19
edilməsi və bankdakı hesablarla bağlıdır. Beləliklə investisiya fondu çoxsaylı xırda
investorların vəsaitlərini cəlb etməklə onları vahid kütlə şəklində birləşdirir və iri
səhm dəstlərinə investisiya edir. Dünya təcrübəsində bu fondların 2 tipi mövcuddur:
açıq və qapalı. Açıq tipli investisiya fondunun resursları fondun yalnız onun özünə
satıla bilən adi səhmlərinin buraxılması hesabına formalaşır. Fond səhm sahiblərinin,
yəni onun səhmdarlarının birinci tələbi ilə səhmlərini cari bazar məzənnəsi ilə geri
almağa borcludur. Fondun həcmi dəyişilməz deyil, o, yeni səhm buraxılışları
hesabına artırıla bilər. Qapalı tipli investisiya fondunun resursları həm adi, həm də
imtiyazlı səhmlərin, bəzən isə istiqrazların buraxılması hesabına formalaşır.
Səhmlərin buraxılışı birdəfəlik qaydada, qəti müəyyən edilmiş həcmdə edilir.
İnvestisiya fondları və şirkətləri oxşar olsalar da onların bir neçə fərqli cəhətləri də
var:
Cədvəl 1.1. İnvestisiya fondu və investisiya şirkətinin xüsusiyyətləri.
Müqayisə
meyarları
İnvestisiya şirkəti
İnvestisiya fondu
Qiymətli kağızlar
bazarındakı rolu
Əsasən emitentlərlə son
investorlar
arasında
qiymətli kağızların ilkin
yerləşdirilməsində
maliyyə vasitəçiliyi
Xırda
yığımların
səfərbər
edilib
iri
qiymətli
kağız
portfellərinəinvestisiya
edilməsi.
Son
investor
investisiya
fondunun özüdür
Müştərilər
Yalnız hüquqi şəxslər
Hüquqi və fiziki şəxslər
Qiymətli kağızlar
bazarında müxtəlif
peşəkar
fəaliyyət
növlərinin
birləşdirilməsi
İnvestisiya məsləhətçisi və
maliyyə brokeri kimi (bu
qismdə
yalnız
fond
birjasında)
fəaliyyət
göstərə bilər
Digər fəaliyyət növləri ilə
birləşdirilməsinə icazə verilmir
20
Dünya təcrübəsində qiymətli kağızlarla iş üzrə uçotun aparılması və onların
saxlanması şəbəkəsinin müxtəlif təşkilati formaları mövcuddur. Lakin istənilən halda
onların hamısı üçün bunu demək olar ki, bu şəbəkələr aşağıdakıları təmin etməlidir:
fond əməliyyatları üzrə hesablaşmaların üzləşdirilməsi, klirinq;
qiymətli kağızların nağd və nağdsız şəkildə, həmçinin hesaba alınmamış
pul vəsaitlərinin nəqli;
qiymətli kağızların saxlanılması.
Mülki məcəllənin 992-1.16. maddəsinə görə qiymətli kağızlar bazarının
peşəkar iştirakçılarının özünü tənzimləyən təşkilatı qiymətli kağızlar bazarının
peşəkar iştirakçılarının könüllülük, qeyri-kommersiya prinsipləri əsasında fəaliyyət
göstərən qeyri-hökumət təşkilatı olan ictimai birliyidir. Dünya təcrübəsi göstərir ki,
birləşmə zamanı məhdudiyyətlərin tətbiqi çox vaxt zəruri olur. Birincisi, bu
investorları çox böyük risklərdən, məsələn, investisiya fondları qiymətli kağızların
ilkin yerləşdirilməsi üzrə broker, yaxud diler kimi çıxış etməyə başladıqda hifz
edilməsi, müdafiəsi ilə bağlıdır. İkincisi, məsələn, eyni hüquqi şəxs həm diler kimi,
həm də broker kimi çıxış etdikdə müxtəlif investisiya təsisatlarının maraqlarının
toqquşması və qeyri-etik durumun yaranması ehtimakının minimuma endirilməsi çox
vacibdir. Üçüncüsü, hazırda qiymətli kağızlar bazarının təşəkkül tapmağa başladığı
mərhələdə məhdudiyyətlər investisiya təsisatlarının bazardakı ixtisaslaşmasına şərait
yaratmaqdan ötrü vacibdir. Respublikamızda bu məsələyə QKDK-nın 2 fevral 2000-
ci il tarixli “Qiymətli lağızlar bazarında peşəkar fəaliyyəti həyata keçirən hüquqi və
fiziki şəxslərin peşəkar fəaliyyətinin növləri ilə eyni zamanda məşğul olması üzrə
tələbləri”ndə baxılır.
Qiymətli kağızlar bazarını tənzimləyən dövlət orqanlarına əsasən Maliyyə
Nazirliyi, Milli Bank və QKDK aiddir (bu haqqda II fəsildə daha ətraflı).
21
1.3.
Fond birjası, onun təşkili xüsusiyyətləri və idarə olunması.
Qeyd etdiyimiz kimi fond birjası qiymətli kağızların təkrar bazarının birinci
səviyyəsinə aiddir və mütəşəkkil formada təşkil olunmuş bazardır. Fond birjası XVI-
XVII əsrlərdə mövcud olmuş əmtəə birjalarının bir qolu olmuş, sonra inkişaf edərək
müstəqil fəaliyyət göstərməyə başlamışdır. İlk müstəqil fond birjası 1611-ci ildə
Amsterdam şəhərində yaradılmış birja hesab olunur.
Fond birjası qiymətli kağızlarla əqdlərin bağlanması üçün zəruri şəraitin
yaradılması, onların bazar qiymətlərinin müəyyən edilməsi, onlar haqqında lazımi
məlumatın yayılması üzrə peşəkar fəaliyyətdir (Mülki məcəllə, maddə 992-1.14) .
Fond birjası ən yüksək keyfiyyətli fond qiymətli kağızlarının tədavül etdiyi və
əməliyyatların qiymətli kağızlar bazarının peşəkar iştirakçıları tərəfindən aparıldığı
təsisat şəklində qurulmuş xüsusi bazardır. Onun əsas vəzifəsi maliyyə resurslarının
səfərbər edilməsi, maliyyə qoyuluşlarının likvidliyinin təmin olunması və fond
bazarının tənzimlənməsidir. O, iqtisadiyyatdakı hər cür dəyişiklikləri təsbit edən bir
sistemdir. O, tələb və təklif arasındakı tarazlıqdan hər cür kənarlaşmalara reaksiya
verir. Fond birjası bazarın daimiliyini, likvidliyini və tənzimlənməsini, qiymətlərin
müəyyən edilməsini, bazar konyukturasının nəzərə alınmasını təmin edir. Bu bazarda
qimətli kağızlarla əməliyyatlar zamanı onların məzənnələri formalaşır. Burada
formalaşan məzənnələr kapital qoyuluşlarının mənfəətliyinin və kapitalın dəyərinin
qiymətləndirilməsi mexanizmində etalon rolunu oynayır ki, bu da fond birjasındakı
mövcud vəziyyətə görə ümumilikdə ölkənin təsərrüfat subyektlərinin maliyyə və
tasərrüfat vəziyyətini qiymətləndirməyə imkan verir.
Fond birjalarının milli iqtisadiyyat və onun ayrı-ayrı sahələrdəki vəziyyət və
dinamikası haqqında statistik məlumat vermək üçün istifadə etdiyi vasitələrdən ən
əsası fond indeksidir. İndekslər səhmin məzənnəsi əsasında hesablanır və qarşılıqlı
əlaqəli olan bir qrup göstəricilərdəki dəyişikliyin bir rəqəm vasitəsilə təyin edilməsi
üçün istifadə edilir. Dünya üzrə bu indekslərdən ən çox hesaba alınanı – Standart &