325
və on minlərlə Cavidsevər naxçıvanlılar qarşıladı. Bəli, 63 il-
dən sonra Cavid Əfəndi yenə Vətənə qayıtdı. Limanda çox
hərarətli bir mitinq keçdi. Çıxış üçün mən sözü professor
Abbas Zamanova, Cavidlə birgə oxumuş jurnalist Tarverdi-
yevə və şairə Kəmalə Ağayevaya verdim. Onlar bu misilsiz
tarixi hadisəyə böyük qiymət verib Cavid dahiliyini bir daha
qeyd etdilər. Sonra Cavidin tabutunu doğulduğu evə - yaratdı-
ğımız ev müzeyinə gətirdik. Noyabrın 3-də Cavidin tabutu
C.Məmmədquluzadə adına Naxçıvan Dram Teatrında yerləş-
dirildi. Əhali Cavidlə vidalaşmağa gəldi. Həmin gün saat 3-də
Kamran Rəhimovun rəhbərliyi altında böyük izdihamlı bir
vida-dəfn mitinqi keçirildi. Çıxış edənlər: Yazıçılar İttifaqının
katibi H.Abbaszadə, xalq artisti M.Dadaşov Cavid dahiliyin-
dən danışdı, SSSR-i Ali Sovetinin Deputatı Zakir Nəsirov
«Cavidlə» şeirimizi səsləndirdi. Turan Cavid atasına göstəri-
lən bu ehtirama görə minnətdarlıq etdi. Düz 41 ildən sonra
Vətənə qayıdan Cavid Əfəndi, sevdiyi tut ağacının yanında
əbədi olaraq ana torpağa tapşırıldı.
Axşam Cavid adına Poeziya Teatrında K.Ağayevanın
«Mənim tanrım gözəllikdir, sevgidir» əsərinə tamaşa etdik.
Uzaq Sibirdə, Bakıda, Naxçıvanda bu tarixi hadisə ilə izdi-
hamı, sevinci və kədəri təsvir etmək üçün yalnız Cavid qə-
ləmi lazımdır.
Bəli,
«Bəxtiyarsan, əgər çəkdiyin əmək,
Cahan sərgisinə versə bir çiçək».
Bu bəxtiyarlıq bizim üçün həmişə mənəvi ucalıqdır.
Həmid Qara oğlu Cəfərov
327
HÜSEYN CAVİDİN «TOPAL TEYMUR»
ƏSƏRİ HAQQINDA DÜŞÜNCƏLƏRİM
H.Cavid dramları yüksək peşəkarlığına görə həm oxu,
həm də səhnə üçün tam yararlı hesab oluna bilər. Söz yox ki,
əslində hər bir səhnə əsəri, məhz səhnədə qoyulmaq üçün ya-
zılır. Lakin H.Cavid kimi sənətkar yazdığı dram əsərlərində
səhnə tələblərini əsas götürsə də, oxucunu da yaddan çıxara
bilməzdi. Cavid dramları ən müxtəlif faktları özündə əks etdi-
rib, faktların təqdimatı, hadisələrin müəllif məqsədinə, ide-
yaya uyğun düzümü və gözlənilməz dönümü, gərginliyin son
həddə çatdırılması, qəfil məqamlar, xarici və daxili hərəkətin
peşəkar toxunuşu ilə diqqəti cəlb edir. Bu dramlarda ilk nə-
zərə çarpan, konkret halda türk övladının, ümumilikdə isə,
bəşər övladının ən müxtəlif bucaqlardan görünən obrazıdır.
Cavid insan xarakterində mövcud olan təzadları, hadisələrin
qəfil məqamlarında baş verən dəyişgənliyi, şüurlarda və ürək-
lərdə əmələ gələn tüğyanları konkret hadisələrdə təsvir etmək
bacarığına malikdir. Xəyyamın alimliyi və şairliyi ilə təzad
təşkil edən sevgi yolundakı dönməzliyi, Şeyx Sənanın mə-
həbbəti uğrunda dini təriqətlərdən, əqidəsindən imtina etməsi,
Əmir Teymurun xarakter dəyişgənliyi və dərin zəkası, Afətin
həyat amalları və acı həqiqətlər, Knyazın real həyatı və dəyi-
şikliklər, Peyğəmbərin müqəddəs istəyi və islami dəyərlər na-
minə aparılan müharibələr, Arif insanın daxili çırpıntıları,
İblis və Mələklə münaqişəsi, əslində bir insan xarakterinin ən
müxtəlif parametrlərdən canlanan təzadlı görüntüləridir. Bu
dramlarda müəllif bəşər övladının düşdüyü situasiyalara mü-
vafiq dəyişkənliyi ən xırda detallara qədər nümayiş etdirə bi-
lir. H.Cavidi bir qayda olaraq güclü xarakterlər maraqlandırır.
Güclü xarakterlər riskli addımlar ata bilərlər. Risk etmək,
gözlənilməz hərəkətlə həyatını tərsinə döndərmək, adətən
güclü xarakterli insanların işidir.
Bu yazımızda, konkret olaraq, «Topal Teymur» dramı
328
haqqında danışmağa, bu maraqlı səhnə əsərinin bəzi nüansla-
rını araşdırmağa çalışacağıq. «Topal Teymur «,əslində isə
«Əmir Teymur» dramı tarixi faktlara və hadisələrə, real şəx-
siyyətlərə istinadən yazılmış mükəmməl nümunədir. Söz yox
ki, tarixilik hər bir müəllifi, o cümlədən H.Cavidi müəyyən
qədər, hansısa çərçivə daxilində hərəkət etməyə vadar edir.
Lakin Cavid çərçivə daxilində belə yüksək peşəkarlığını sax-
lamağa müvəffəq ola bilmişdir. Nəticədə tarixən guya bizə
məlum olan Əmir Teymurun,əslində isə naməlum Əmir Tey-
murun mürəkkəb, ziddiyyətli obrazı yaranmışdır. Biz Əmir
Teymuru, Çingiz xanı, Atillanı, Qacarı və daha neçə - neçə
qəhrəman türk sərkərdələrini talançı, qaniçən, ölkələr viran
qoyan yırtıcı kimi tanıyırdıq. Əslində isə bu türk qəhrəman-
ları dünyaya qəhrəmanlıq, igidlik nümayiş etdirib, aləmə mü-
qəddəs amallar, sivilizasiya və mədəniyyət yayıblar. Əmir
Teymur həyatdan liderlik, hökmranlıq qazanmaq üçün yara-
nıb. Onun ali məqsədi, yüksək amalı bütöv, güclü və varlı
türk dövləti yaratmaqdır. Əsərdə Cavidin baş qəhrəma-
nına,onun şəxsiyyətinə, tarixi missiyasına olan rəğbəti şəksiz-
dir. Lakin Cavid bir qayda olaraq həmişə insanı sevə-sevə
təsvir edir. Müəllif əsas qəhrəmanı Əmir Teymurun müsbət
keyfiyyətlərindən danışanda, mənfi qəhrəmanı Yıldrım Bəya-
zidin müəyyən müsbət keyfiyyətlərindən də danışmağı unut-
mur. Əsər Əmir Teymurla Yıldrım Bəyazid arasında baş ver-
miş tarixi müharibəyə, daha doğrusu müharibənin baş vermə,
yaranma səbəblərinə həsr olunmuşdur. «Topal Teymur»
dramı müəllif tərəfindən bir növ tədrici tanışlıq və müqayisə
formasında işlənmişdir. Cavid artıq əşxasda, ilk tanışlıqda,
əsərdə iştirak edəcək obrazları ikiyə bölür. Bu əslində müna-
qişəyə girəcək tərəflərin müəllif bölgüsüdür. Əsər beş pərdə-
lidir. İki pərdə Əmir Teymur və onun ətrafına, o biri iki pərdə
isə Yıldırım Bəyazid və onun ətrafına həsr olunmuşdur. Be-
şinci pərdə həlledici müharibə səhnəsidir. Müəllif burada da
öz bölgü formasından yan keçməmişdir. Cavidin məqsədi hər
Dostları ilə paylaş: |