18
HEMOBLASTOZLARDA ANEMĠYALARIN MÜALĠCƏSĠ
Hemoblastozlar zamanı anemiyaların müalicəsinin əsas
istiqamətləri:
►
İlk növbədə, hemoblastozun özünün müalicəsi. Remissiyanın
alınmasının kriteriyalarından biri hemoqlobinin səviyyəsinin
normallaşmasıdır.
►
Hemoblastozlar zamanı anemik sindromun eritrosit kütləsi ilə
əvəzedici müalicəsi.
►
Rekombinant eritropoetinin istifadəsi.
►
DNT-nin sintezinin pozulması (metotreksat, melfalan, purinetol,
pirimidinlərin antoqonistləri, hidroksi-sidik cövhəri kimi dərman
vasitələrin qəbulu nəticəsində) zamanı ehtiyac olduqda B
12
vitamini və fol turşusunun istifadəsi.
ERĠTROSĠT KÜTLƏSĠNĠN TRANSFUZĠYALARI
Keçən əsrin 80-ci illərinədək hemoblastozlar zamanı
anemiyaların əsas müalicə üsulu eritrositlərin köçürülməsi olmuşdur.
Lakin hemotransfuziya terapiyası çox vaxt posttranfuzion reaksiya və
fəsadların inkişafı ilə ağırlaşırdı və bu fəsadların baş vermə
dərəcəsinin artması qan transfuziyalarının və eyni vaxtda istifadə
olunan digər transfuzion mühitlərin miqdarının artması paralel olaraq
baş verirdi. Təkrar transfuziyalar zamanı nadir antigenlərə qarşı
sensibilizasiya riski artır və hemolitik reaksiyalar baş verə bilər.
Qızdırma, ürəkbulanma, qusma, diareya kimi qeyri-hemolitik tipli
reaksiyalar HLA sisteminə görə uyğunsuzluqla şərtlənir. Xəstəliyin
gedişi xəstələrin həyatı üçün təhlükəli olan bronxospazm,
hipotenziya, angionevrotik ödem, kəskin tənəffüs çatışmazlığı ilə
ağırlaşa bilər. Baş verən fəsadların tezliyi, HLA-immunizasiya riski,
epidemik şəraitin dəyişməsi və xəstələrin virus hepatitləri və QİÇS-ə
(HCV (hepatit C virusu), HBV (hepatit B virusu), İİV(insan
imundefisiti virusu)), sitomeqalovirusa, HTLV-1 və s. yoluxma
riskinin artması transfuziyalara olan tələblərin sərtləşməsinə
gətirmişdir.
Hemoqlobinin səviyyəsinin 80 q/l-dən, eritrositlərin miqdarının
2,5x10
12
/l-dən aşağı olması onkohematoloji xəstəlikləri olan
şəxslərdə eritrositlərin köçürülməsinə göstəriş hesab edilir.
Hemoqlobinin səviyyəsinin 80-90 q/l-dək qalxması anemiyanın
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
19
klinik əhəmiyyətli əlamətlərinin (təngnəfəslik və taxikardiya) və
toxumaların hipoksiyasının aradan qaldırılması üçün kifayətdir.
ERĠTROPOEZĠN STĠMULYATORLARINDAN ĠSTĠFADƏ
(ÜMUMĠ TÖVSĠYƏLƏR)
XX əsrin 80-ci illərinin axırlarından qeyri-mieloid hemoblastozlu
xəstələrdə eritropoezin stimulyatorları (ES) – rekombinant EPO-
lardan (rEPO) istifadəyə başlamaqla vəziyyət köklü surətdə
dəyişmişdir. Bu gün üçün rEPO-nun 3 növü daha çox yayılmışdır,
onların effektivliyi kifayət qədər sübut etmə gücü olan tədqiqatlarla
təsdiq edilmişdir – epoetin alfa (epreks), epoetin beta və darbepoetin
alfa. Hər 3 EPO klinik effektivliyə malikdirlər. Azərbaycanda daha
geniş istifadə edilən epoetin α – epreksdir.
Ağır anemiyaların korreksiyası üçün donor eritrositlərinin
transfuziyası ənənəvi və effektiv terapiyadır, lakin müasir şəraitdə
yaxşı həyat keyfiyyətini təmin edən hemoqlobinin səviyyəsini (bu isə
120 q/l-dir) saxlamaq üçün müntəzəm təkrari transfuziyalar çətin ki,
seçim növü hesab edilir.
Hemoqlobinin lazımi səviyyədə saxlanılmasını təmin edən
rekombinant eritropoetinin istifadəsi (əgər posttransfuzion fəsadların
müalicəsinə sərf edilən xərcləri nəzərə alsaq) iqtisadi cəhətdən
məqsədə uyğundur və eritropoetinləri onkohematoloji xəstələrdə
anemiyaların müalicə standartı etməyə imkan vermişdir.
Aşağıda göstərilən EORTC tövsiyələri bədxassəli solid və ya
hematoloji törəmələrdən əziyyət çəkən ahıl yaşlı xəstələrə aiddir.
Tövsiyələrə
əsasən
hər
bir
anemiya
halı hərtərəfli
qiymətləndirilməlidir. Rekombinant eritropoetinin təyinindən əvvəl
anemiyanın mümkün əlavə təsirləri aşkar edilməli və korreksiya
olunmalıdır, bunlardan ən çox rast gəlinənlərə aiddir: dəmirin mütləq
defisiti, qanitirmə, qidalanma pozğunluğu və hemoliz.
Kimyəvi terapiya və ya şüa müalicəsi alan onkohematoloji
xəstələrdə eritropoetinin istifadəsinə hemoqlobinin səviyyəsi 90-110
q/l
olduqda
və
anemiya simptomları meydana çıxdıqda
başlanılmalıdır (A).
Kimyəvi terapiya və şüa müalicəsi almayan, anemiyası
onkohematoloji
xəstəliklə
şərtlənən xəstələrdə eritropoetinin
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
istifadəsinə hemoqlobinin səviyyəsi 90-110 q/l olduqda və anemiya
simptomları meydana çıxdıqda başlanılmalıdır (B).
Fərdi faktorlara əsaslanaraq (məsələn, kimyəvi terapiyanın növü
və intensivliyi, hemoqlobinin baza səviyyəsi), eritropoetinlər
xəstələrə hemoqlobinin 90-110 q/l səviyyəsində və anemiya
simptomları olmadıqda hemoqlobinin səviyyəsinin düşməsinin
qarşısını öncədən almaq məqsədi ilə təyin edilə bilər (D).
Eritrosit transfuziyalarına ehtiyacı olan xəstələrə eritropoetinlərin
yeridilməsi transfuziyalara əlavə olaraq başlanılmalıdır (D).
Kimyəvi və şüa müalicəsinə başlamazdan əvvəl hemoqlobinin
səviyyəsi normal olan xəstələrdə anemiyanın qarşısını almaq
məqsədi ilə eritropoetinlərin “profilaktik” istifadəsi məsləhət
görülmür (B).
Eritropoetinlərlə
müalicənin müsbət effektləri pasiyentin
yaşından asılı deyil (B).
Hemoqlobinin məqsədə uyğun səviyyəsi 120-130 q/l hesab edilir
(B).
Eritropoetinlərlə müalicənin başlıca məqsədi həyat keyfiyyətinin
yüksəlməsi və transfuziyaların zəruriliyinin qarşısının alınmasıdır (A).
Eritropoetinlərin “sağalmanın və ya müalicəyə cavabın
yaxşılaşması” məqsədi ilə istifadə edilməsi məsləhət görülmür, belə
ki, bu effektlərin olması sübut edilməmişdir (A).
Bədən çəkisinə uyğun olaraq eritropoetinlərin qeyd olunmuş
dozalarından istifadə edilməlidir (B). Hemoqlobinin qalxma səviyyəsi
kifayət qədər olmadıqda (4 həftə müddətində 10 q/l) eritropoetinin
dozasının artırılması məsələsi fərdi həll edilməlidir (B).
Müalicə o vaxtadək davam etdirilməlidir ki, hemoqlobinin
səviyyəsi 120-130 q/l-dən aşağı olaraq qalır və xəstənin vəziyyəti
yaxşılaşmaqda davam edir. Hemoqlobinin məqsədəuyğun səviyyəsi
əldə edildikdən sonra dərman vasitəsinin ən aşağı effektiv dozası
fərdi olaraq seçilir (D). Adi praktikada eritropoetinin 40 000 BV
həftədə bir dəfə istifadə edilməsinə baxmayaraq, belə yeridilmə
rejiminin istifadəsinin effektivliyinin sübutları azdır (C).
Qeyri-mieloid hematoloji bədxassəli xəstəlikləri olan xəstələrdə
eritropoetinin 30 000 BV həftədə bir dəfə istifadə edilməsinin
effektivliyi tədqiqatlarda kifayət qədər sübut gücü ilə göstərilmişdir
(B).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |