60
Bir qədər irəlidə, kazarmanın ehtiyat çıxışının
qarşısında isə qələbəlik vardı. Burada daha çox insan
toplaşmışdı. Bir tonqal yandırıb ətrafında isinirdilər.
Bu da təbii idi. Çünki söz gəzirdi ki, rus tankları arxa
qapıdan çıxıb şəhərə hücum edəcək.
Azərgil də oraya gəlib adamlara qoşuldular. Bir
müddət ətrafı seyr etdilər. Kazarmaların həyətinə də
gözaltı nəzər yetirdilər. İçəridə silahlı əsgərlər vardı.
Bəziləri isə əsgərdən çox quldura bənzəyirdi. Çiyni
avtomatlı gəzən bu əsgər geyimli adamların bəziləri
saqqallı idi. Sovet Ordusunda nəinki əsgərin, zabi-
tin belə saqqallı olması yol verilən deyildi. Amma
bunlar saqqallı idi. Qaranlıqda, həm də yaxın təmas
olmadan yaxşı sezmək mümkün deyildisə də, nar-
koman olduqları deyilirdi. Növbə çəkənlər arasında
söz gəzirdi ki, onlar ermənilərdir. Əsasən Rostov,
Stavropol, Krasnodar tərəfdən səfərbər ediliblər ki,
Bakıya hücum zamanı xalqın gözünü qorxutmaq
üçün qəddarlıq etsinlər. Hər halda, bunu indidən
qətiləşdirmək mümkün deyildi. Lakin şayiə şəklində
də olsa belə söhbətlər gəzirdi.
...Onlar gecə səhərə qədər ətrafı dolaşdılar. Bəzən
tonqal ətrafında oturub dincəlir, bəzən gəzişir,
61
bəzən bir qırağa çəkilib müşahidə aparırdılar. Hər
şey yolunda idi. Sakitlikdi. Heç bir qeyri-adi olay
baş vermədi o gecə. Səhərə yaxın növbəni bitirib
dincəlməyə yollandılar.
...Dincəlməzdən öncə dərsə də getmək lazım idi.
Birinci növbədə oxuyurdular. Təbii ki, ilk imkanda
yenə də dərsdən qaçacaqdılar. Onsuz müəllimlər
də buna göz yumurdu. Yalnız şöbə müdiri Əvəz
müəllim nəsə başqa cür davranırdı. O, əlindən gələni
edirdi ki, tələbələr hərəkata qoşulmasın. Gah dilə tu-
turdu, gah hədələyirdi, gah da bütün baş verənlərin
gərəksiz olduğunu iddia edirdi. Amma kim idi onu
dinləyən? Buradan ona “baş üstə” deyib, gözünü
yana çevirən kimi dərsdən qaçır, xalqın arasına da-
lırdılar.
Yanvarın 18-də də elə oldu. Dərsə gəldilər, görün-
dülər, bir az sonra qaçıb aradan çıxdılar. Gecəni yat-
madıqları üçün yorğun idilər. İstəsələr belə, dərsdə
oturmaq çətin olacaqdı. Ən yaxşısı aradan çıxıb ya-
taqxanaya getmək, mümkün qədər dincəlib axşama
enerji toplamaq idi. Çünki daha bir gecəni “Salyan
kazarmaları”nın ətrafında keçirməli idilər.
...Yorğunluq, yuxusuzluq, ətrafda cərəyan edən
olayların həyəcanı günün necə keçdiyini bu dəfə
62
də sezdirmədi. Yatdılar, dincəldilər. Bir az musiqi
dinləyib çay içdilər, gün keçdi. Qış günü olduğu
üçün havanın qaralması da uzun çəkmədi. Elə yatıb-
qalxınca artıq günün sonunun gəldiyini gördülər və
axşam növbəsinə hazırlaşdılar.
***
Xudatda olayların gərginliyi azalmamışdı. Yan-
varın 18-i də rus qatarının mühasirəsi, etirazçıların
çoxalması, atılacaq növbəti addımların planlaşdırıl-
masıyla davam edəcəkdi. İndi isə səhər yenicə açıl-
mışdı. Xalq Cəbhəsinin bütün fəalları hadisə yerində
idi. Xaçmaz təşkilatının başçıları da gecəni onlarla
keçirmişdi. Ruslarla danışıqlar isə hələ də davam
edirdi.
Bəzi fəallar Xalq Cəbhəsinin yerli təşkilatının qu-
rulması zərurətindən də danışırdı. Bu təklif qələbə-
liyi daha da coşdurmaqda idi. Ona görə də az sonra
qərar veriləcəkdi. Amma hələlik rusları inandırmağa
çalışırdılar ki, qatar geri qayıtmalıdır.
Yerli fəallardan olan İzzət Biyabani və onun başçı-
lıq etdiyi qrup təxribatların qarşısını almağa, dövlət
qurumlarının mühafizəsini təşkil etməyə məsul edil-
mişdi.
63
İzzət bəy üzərinə düşən vəzifənin öhdəsindən
layiqincə gəlir, ortalığı qarışdıracaq təxribata bən-
zər durumları vaxtında qiymətləndirə bilirdi. Bu
isə onun hazırkı durumda önə çıxması üçün əsas
şərtlərdən biri idi.
Dünəndən başlayıb bu gün ərzində də davam
etdirilən danışıqlar, deyəsən, öz bəhrəsini verməyə
başlamışdı. Artıq ruslar razılığa gəlmiş kimi görü-
nürdü. Onların komandiri ara-sıra vaqona qayıdıb
haraylasa əlaqə saxlayır, sonra dışarı çıxıb etirazçı
heyətlə müzakirələri davam etdirirdi.
Gün günortanı arxada qoymuşdu. Hər kəs gər-
ginlik içində idi. Bu zaman rus zabiti danışıqları
aparan heyətə yaxınlaşaraq geri qayıda biləcəklərini
dedi. Bir anda hər kəs rahat nəfəs aldı. Üzə vurmasa-
lar da içdən sevindilər. Ancaq danışıq heyətinin heç
bir üzvü bunu bəlli etmədi. Əksinə, özlərinə daha da
qətiyyətli görkəm verərək bu dönüşün bir an öncə
olmasının vacibliyini dilə gətirdilər.
Budur, ilk qələbə qazanılmışdı! İndi o qorxunc qa-
tar işğalçı əsgərləri və ağır texnikanı gətirdiyi kimi
geri aparacaqdı. Xudatdakı bu uğurdan sonra Bakı
bir az rahat nəfəs ala bilərdi.
64
...Rus əsgərləri bir əmrlə vaqonlara mindilər. La-
kin sevinmək hələ tez idi. Birdən onlar söz verdikləri
kimi geri deyil, irəli getmək istədilər? Tarixdə bunla-
rın belə yalanlarını çox görmüşdü Azərbaycan xalqı.
Ona görə də diqqətli olmaq lazım idi.
...Saat 16-nı keçmişdi. Əsgərlər vaqonlara min-
dikdən sonra qatar fit verərək hərəkətə başladı. Al-
datmamışdılar. Bakını işğal üçün rus əsgər və silah-
larını gətirən qatar Xudat stansiyasından üzüsulu
geri dönürdü.
Ağır-ağır, sürünə-sürünə hərəkətə başlayan qa-
tar bir az sonra yavaş-yavaş sürətini artırdı. Bir neçə
dəqiqə sonra isə üzü quzeyə irəliləyərək gözdən itdi.
Sanki heç burada belə bir qatar olmamışdı. İndi az
öncə onun üzərində dayandığı relslər yalın qalmışdı.
Elə bil üzərlərindən ağır bir yük götürülmüş kimi ra-
hat nəfəs alırdı polad relslər...
Elə insanlar da üzərlərindən çox ağır bir yükü at-
mağı bacarmışdı. Qatarın geri dönüb gözdən itməsi
onları daha da coşdurmuşdu.
Stansiyaya toplaşan etirazçılar rus əsgərlərini
aparıb mənzil başına çatdıra bilməyən qatarı fit səs-
lərilə yola saldı. Rus qatarı geri döndü Xudatdan.
Sovetlərin qarşısında duruş gətirib bunu bacarmaq
Dostları ilə paylaş: |