Avropa Universitetləri Birliyinin və Vahid Avropa Məkanının yaradılması ideyaları bütün Avropada vo Bolonya (İtaliya) şəhərində olan qədim Bolonya Univer
Yüklə 3,61 Mb. Pdf görüntüsü
|
60 dən Sərab hakimi Sadıq xan Şəqaqi Təbrizə qoşun çəkdi. Xalqın nümayəndəsi Ağa Əliməhəmməd tacirbaşı xeyli sovqatla yardım üçün Məhəmmədqulu xanın yanına yollandı. Məhəmmədqulu xan təbrizlilərə kömək etməyə söz verdi. İbrahim xan Araşlını 2 min nəfərlik qoşunla Təbrizə göndərdi. Təsuc yaxınlığında Əhməd xan Dünbili də ona qoşuldu. Xəbəri eşidən Sadıq xan qorxuya düşüb, Səraba qayıtdı. Xudadad xan gələnlərin pişvazına çıxıb, bir neçə gün qonaq saxladı. Həkkari kürdləri Urmiyaya yürüş edib, qarət fikrinə düşmüş- dülər. Məhəmmədqulu xan bu xəbəri eşidib, Təbrizə qasid göndə- rərək, İbrahim xanı geri çağırtdırdı. İbrahim xan Salmas tərəfindən Həkkari bölgəsinə hücuma keçdi. Kürd qoşununu darmadağın etdi. Ənzəl adlı mahalın ərazisində, İstisuyun kənarında qoşuna istirahət verdi. Həkkari kürdləri geri qayıdıb, yenidən hücuma keçdilər. Qarovullar yeni hücumdan İbrahim xanı duyuq saldılar. Savaş yenidən başladı. Kürdlər Avşar qoşununa məğlub olub, böyük tələ- fat verərək, geri qaçdılar. İbrahim xan 3 ağac onları qovub, xeyli qə- nimət ələ keçirdi. Qəniməti qoşun arasında böləndən sonra Qaradağ mahalındakı Göyərçin qalasında oturaq etdi. Sərhədlərin keşiyində durdu. Sərab hakimi Sadıq xan Şəqaqi yenidən Təbrizə yürüş edib, şəhəri mühasirəyə aldı. Xudadad xan Ağa Əliməhəmməd tacirbaşını 5 min tümənlə yardım üçün Məhəmmədqulu xanın yanına yolladı. Məhəmmədqulu xan təbrizlilərə kömək etməyə söz verdi. İbrahim xan Araşlını 3 min nəfərlik qoşunla yenidən Təbrizə göndərdi. Sa- dıq xan Avşar qoşunun gəldiyini eşidib, bu dəfə də qaçdı. İbrahim xan onu Səraba qədər izlədi. Sadıq xanı tuta bilməsə də, onun qoşununa xeyli zərər vurdu. Məhəmmədqulu xan Marağa hakimi Əhməd xan Müqəddə- min yanına elçi göndərib, bac-xərac istədi. Əhməd xan bac vermək- dən boyun qaçırdı. Məhəmmədqulu xan Təbrizə, İbrahim xana məktub yazıb, Marağaya yollanmasını istədi. İbrahim xan Marağaya hərəkət edib, Göytəpə çəmənliyində oturaq etdi. Sovucbulağın hakimi Budaq xan Mükriyə, Balbas əşirətinə, Üşnəviyyə hakimi 61 Nuh bəy Zərzaya, Mirzə ağa Şükuftiyə əmr etdi ki qoşun toplayıb göstərilən yerə gəlsinlər. Əhməd xan Müqəddəm Marağadan çıxıb, İbrahim xanın üstünə gəldi. Yolda qasidlər ona xəbər verdilər ki, İbrahim xan Araşlı Tufarqan yolu ilə Marağanı tutmaq istəyir. Əhməd xan Müqəddəm yoldan qayıdıb, Marağa qalasını möhkəmlətdi. Sərabın hakimi Sadıq xan Şəqaqidən yardım etməsini rica etdi. Sadıq xan qoşun çəkib Marağaya gəldi. Yolun İbrahim xan tərəfindən kəsildiyini görüb, Xorxor adlı kəndin yanındakı qarğılıqda oturaq etdi. Ona bildirdilər ki, balbaslar Marağanın ətraf kəndlərini çapıb- talayıb, həmin qarğılıqda istirahət edirlər. Qəflətən onların başının üstünü alıb qılıncdan keçirdilər. Sadıq xan qənimətləri ələ keçirib, Əhməd xanı unudub Səraba döndü. Məhəmmədqulu xan Sulduz mahalında əyləşib, hadisələri izləyirdi. Balbasların tar-mar olduğunu eşidib, İbrahim xana məktub göndərdi ki, Əhməd xandan amansız intiqam alsın. İbrahim xan hər tərəfdən Marağaya hücum əmrini verdi. Əhməd xan işin pisləşdiyini duyub, elçilər vastəsilə Məhəmmədqulu xandan aman istədi. İlbəil bac verməyi öhdəsinə götürdü. Məhəmmədqulu xan Əhməd xanla sülh müqaviləsi imzalayıb, İbrahim xanı geri çağırdı. İbrahim xan qalibiyyətlə Sulduz mahalına döndü. Məhəmmədqulu xan İbrahim xan və başqa sərkərdələrə ənam-ərmağanlar payladı. İbrahim xana göstəriş verdi ki, Ənzəl mahalına qayıdıb, Göyərçinlik qalasında keşik çəksin. Əhməd xan Dünbili İbrahim xana nifrət edirdi. Onun qoçaq- lığı, qorxmazlığı, uğurları Əhməd xanı dindən-dondan çıxarırdı. Ona qarşı bir iş görə bilmədiyindən, hiylə işlətmək qərarına gəldi. Bacısını xeyli pay-pürüşlə Məhəmmədqulu xana göndərib, yaxınlıq etmək istədi. Məktub yazıb, bildirdi ki, bu qədər uğuruna, qələbələrinə İbrahim xan kölgə salır. Hər yerdə qürrələnib, bildirir ki, Məhəmmədqulu xan mənim qılıncımın hesabına taxta əyləşib. Gəl sən onun çarəsinə bax, gələcəkdə ziyanı toxuna bilər. Əhməd xanın bu məktubu Məhəmmədqulu xanı şübhəyə saldı. İbrahim xanı aradan götürmək üçün çarə axtardı. Fikirləşib, Ənzəl mahalına 62 kəklik ovuna yollandı. İbrahim xan el-oymağı başına yığıb, Məhəm- mədqulu xanın pişvazına çıxdı. Ovdan sonra Məhəmmədqulu xan İbrahim xanı Ənzəldə buraxmayıb, özü ilə bərabər Urmiyaya götürdü. Məhəmmədqulu xan İbrahim xanı bir neçə gün sarayda saxlayandan sonra ortalığı boş görüb, bir xali otağa dəvət etdi. Böyük oğlu Mustafaqulu xanı öyrətdi ki, get İbrahim xanın xən- cərini al. Mustafaqulu xan atasının tapşırığına əməl etdi. İbrahim xan etibarına, xidmətlərinə görə, heç vaxt ağlına gətirməzdi ki, Məhəmmədqulu xan onu cəzalandıra bilər. Fərraşbaşının müavini Saqi bəy bir dəstə fərraşla otağa girib, bildirdi ki, xanın əmrinə görə sənin gözlərini çıxarmalıyıq. İbrahim xan ürəkdən ah çəkib, dedi: -Eşidirəm və itaət edirəm! Siz məmursunuz, işinizi yerinə yetirirsiniz. Ancaq mənim vəlinemətim bu işdən sonra peşman ola- caq. Fərraşlar İbrahim xanın gözlərini çıxarıb, Məhəmmədqulu xanın yanına apardılar. Məhəmmədqulu xan etdiyi əməldən peşman olub cərrah çağırtdırdı. Artıq gec idi… Hüseyn xan Araşlı-Avşar Hüseyn xan Əlimərdan xan oğlu Urmiya civarında anadan olmuşdur. Mədrəsə təhsili almışdır. Nadir şaha xidmət etmişdir. 1747-ci ildə vətənə qayıtmışdır. Fətəli xanın qardaşı, xanlığın sərkərdələrindən idi. Hüseyn xan bir müddət Mehdi xanın zindanında yatmışdır. Sonra buraxılmışdır. Bəhram xan Araşlı-Avşar Bəhram xan Urmiya şəhərində anadan olmuşdur. Mədrəsə təhsili almışdır. Nadir şaha xidmət etmişdi. Nadir şah onu Şirvanata hakim təyin etmişdir. Yüklə 3,61 Mb. Dostları ilə paylaş:
|