178
biridir. Başqa sözlə, Aşıq Zülali islam dininin sirlərini dərindən bilən, yeri gəldikcə
biliyini poetik şəkildə nümayiş etdirən savadlı bir şəxs olmuşdur. “Qurani-Kərim”in
“Hicr” surəsinin 85-ci ayəsində deyilir: “Biz göyləri, yeri və onların arasında olan hər
şeyi yalnız haqq-ədalətlə yaratdıq” [113, 233]. “Taha” surəsinin 6-cı ayəsində də yer
tək, göy isə cəm kateqoriyada işlənmişdir. “Göylərdə və yerdə, onların arasında və
torpağın altında nə varsa hamısı Onundur” [113, 286]. Bu dəllilər Zülalinin
şeirlərində işlənən ürfani ifadələrin, təsəvvüf fikirlərinin dini-elmi qaynaqlara
əsaslandığını göstərir. “Bilirik” qoşmasında Zülali yaradılışın sirlərini, Yaradanın
qüdrət və əzəmətini simvolik işarələr, sufi ifadələr vasitəsi ilə əks etdirir. Həm də bu
obrazlı əksetdirmə yaradılışın nizamlı və ardıcıl bir sistemdə əmələ gəldiyini ifadə
edir ki, bu da Aşıq Zülalinin mükəmməl dini bilik və yüksək poetik istedad sahibi
olduğunu təsdiqləyr.
O ki yaradıldıq turabi-turdan,
Pərvərdigar haqq-Sübhanı bilirik.
Turabın əslini yaratdı nurdan,
Nurdan əvvəl biz məkanı bilirik.
Rizqü-
nani haqdan yaratdı xudam,
Dövrü o cahanda var idi Adəm.
Cahandan cahana basanda qədəm,
Ona nisbət dü cahanı bilirik.
Dü cahanda yer,
göy, çərxi-fələklər,
Ərşü-əla, mümtahada mələklər,
Hesaba müntəzir suda səməklər,
Nə zikrdə kəlam, kani bilirik. [17, 80-81]
“Nə hikmətdir” gəraylısında Zülali həyatdakı ziddiyyətlərin səbəbini
anlamağa çalışır. İti və sərrast sənətkar müşahidəsi, poetik təxəyyül oxucunun gözü
qarşısında bu əksliklərin epik cizgilərini yaradır. “Daş üstündə oturmuş yetim
cocuğun”, “yuvasından iki daşın arasına düşmüş quş balasının”, “kimsəsiz bir
179
qocanın” yığcam və mənalı ştrixlərlə təsviri yaradılışın təbii görüntüləri kimi Zülalini
düşündürür. Bitib-tükənməyən sirlərin fəlsəfi mahiyyətini dərk etməyə çalışan
sənətkar uca Yaradana sığınır:
Zülali, eyləmə ah-vah,
Bu sirrə deyilsən agah,
Bilir, amma deməz Allah,
Məxluqatın əhvalından. [17, 89]
Bu inam və etiqad onun poeziyasının əsas xəttini təşkil edir. “Minnət vadisi”
adlandırdığı dünyada tənhalığı ilə mənəvi saflaşma keçirən Zülali dini-ürfani
düşüncələrinin bu məqamında dahi Füzuli ilə birləşir:
Nə qədər bəd bəxtim var, kimsə açmaz qapımı,
Pəncərədən toxunmaz badi-səbadan özgə.
Bu minnət vadisində nə gəzərsən, Zülali,
Heç arama, bir qapı yoxdur xudadan özgə. [17, 92]
“Aşıqlar, dərvişlər bu misal gəzər”- deyərək qürbətdə dolaşan Zülali
“dünyanın fani olması, əvvəl-axır insanın haqqa qovuşacağını təlqin eləyən sufi
dünyag
örüşə bütün yaradıcılığı boyu sadiq qalmışdır” [125, 66].
Aşığın dini düşüncə və təsəvvürləri, ürfani görüşləri ilahi məqamı əks etdirir.
Bu şeirlərin dini-fəlsəfi mahiyyəti bir sıra simvolik işarələr, təsəvvüf terminləri
vasitəsilə ifadə olunur. Bu tip şeirlərdə Zülali təriqət yolçusunun mənəvi əxlaqını əks
etdir
məklə yanaşı, eyni zamanda özü haqqında müəyyən bilgilər verir. Mənəvi
kamilliyə can atmaq, dünya malından imtina, maddi zənginliyə deyil, ürfani
zənginliyə vurğunluq sufi dərvişlərin, bir sözlə aşığın özünün xarakterik
xüsusiyyətləridir:
İstəməm əfəndim dünyayı versə,
Yüz min lirə dəyər yardan bir busə,
Şöhrət, ziynət üçün geyməm əlbisə,
Çünki başımızda dərvişanlıq var. [195, 314]
Bu dini-
estetik düşüncə Əhməd Yəsəvi, Hacı Bəktaşi, İbrahim Hakkı, Yunis
İmrə mənəviyyatını XIX əsrdə özündə daşıyan xalq sənətkarının düşüncəsidir. Bu cür
180
ürfani düşüncə ilə Zülali ulu ustadlarla eyni məqamda birləşir, özünün dərvişanə
həyatı ilə qürur hissi keçirir. Çünki “dərvişlər təsəvvüfün imtina adlanan bir
bu
cağında qənaət xəzinəsinə sahib olan şəxslərdir. Bu baxımdan aşığa çox
bənzəyirlər” [228, 126]. Sufi dərvişlərin yaşam tərzini Yunus İmrə özünəməxsus
şəkildə poetikləşdirirdi:
Dərviş könülsüz gərəkdir,
Söyənə dilsiz gərəkdir,
Döyənə əlsiz gərəkdir,
Xalqa b
ərabər gərəkməz. [91, 126]
Yunis İmrə əxlaqının, dini-fəlsəfi düşüncəsinin ilahi məzmunu Zülalinin
poeziyasında aşiqin mənəvi iztirablarında, dünyanı dərk etmək cəhdində, həqiqətə
qovuşmaq üçün özünə müəllim-mürşid axtarışlarında ifadə olunur. Bu axtarışın bir
ucu təsəvvüfün dərin qatlarına istiqamətlənirsə, digər bir ucu “pirlər, ərənlər əlindən
badə içən” aşiqin iç duyğularına söykənir. Bu baxımdan folklorşünas
M.Allahmanlının Aşıq Ömər haqqında söylədiyi bir fikri xatırlamaq yerinə düşər.
Alim Aşıq Ömərin dini-fəlsəfi şeirlərindən bəhs edərkən yazır ki, “iç aləminin
ağrılarını, məramını ortaya qoyan Aşıq Öməri bu düşüncəsi ilə təkcə aşıq kimi
xarakterizə etmək birtərəfli olardı. Onu ümumilikdə klassik yazılı ədəbiyyat və aşıq
şeiri kontekstində araşdırmaq, şeirlərinin mahiyyətini bir istiqamətdə-dini-ürfani
xəttində izləmək lazım gəlir” [14, 120-121]. Aşıq Ömər yaradıcılığının mühüm bir
istiqamətini müəyyənləşdirən bu elmi qənaəti biz Zülalinin poeziyasında müşahidə
edirik. Aşıq Zülalinin həm klassik, həm də xalq şeiri üslubunda yazdığı şeirlərində bu
cəhət qabarıq şəkildə özünü göstərir. Tək gerçəyə-tanrıya qovuşmaq üçün meyxananı
özünə məskən seçən aşığın heç bir vara, dövlətə ehtiyacı yoxdur, sufi yolçusu olmaq
onun ən böyük arzusudur.
Bu duyğular haqq yolçusunun mənəvi iztirablarının, kamil mürşid
axtarışlarının obrazlı təcəssümünə çevrildikcə Aşıq Zülalinin ürfani düşüncələrinin
poetik mənzərəsi daha aydın görünür. Həm də bu mənzərə klassik Şərq, o cümlədən
Azərbaycan poeziyasında sıx-sıx işlənən ənənəvi obrazlarla “badə”, “pir”, “bağ
viran” və sair kimi sufi terminlərinin poetik harmoniyasında gerçəkləşir:
Dostları ilə paylaş: |