137
üzərinə əlavə edildi; özünü də maşına mindirdilər.
Kamil arıq birisi olduğu üçün əsgər sanki onu əlilə
götürüb kuzaya tulladı. Az qala iki metrlik boyu olan
əsgərin əlində balacaboy, arıq Kamilin ayaqları heç
özü də bilmədən yerdən üzüldü. Bir anın içində o,
özünü maşının kuzasında gördü.
Mehdiyə də eyni münasibət oldu. Doğrudur,
Kamildən fərqli olaraq Mehdi canlı-cüssəli idi. İd-
manla məşğul olurdu, sağlam bədəni vardı, zəif de-
yildi. Lakin burada istər zəif ol, istər güclü, fərq et-
mirdi...
Mehdinin də pasportunu əlindən alıb maşına
mindirdilər. Sıra Azərə çatdı. Boyca da, bədəncə də
Kamillə Mehdidən daha cüssəli olan Azəri bir əllə
dartıb maşına dirəmək əsgər üçün elə də asan olma-
dı. Əslində, Azər dirənsəydi əsgərin işi çətin də ola
bilərdi. Ancaq o, bunu etmədi. Çünki əsgər tək deyil-
di. Üstəlik silahı da vardı və bunlarla bir az ehtiyatlı
davranmaq lazım idi.
Bu durumda mayorun işarəsilə daha bir əsgər on-
lara yaxınlaşdı və dərhal da silahını Azərə tuşladı.
Qıraqdan müşahidə edən mayor hiss eləmişdi ki, bu
gənc nəsə bir gərginlik yarada bilər. Lakin Azərin elə
bir niyyəti yox idi. Bununla belə, mayor durumu “sı-
138
ğortalamaq” üçün ikinci bir əsgəri də onlara qoşdu.
Birinci əsgər əlləri yuxarı dayanmış Azərin üst-
başını axtarmağa başladı. Azər əyninə yüngül gö-
dəkçə geymişdi. Onun altında isə qalın yun köy nəyi
vardı. Azərbaycanın milli bayrağının təsviri olan,
Azərbaycan Xalq Cəbhəsinin nişanı da köynəyin
sol döşünə sancılmışdı. Azər onu hətta bu qorxulu
günlərdə də yaxasından çıxarmırdı. 20 yanvar gecə-
sindən sonra da küçələrdə gəzərkən o nişan yerində
qalırdı. Dostları dəfələrlə demişdi ki, bir qədər eh-
tiyatlı olsun. Amma dinləməmişdi. “Bu nişanı öz
əlimlə buradan çıxaran deyiləm!” - deyib durmuşdu.
Ona görə də yoxlamadan az öncə Kamilin nişanla
bağlı təklifini rədd etmişdi. Hələ şəhidlərin qırxı çıx-
madığı üçün üzü də saqqallı idi. Bu isə onu işğalçı
əsgərlər üçün daha “cəlbedici” göstərirdi.
İndi əsgər onun üstünü yoxlayarkən qəfildən əli
nişana ilişdi. Boyca bir qədər yüksək olan sarışın
rus balası azacıq aşağı əyilərək nişanı işığa sarı tut-
du. Bir anda gözləri parladı. Cəld bir sıçrayışla geri
çəkilərək silahını hazır duruma gətirdi. Ardından da
yüksək səslə mayora müraciət etdi:
- Yoldaş mayor, tapdım!
- Nəyi tapdın?!
139
- Xalq Cəbhəsi! Bu, Xalq Cəbhəsidir!
- Çək bu tərəfə onu! Nəzarəti artırın!
- Oldu, yoldaş mayor!
Bu qısa dialoqun ardından əsgər daha bir həm-
karının da müşayiətilə Azəri divara sarı çəkdi. Arxa-
sı divara, əlləri yuxarıda dayanmağı əmr etdi. Hər iki
əsgər silahını ona tuşlayaraq digərlərinin də yoxla-
nılmasının bitməsini gözlədi.
Bu anlarda Azər qəzəbini içində boğub özünü tox
tutmağa çalışdı. Ağlına hər cür fikir gəldi: “Kim bi-
lir, indi bunlar məni həbsə də atarlar. Hələ bir Sibirə
də göndərərlər. Bəlkə də aparıb işgəncə verəcəklər.
Olursa, olsun. Biz bu yola çıxanda başımıza nələrin
gələcəyini də təxmin edirdik. Qorxan gözə çöp düşər.
Nə olar, olar”.
Az sonra yerdə qalanların da üst-başı yoxlandı.
Daha heç kimin üzərindən Xalq Cəbhəsinin nişanı
çıxmadı. Yalnız pasportlar toplandı və hamı ma-
şına mindirildi. Lap sonda iki əsgər Azəri maşına
sarı itələdi. O, qəzəbini içində boğsa da, özünü tərs-
tərs əsgərlərin üzünə baxmaqdan saxlaya bilmədi.
Dişlərini sıxıb başını şəstlə yuxarı qaldırdı. Bir göz
qırpımında atılıb maşına mindi. Onun ardınca əs-
gərlər də maşına minib hərəsi bir tərəfində oturdu.
140
Əllərində silah olsa da hər ikisi rahatsız görünürdü.
Bu sütül rus balaları tanımadıqları, dilini bilmədikləri
bir Azərbaycan gəncinin onlara həyəcanlı anlar yaşa-
da biləcəyinin fərqində idilər.
Bir neçə dəqiqədən sonra hərbi maşın artıq Niza-
mi metro stansiyasının yaxınlığında, Yasamal rayon
milis idarəsinin qarşısında idi. Onları daha bir hərbi
maşın müşayiət edirmiş. Bunu maşından düşəndə
gördülər. Yenə də əsgərlər sıraya düzülüb silahlarını
hazır vəziyyətə gətirdilər. Mayor önə çıxdı. Əmr etdi
ki, hər kəs tək-tək maşından düşsün. İlk düşənlərin
arasında Azər də vardı. Çünki ən arxada oturmuş-
du və hamıdan öncə düşməliydi maşından. O, aşağı
düşən kimi əsgərin biri qolundan tutub qırağa çəkdi.
Mayora sarı baxdı. Mayor başıyla işarə etdi ki, onu
qıraqda saxla. Sonra da “bununla ayrıca məşğul ola-
cağıq” dedi.
Maşından düşürülənləri sıraya düzdülər. Hamı
düşəndən sonra mayor əmr etdi ki, heç kəs durdu-
ğu yerdən tərpənməsin. Bundan sonra bir əsgər önə
keçərək əlindəki pasportlardan oxuduğu adlarla
adamları bir-bir çağırmağa başladı. Azərin paspor-
tunu digər pasportlardan ayırmışdılar deyə, onun
adı hələ çəkilmirdi. Belə anlaşılırdı ki, yerdə qalan-
141
lardan fərqli olaraq onunla bağlı nəsə daha sərt qərar
olacaq.
Bir müddət sonra sıra ona çatdı. Digərlərinin işi
bitməmiş Azəri çağırdılar. Mayor əsgərlərə əmr etdi
ki, bunu komendantın yanına aparın. Kamillə Mehdi
isə aşağıda qaldı.
...Daş pilləkənlərlə yuxarı qalxıb ikinci qatdakı bir
qapının önündə dayandılar. Komendantın kabineti
idi. Əsgərlərdən biri gözləməyi əmr etdi. Özü qapı-
nı döyüb içəri girdi. Az sonra bayıra çıxıb Azəri irəli
buraxdı və silahını da hazır vəziyyətdə tutaraq ba-
şıyla otağın qapısına işarə etdi.
Azər içəri girəndə sakitcə ətrafa göz gəzdirdi.
Yuxarı başda bir polkovnik oturmuşdu. Bir az ara-
lıda da bir mayor vardı. Masanın sol tərəfində iki
nəfər mülki geyimli şəxs əyləşmişdi. Üz-gözlərindən
Azərbaycanlıya bənzəyirdilər. Saçlar qaraydı, rusa
bənzər bir yönləri də yox idi. Bu, onu sevindirdi.
Amma nahaq. Çünki sonra baş verəcəklər Azəri
əməlli-başlı peşman edəcəkdi. Rusdan gözlədiyi
ko budluğu, pis münasibəti bu iki Azərbaycanlıdan
görəndə o, həqiqətən də dilxor olacaqdı. Lakin hələlik
bunlardan xəbəri yox idi. Dayanıb polkovnikin
dillənməsini gözləyirdi. Düşünürdü ki, indi kobud,
Dostları ilə paylaş: |