67
Elmdən, helmdən, xəttdən, rəbtdən, rəsmdən,
fəzlidən və fərdən,
Lazımı qədər nəsibi vardı.
Mühit tarix dəftərində ondan belə yazdı:
Kamal və helm biliyi vilayəti valisiz qaldı.
Mirzə Əli xanın
Böyük xan, Rza xan adlı oğulları vardı.
Böyük xan Araşlı-Avşar
Böyük xan Mirzə Əli xan oğlu Urmiya şəhərində dünyaya
gəlmişdi. Mükəmməl mədrəsə təhsili almışdı. Savadlı olduğundan
dolayı mirzə ünvanı daşıyırdı. Qacar sülaləsinə xidmət etmişdi.
“Əmir Əfxəm” ləqəbini daşıyırdı.
Rza xan Araşlı-Avşar
Rza xan Mirzə Əli xan oğlu Urmiya şəhərində dünyaya göz
açmışdı. Mükəmməl mədrəsə təhsili almışdı. Qacar sülaləsinə xid-
mət etmişdi. Kazak dəstəsinin rəhbəri olmuşdu. General rütbəsinə-
dək yüksəlmişdi.
Rza xan 1918-ci ildə xristian (erməni, aysor, cilo və başqaları)
və müsəlman savaşlarında öldürülmüşdü.
Mirzə Kərim xan Araşlı-Avşar
Kərim xan Mirzə Mustafa xan oğlu Urmiya şəhərində anadan
olmuşdu. Mükəmməl mədrəsə təhsili almışdı. Savadlı olduğundan
dolayı mirzə ünvanı daşıyırdı. Qacar sülaləsinə xidmət etmişdi.
Mirzə Kərim xan hərbi işlə məşğul olmuşdu. Mirpənc rütbə-
sinədək yüksəlmişdi.
68
Mirzə Kərim xan Qeysər xanımla ailə qurmuşdu. Hüseyn xan,
Əkbər xan adlı oğulları vardı.
II Hüseyn xan Araşlı-Avşar
Hüseyn xan Mirzə Hüseyn xan oğlu Urmiya şəhərində do-
ğulmuşdu. Mükəmməl mədrəsə təhsili almışdı. Savadlı olduğundan
dolayı mirzə ünvanı daşıyırdı. Qacar sülaləsinə xidmət etmişdi.
Hüseyn xan Məcdüssəltənənin qızı ilə ailə qurmuşdu.
Əkbər xan Araşlı-Avşar
Əkbər xan Mirzə Hüseyn xan oğlu Urmiya şəhərində dünyaya
gəlmişdi. Mükəmməl mədrəsə təhsili almışdı. Savadlı olduğundan
dolayı mirzə ünvanı daşıyırdı. Qacar sülaləsinə xidmət etmişdi.
Əkbər xan Məcdüssəltənənin qızı ilə ailə qurmuşdu.
Bahadur bəy Mahmudlu-Avşar
Bahadur bəy Nadir şahın hakimiyyəti dönəmində Mahmudlu
oymağının başçısı idi.
Bahadur bəyin öldürülməsi haqqında tarixi kitablarda qeydiy-
yat var. Nadir şah ordusu ilə Urmiyanın Göytəpə mənzilindən Mah-
mudlunun Keçəbaş çəmənliyinə gəlmişdi. Orda bir neçə gün oturaq
etmişdi. Bahadur bəyi yanına çağırtdırır. Günahını, suçunu boynuna
qoyub öldürtmüşdü.
69
Miran bəy Mahmudlu-Avşar
Miran bəy Löhrasp bəy oglu Mahmudlu-Avşar Urmiya şəhə-
rində doğulmuşdu. Mükəmməl mədrəsə təhsili almışdı. Fətəli xan
Araşlı-Avşarın təşrifat işlərinə nəzarətçi idi. Eşikağasıbaşı
vəzifəsini
aparırdı.
Miran bəyin Uğurlu bəy adlı oğlu vardı.
Mirzə Uğurlu bəy Mahmudlu-Avşar
Uğurlu bəy Miran bəy oğlu Urmiya şəhərində dünyaya pənah
gətirmişdi. Mükəmməl mədrəsə təhsili almışdı. Savadlı olduğundan
dolayı mirzə ünvanı daşıyırdı. İmamqulu xan Qasımlı-Avşarın
övladlarına lələlik etmişdi.
Məhəmmədqulu xan İmamqulu xanın övladlarının lələsi,
“Heyrət” təxəllüslü Mirzə Uğurlu Miran bəy oğlu Araşlını mollaba-
şı vəzifəsinə çatdırmışdı.
Məhəmməd bəy Qarahəsənli-Avşar
Məhəmməd bəy Urmiya hakimi Rüstəm xan Mehdi xan oğlu
Qasımlı-Avşara xidmət etmişdi.
Rüstəm xan 1763-cü ildə Kərim xan Zəndin iradəsi ilə Urmi-
yanın hakimi olmuşdu. Hakimiyyətinin ilk illərində Balbas və Zərza
əşirətləri üsyana başladılar. Gündüzlü oymağının binə bağladığı Dol
mahalını qarət etdilər. Rüstəm xan bu xəbəri eşidib Sayınqala hakimi
Mömün xanı və Qarahəsənli oymağının başçısı Məhəmməd bəyi
Qasımlıdərəsi yolu ilə kürdlərin ayaqlanmasını yatırmağa göndərdi.
Ardlarınca özü də Qaşqagədik yolu ilə getdi. Balbas əşirəti Mənqur
və Piran tayfaları ilə birlikdə Üşnəviyyə qəsəbəsində oturaq etmişdi.
Rüstəm xan Qəndil ətrafına yetişəndə balbaslarla üzləşdi. Ağır bir
savaş baş verdi. Nəhayət Avşar elinin şücaəti ilə Balbas əşirəti
70
yenildi. Əşirət əhli Sığnaq mahalına qaçdı. Rüstəm xan əşirət əhlinin
bəlasını dəf edəndən sonra, Binabın Səhnabad qəsəbəsindəki
Baranduz çayının ətrafında oturaq etdi. Ordan Üşnəviyyədəki
balbasları nəzarətdə saxlamağa başladı.
Mömün xan, Məhəmməd bəy
Qarahəsənli ilə Qasımlıdərəsindən Üşnəviyyəyə gedərkən yolkəsən
zərzalarla üzləşdilər. Onlara hücum edib, xeyli adam qırdılar. Zərza
əşirəti özündənrazı olduğundan avşarları saymırdı. Darmadağın
olandan sonra qalıqları Üşnəviyyəyə qaçıb sığındılar.
Balbas əşirətinin başçısı Kəbaiz Müzəyyən müttəfiqi Zərza
əşirətinin vəziyyətini görüb, Məhəmməd bəy Qarahəsənlinin qoşu-
nuna hücum etdi. Savaş başlandı. Məhəmməd bəy Kəbaizi qılınc-
layıb yerə sərdi. Bu vuruşa dostlar əhsən söylədilər. Qəflətən, Mə-
həmməd bəyin atının ayağı burxuldu. Məhəmməd bəy yerə yıxılıb,
ağır yaralandı. Bu yaradan da vəfat etdi.
Deyirlər ki, Kəbaiz ağanın anası oğlunun öldüyünü eşidib,
öncə inanmır. Qayıdır ki, mən doğan oğlanı öldürən igid tapılmaz.
Oğlunun meyitini görəndən sonra vaynəfsə salır. Şivən qopara-
qopara ağı deyib ağlayır. Oğlunun qanlısını axtarır. Ona deyirlər ki,
bəs oğlunun qanlısı da həmin döyüşdə ölüb. Onun kimliyi ilə
maraqlanır. Hadisənin icmalı ilə tanış olur. Olmuşu söyləyirlər.
Arvad Məhəmməd bəyi görəndən sonra oğlunu unudur. Məhəmməd
bəyin təziyəsində iştirak edib dil deyib ağlayır.
Hüseyn bəy Qarahəsənli-Avşar
Hüseyn bəy Məhəmmədqulu xan Qasımlıya xidmət etmişdi.
Xanlığın məşhur sərkərdələrindən idi.
Hüseynqulu xan Qasımlı-Avşarın hakimliyi dönəmində Mus-
tafa bəy Həkkari Çəhriq məntəqəsində üsyan qaldırıb, sərhəd bölgə-
lərini qarət etmişdi. Hüseynqulu xan
Əsgər xan Əbdülməliki-Avşara
500 atlı verib, onun üstünə göndərdi. Əsgər xan Mustafa bəy Hək-
karinin dəstəsini darmadağın etdi. Həmin döyüşdə Avşar dəstəsi
cəmi bir nəfər itki vermişdi. Hüseyn bəy Qarahəsənli güllə yarasın-
dan həlak olmuşdu.