122
işləməyəcək. İşçilər buna and içmişdilər. Bu isə Bakı-
da da, rayonlarda da problemlərə səbəb olurdu. Ar-
tıq ərzaq çatışmazlığı da yaranmışdı. Əslində ərzaq
vardı, amma bir çox xidmətlər işləmədiyi üçün onun
yerlərə çatdırılması mümkün olmurdu. Keşlə dəmir
yol stansiyasında ərzaqla dolu vaqonlar günlərdir
gözləyirdi. Lakin işçilər tətil etdiyi üçün heç kim o
yükü boşaldıb dükan-bazara yollamırdı.
Belə bir şəraitdə Energetika Texnikumunun di-
rektoru Arif Ağayev Azər, Kamil, Mehdi və daha bir
neçə fəal gənci otağına dəvət etdi. O, öncə böyük kimi
bəzi məsləhətlər verdi. Baş verənlərə, şəhidlərə öz
münasibətini bildirdi. Arif müəllim dedi ki, o da bir
Azərbaycanlı kimi bu faciənin ağırlığını başa düşür.
O da istəməzdi ki, belə bir hadisə yaşansın. Ancaq
olacağa çarə yoxdur. Olan olub, şəhidləri geri qaytar-
maq mümkün deyil. Gərəkdir ki, Azərbaycan xalqı
özünə gəlsin, insanlar yavaş-yavaş normal həyata,
işinə-gücünə dönsün. “Biz özümüzə gəlməliyik. Yox-
sa düşməni sevindirmiş olarıq. Elə düşmənlərimizin
də arzusu budur ki, Azərbaycan xalqı ruhdan düş-
sün, gücünü itirsin. Bizsə bunu başa düşə-düşə belə
hala yol verə bilmərik”, - deyə Arif müəllim gənclərə
üzünü tutdu.
123
Gəncləri bir yerə toplayıb direktorun görüşünə
gətirmiş komsomol katibi (hərçənd artıq komsomol-
la iş bitmişdi) Şəmsəddin müəllim də Arif müəllimə
dəstək verərək işləmək lazım olduğunu, millətin
özünə gələ bilməsinə yardım etməyin gərəkliliyini
dilə gətirdi. O, qeyd etdi ki, “sizin kimi fəal gənclər
bu mərhələdə ağılla davranmalıdır ki, daha böyük
faciələr yaşanmasın”.
Hər ikisi düz deyirdi. İndi ağlamaq, sızlamaq
za manı deyildi. İndi millətin özünə gəlməsi üçün
çalışmaq lazım idi. İnsanların ruhdan düşməsinə
yol vermək olmazdı. Ölkədə milli özünüdərk pro-
sesi özəlliklə 20 yanvar qətliamından sonra daha
da sürətlənmişdi. Belə bir mərhələdə elə etmək la-
zım idi ki, bu proses yavaşımasın, dayanmasın. Adi
vətəndaşlar da hər gün hiss etməliydi ki, millət bir
olarsa, hər bir problemin həlli mümkündür. Bu halın
təmin edilməsi isə sağlam gənclərin, xalqı düşünən
ziyalıların ağılla davranmasından, doğru qərarlar
verib onları icra etməsindən keçirdi. Ona görə də
Azərgilin dəstəsi Arif müəllimə də, Şəmsəddin müəl-
limə də səbrlə, sonadək qulaq asdı.
Əsas mətləbi Arif müəllim dilə gətirdi:
124
- Gənclər, vəziyyəti özünüz də yaxşı bilirsiniz.
Çətin günlər yaşayırıq. Hətta artıq ərzaq qıtlığı da ya-
ranıb şəhərdə. Elə etmək lazımdır ki, mümkün qədər
belə problemlər azalsın. Lakin əksər müəssisələr
işləmədiyi üçün çətinliklər daha da artır.
- Biz nə etməliyik, Arif müəllim? Daha doğrusu,
nə edə bilərik? Edə biləcəyimiz bir şey varsa, canla,
başla hazırıq, - deyə Azər sual dolu baxışlarla üzünü
Arif müəllimə tutdu.
- Edə biləcəyiniz işlər var, əlbəttə. Elə sizi bura ona
görə çağırmışıq. Bir məsələdə köməyiniz lazım olacaq.
- Əgər bu kömək millətin faydası üçündürsə, biz,
əlbəttə, əlimizdən gələni edəcəyik.
- Şəmsəddin müəllim sizə hər şeyi izah edəcək.
Keşlə yük stansiyasında ərzaq vaqonları dayanıb.
İstərdik ki, siz oradakı bir qənd vaqonunu boşaldası-
nız. Məncə, bacararsınız.
- Əlbəttə, bacararıq. Nə çətin işdir ki? Elə indicə
gedib boşaldarıq.
- İndi gec olar yəqin. Məncə, sabah səhərdən get-
səniz yaxşı olar. Hər halda bir vaqon yükdən söhbət
gedir. Haradasa qırx ton qənddir deyəsən. Dükanlar-
da qıtlıq var, boşaldın, qoy, camaat bir tikə qəndini
alsın.
125
- Baş üstə! Biz hazır.
Azərin Arif müəllimlə bu dialoqunu digər tələbələr
də sakitcə dinləyirdilər. Müdaxiləyə də gərək yox
idi. Azər zatən onların fikirlərini ifadə edirdi. İndi
onlar bu cür tapşırıqları həvəslə yerinə yetirəsiydi.
Millətin çətin günü idi, hər kəs bacardığı qədər
kömək etməliydi. Ona görə də nə mümkündürsə,
etməyə hazır olduqlarını dedilər.
Sonda Arif müəllim onlara təşəkkür edib Şəm-
səddin müəllimə son tapşırıqlarını verdi.
- Elə isə öncədən təşəkkür edirəm. Şəmsəddin
müəl lim sizə başçılıq edəcək. Onun tapşırıqlarına
əməl edin, sabah səhərə hazır olun.
Söhbətin bu cür yekunlaşması direktorla yanaşı
Şəmsəddin müəllimi, elə gənclərin özünü də məm-
nun etmişdi. İndi onlar millətə doğrudan faydalı bir
işdə yardımçı olacaqdılar. Belə bir məsələdə onların
heç biri yaxasını kənara çəkməzdi. Çəkmədilər də.
***
Kamillə Mehdi səhər erkəndən durub özlərinə
çəki-düzən verdilər. Bir balaca qəlyanaltı edib piya-
da Elmlər Akademiyası metro stansiyasına sarı yol-
126
landılar. Burada Azərlə görüşəcəkdilər. Az sonra o
da gəlib çıxdı.
- Hə, gedirik? Getdik fəhləlik eləməyə. Görək nə
iş çıxara bilirik?
Azər idi. Kamillə Mehdiyə üzünü tutub artıq
dünən söz verdikləri kimi Keşlə yük stansiyasına
get məli olduqlarını xatırlatdı.
Yarım saat sonra onlar Nərimanov metro stansi-
yasından çıxıb piyada Keşlə yük stansiyasına doğru
yol aldılar. Heç on dəqiqə çəkmədi ki, stansiyaya çat-
dılar. Burada onları Şəmsəddin müəllim gözləyirdi.
Bir də stansiyanın işçilərindən bir nəfər vardı. Digər
tələbə yoldaşları da gəlib çıxmışdı.
Yaxınlaşdılar, salamlaşıb hal-əhval tutdular. Şəm-
səddin müəllim gəncləri stansiyanın işçisinə təqdim
edərək, “bu qoçaqlar indi bir vaqon qəndi boşalda-
caqlar” dedi. Adını bilmədikləri dəmiryolçu onla-
ra bəzi təhlükəsizlik təlimatları verdikdən sonra
vaqona yaxınlaşdılar. Qapılar açıldı, məsləhət edil-
di ki, sıraya düzülərək qənd qutularını bir-birilərinə
ötürməklə boşaltsınlar.
Gənclər bir anda işə girişdilər. Arada bir zarafat
edir, bir-birilərini həvəsləndirirdilər ki, tez yorulma-
sınlar.
Dostları ilə paylaş: |