli bədii vasitəyə çevrilir.
Sonda insanlar yığışıb İblisi- bu şər filosofunu öz arala-
rından qovurlar. Lakin bu, hələ şərin insanlar arasından qo-
vulması demək deyildi.
Çünki insan təbiətində şəri İblis yaratmışdı və o da
məhv edə bilməzdi. Bu, insanın öz vəzifəsi idi; odur ki, İblis
səhnədə görünməz olur. Həyatın səhnəsində insan öz vəzifəsi
ilə yalqız qalır…
İblis –bizim dramatik poeziyada klassik simvolik surət-
dir. Öz bədii qüdrəti ilə o, - Lüssifer, Demon, Mefistofel kimi
iblis tipləri ilə yanaşı durur. M.Lermontovun Demonundan
sonra H.Cavidin İblisi demonizm poeziyasında sonuncu qüv-
vətli iblisdir.
Adətən, böyük, üsyançı və narahat iblislər müəyyən əx-
laqi-fəlsəfəfi sistemlər, ziddiyyətlərlə dolu dövrlərlə bağlı
olur. Mefistofelin görüşlərində Avropa tənqidi realizmini, bu
realizmin ən kəskin bir təzahürünü görürlər. Renessans fəlsə-
fəsi öz yeni pafosunu də Lüssiferin (Bayron, «Habil» faciə-
sində) azadlıq ideyalarında tapmış olur. Bu mənada İblisin
qəhqəhələri (H.Cavid, «İblis» əsəri) mistikaya, «mərhəmət»
fəlsəfəsinə, etiqad, təvəkkül və xürafata yeni üsyanın acı,
38
məğrur bir kinayənin ifadəsi idi…
H.Cavid hələ 1917-ci ildə tamamladığı «Şeyda» isə dra-
maturgiyamızda tamamilə yeni bir hadisə kimi səsləndi.
«Şeyda» öz məzmunu ilə «Şeyx Sənan» və «İblis» mövzu-
sundan tamamilə fərqlənirdi. Hadisələr Bakıda vaqe olur,
mətbəə fəhlələrinin əmək və həyatının təsvirini verirdi. Əsər,
istismar dünyasına qarşı üsyan qaldıran, odlu-alovlu çıxışlar
edən, lakin mübarizə yolunu tapmadığı üçün məğlub olan zi-
yalı gəncliyin faciəsi idi. Sonralar Şeyda ədəbiyyatımızda ge-
niş yayılan mütərəddid ziyalı tiplərinin sələfi oldu.
Cavan mühərrir olan Şeyda əsərin ilk pərdələrində çox
mübariz bir proqramla çıxış edir, birlik və fəallıqdan danışır,
fəhlələrə öz hüquqlarını başa salır, onları, azğınlıqları kənar-
dan seyr edən «qoyun sürüsü» adlandırır. O, hətta coşqun
ruhlu inqilab nəğmələri də bəstələmişdir:
Yaş zindanlar yuvamız,
Fəlakət aşinamız,
Ordular yıxan qurşun
Olmuş bizim qidamız.
Arkadaş, göz aç, aman!
Qalx ölüm yuxusundan!
Zülmə çox əydin boyun,
Çox əzildin, qalx, oyan!
Lakin bu şeiri Şeyda özü fəhlələrə verməmişdir, onu
fəhlələr özləri «gizlicə onun dəftərləri arasından» götürmüş-
lər. Fəhlələr şeiri əzbərləyib bir ağızdan oxuyurlar. Elə bunun
üstündə də Şeydanı mətbəədən qovurlar.
Mətbəədən kənar edilməsi ilə də ondakı inqilabi coş-
qunluq öz yerini bədbin, dumanlı əhval-ruhiyyəyə verir. O,
özünü «dərviş» adlandırır, səfil və divanə həyat keçirir. Şey-
danı həbs edirlər. Fəhlələrin qələbəsi xəbərini o məhbəsdə
eşidir.
39
Əsərdə Şeyda ilə yanaşı fəhlə Qara Musanın taleyi də
təsvir edilir. Onun qardaşı mətbəədə vərəmdən ölür, əli şikəst
olur, evini borc yerinə mətbəə müdiri qəsb edir və «tək əlli»
qaldığı üçün onu işdən qovur. Müəllif də «tək əlin» intiqa-
mını təsvir edir. Həm də «tək əlin» intiqamı Şeydanın bədbin
və tərəddüdlü üsyanından daha qorxulu olur. Cavid Şeydanı
idealizə etmir, əksinə, əsərdə müəllifin rəğbəti daha çox fəhlə
qara Musanın tərəfindədir. «Tək əllə» iş görməsinə, mübari-
zədə terrorçuluğa yol verməsinə baxmayaraq Qara Musa
praktik bir adam kimi Şeydadan yüksəkdə durur.
Balaxanı neft fəhlələrinin həyatından bəhs edən «Mə-
sud və Şəfiqə» şeiri ilə yanaşı «Şeyda» şairin yaradıcılığında
fəhlə hərəkatı və inqilab mövzusuna doğru atılan birinci ad-
dımlar idi. Faciədəki realist həyat səhnələri, fəhlələrin əmək
və mübarizəsini əks etdirən canlı və konkret lövhələr xüsusilə
qiymətlidir .
«Şeyda»dan sonra H.Cavid «Uçurum» faciəsini bitirir.
Burada da Qərb burjua əlaqələri ilə birlikdə yayılan yeni əx-
laqi münasibətlər və onların ölümə məhkum etdiyi sənətkar
bir gəncin müsibəti təsvir edilir. Rəssam Cəlal özü ilə keçmişi
arasında açılan böyük «uçurum»da məhv olur.
Burjua-feodal əxlaqının doğurduğu başqa bir müsibəti,
ailə-məişət faciəsini isə «Afət»də görürük.
«Afət» (1922) Hüsyen Cavidin qadın qəhrəmanlı ikinci
faciəsidir. «Maral»da qadınlığın, «övrət tayfası»nın çoxdankı,
ümumi, «ənənəvi» müsibəti davam edirdi. Afət isə artıq
«yüksək cəmiyyət qadını», xalis kübar və zadəgan bir xanım
idi. Odur ki, Afətin faciəsi nisbətən fərli məzmun daşıyır,
burjua-zadəgan mühiti, kübar adətləri və əxlaq normaları ilə
şərtləndirilir. Öz qeyri-adi ehtirası ilə də Afət dramaturgiya-
mızda özünə qədərki qadın tiplərindən fərqlənir, faciədə qa-
dın xarakterinin daha çox Medeya tipinə yaxın bir surət kimi
meydana çıxır. Belə xarakterə sonralar yenə də Caviddə, «Sə-
yavuş» əsərindəki Südabə surətində rast gəlirik.
Dostları ilə paylaş: |