184
ilə dastançı kimi nəzərdə tutur? Fikrimizcə, bunun cavabı aydındır: buta verən
ərənlər, övliya və dərvişlərdir. “Aşıq Qərib” dastanında bu sakral hadisə konkret
şəxsin-dərvişin vasitəsilə icra edilir: “Rəsul yatmışdı, yuxuda gördü ki, Tiflis
şəhərində behişt misalı bir bağdadır, bunun başının üstündə ceyran misalı gözəl bir
qız, qaş kaman, gözlər piyalə, burun hind fındığı, sinə Səmərqənd kağızı, məmələr
şamama kimi yumurlanıb ipək köynəkdən baş vermişdir, baxanın əqlini aparır. Bu
qızın yanında bir dərviş, dərviş qızın əlini Rəsula uzadıb:
-
Rəsul, bu qız Tiflisli Xacə Sənanın qızı Şahsənəmdir, bunu sənə buta
verirəm, çox çəkməz bir-birinizə çatarsınız, - deyib çəkildi” [30, 170].
Rəsul (Aşıq Qərib) bu yuxunu qəbiristanlıqda atasının qəbri üzərində yatarkən
görür. Ancaq ona haqq badəsi bağda verilir.
Dünyanın bir sıra xalqlarının, o cümlədən türklərin mifoloji düşüncə
sistemində ağac yerlə göyü birləşdirən vasitədir. Ağac həyatın başlanğıcı, hami və
qoruyucudur. “Kitabi-
Dədə Qorqud” dastanında Bamsı Beyrəyin sevgilisi Banıçiçək
ona yenidən qovuşduğu üçün “qaba ağacın qurumuşdu yaşardı axır!” deyir. Yenə ana
kitabımızda Qazan xanın oğlu Uruzu Şöklü Məlik ağacdan asdırmaq istəyəndə Uruz
“qoyun mən bu ağacla söyləşəyim” -deyə ona müraciət edir:
Başın ala baqar olsam başsız ağac,
Dibin ala baqar olsam dibsiz ağac. [100, 46]
Bu müraciətdə ağac artıq adi bir təbiət predmeti, maddi materiya deyil.
Burada ağac başı və kökləri görünməyən mifik bir qüvvədir, dibi yerin təkində, başı
göyün ənginliklərindədir. Kafirlərin nəzərində ağac ölüm gətirəndir, Uruzun
düşüncələrində isə ağac həyat bəxş edəndir, diriliyin başlanğıcıdır. Bu mifik düşüncə
çox-
çox əsrlər sonra islam mədəniyyətinə, sufi şeirinə güclü şəkildə təsir edərək
klassik şairlərimizin, saz-söz sənətkarlarının poeziyasında başlıca simvolik
işarələrdən birinə çevrilmişdir.
“Tapdıq” nağılında ağac xilaskar, şəfaverici qüvvə kimi təsvir olunur. Gün
xanım dirilik ağacının yarpağını Tapdığın yarasına çəkməklə onu sağaldır. Yenə
həmin nağılda Şəmsin verdiyi almanı yeyəndən sonra qoca ilə sevgilisi on beş
yaşında oğlanla qıza çevrilirlər. Almanın qeyri-adi gücü, həyatverici və övlad
185
bəxşetmə xüsusiyyətləri qədim türklərin ilkin təsəvvürləri, ibtidai dünyagörüşü ilə
bağlı bir mifik düşüncə sistemində önəmli yer tutur.
Deməli, bağ, ağac, alma obrazları vahid mifoloji sistem təşkil edərək ürfani
poeziyanın simvolik işarələrinə çevrilmişdir. Problemə bu aspektdən yanaşdıqda
təsəvvüf ədəbiyyatında, dastanlarımızın ürfani qatında əski görüşlərin, türkün
mifoloji düşüncəsinin poetik ifadəsini aydın sezmək mümkündür.
El şairi Rəcəb Hifzinin “Mərhəba” şəmaisində lirik “mən”in-ürfan əhlinin
ekstaz anında fikir və düşüncələri ilahi sevgi ilə birləşərək sufi semantikanı əks
etdirir. T
əsəvvüfdə cəzbə gəlmək (ekstaz anı) eşq vasitəsilə gerçəkləşir. Cəzbə
g
əlmək “təsəvvüfdə Tanrının qulu özünə çəkməsi deməkdir... Çünki eşq ilə cəzb
olmadıqca gerçəyə, tanrıya çatmaq olmaz. Cəzbə gəlməklə qul qulluğundan çıxır,
özünü unudur, varlığı ortadan qalxar, beləcə mütləq və gerçək varlıqla, Tanrı ilə var
olduğunu bilir, görür, anlayır və tapır. Bu cəzbənin səbəbi eşqdir” [227, 258].
“M
ərhəba” şəmaisində də ürfan əhli tanrının varlığını yaxından duyduqca onun
h
əyəcan və iztirabları çoxalır, həqiqətin dərkinə can atır:
Yenə qəflətdən oyandım,
Qəm yastığına dayandım.
Pərvanələr tək yandım,
Mahi-
təbanım, mərhəba. [17, 42]
“Mahi-
təban” ifadəsi təsəvvüf simvolikasında “Allahın gözəllik və
sevgisinin”
gerçəkliyini bildirir. Rəcəb Hifzi müxtəlif rəmzlərdən ustalıqla
bəhrələnərək ürfani düşüncələrini poetikləşdirir, ulu tanrıya qovuşmağı ən böyük
səadət sayır:
Könül sənə hədiyyədir,
Götür, cananım, mərhəba. [17, 43]
Canını canana qurban vermək, ilahi eşqə qovuşmaq panteizmin (vəhdəti-
vücud)
əsas və başlıca qayəsidir. Göründüyü kimi, Rəcəb Hifzinin qəhrəmanı şeirin
sonunda ilahi gerçəkliyi böyük ehtiras və məhəbbət hissi ilə qəbul edərək ali məqsədə
can atır.
186
Qeyd etmək lazımdır ki, aşiqlə (Allaha qovuşmaq istəyənlə) məşuqənin
(
Allahın) bir canda birləşməyi panteizmin əsas ideya göstəricisi kimi həm klassik,
həm də aşıq poeziyasında sıx-sıx tərənnüm olunur. Bu müqəddəs məqamı duyub hiss
etmək lirik qəhrəmanı vəcdə gətirir, onun qəlbinə sevinc hissi doldurur, həmin
məqamı hər şeydən uca tutaraq onu bir müjdə, xeyir xəbər kimi qarşılayıb salamlayır:
Gəlişin gözüm üstünə,
Xoş gəldin, canım, mərhəba.
Əzizim, ruhum-rəvanım,
Ey şirin canım, mərhəba. [17, 42]
Maraqlıdır ki, bu məqam klassik şairlərimizin əsərlərində də eyni ruh və
ovqatı ifadə edir:
Qaibdən dəlil göründün,
Dədəm, xoş gəldin, xoş gəldin!
Bizi sevib sevindirdin,
Dədəm, xoş gəldin, xoş gəldin! [89, 353]
Şah İsmayıl Xətayidən nümunə gətirdiyimiz bu bəndlə yuxarıdakı misralar
arasındakı dini-ürfani yaxınlıq, ruh və məqam eyniliyi fikrimizi təsdiqləyir.
Nəsiminin qəzəllərində də bunu müşahidə etmək olar:
Mərhəba, xoş gəldin, ey ruhi-rəvanım, mərhəba!
Ey şəkərləb, yari-şirin laməkanım, mərhəba! [127, 19]
El şairi Camal Xocanın poeziyasında dini-təsəvvüf motivləri kamilliyə can
atan aşiqin duyğularının poetik vasitəsinə çevrilməklə yanaşı, həm də onun simvolik-
ürfani səciyyəsini gerçəkləşdirir. Məlumdur ki, Camal Xoca nəqşbəndi təriqətinin
fəal üzvlərindən olmuş, mükəmməl mədrəsə təhsili görmüşdür. Onun şeirlərində sız-
sıx təsadüf olunan “piri-muğan”, “ərənlər”, “canan”, “qul”, “hu”, “meyxanə”,
“xəlvət” və s. təsəvvüf terminləri onun poeziyasının dini-fəlsəfi mahiyyətini əks
etdirir. “Gəl yetiş ulu dərgaha”-deyən aşiq öz şeirlərində Tanrıya qovuşmağın dini-
ü
rfani strukturunu obrazlı deyimlərlə ifadə edir. Qeyd etdiyimiz kimi, sufi təliminə
görə müxtəlif mərhələləri keçməklə kamillik dərəcəsi qazanıb Tanrını dərk etmək,
ona qovuşmaq üçün ürfan yolu ərənlər və ya pərilər bağından keçir. Əsil aşiq bu
Dostları ilə paylaş: |