29
Mənbələrin məlumatına görə orta əsrlərdə Xəzər dənizi balıq sərvətlərilə zəngin olmuşdur
171
. Burada
çoxlu nərə, uzunburun, bölgə, qızılbalıq, siyənək, ziyad, külmə, sazan və s. qiymətli balıqlar vardır
172
.
Balıqçılıq şəhər əhalisinin iqtisadiyyatında əsas yerlərdən birini tutduğu kimi, xalqın təsviri incəsənətində
də öz əksini tapmışdır. Heç də təsadüfi deyildir ki, tədqiq olunan dövrdə Bakının saxsı qabları üzərində balıq
rəsmləri incəsənət motivi kimi geniş yayılmışdır.
173
Onlardan biri diqqəti daha çox cəlb edir. Altına möhür
vurulmuş bu şirli qabın içəridən mərkəzi hissəsində bir-birinin ardınca üzən qızılbalığa oxşar üç balıq rəsmi
təsvir olunmuşdur (XVI tablo, 3), Beləliklə, Bakı sənətkarları öz əsərlərində balıq rəsmlərindən həm tək-tək,
həm də qrup şəklində bəzək elementi kimi istifadə etmişlər. Ümumiyyətlə, balıq təsvirlərinə Azərbaycanın orta
əsr maddi mədəniyyət nümunələri üzərində də çox tez-tez təsadüf olunur.
174
Balıqların bəziləri motiv
yaxınlığına görə Bakı materialları ilə oxşarlıq təşkil edir. Bu cəhətdən Qəbələ və Mingəçevir tapıntıları da
maraqlıdır. Onlardan Qəbələdən
175
əldə edilmiş mis medalyonun üzərində sağdan sola, saat əqrəbinin əksinə bir-
birinin ardınca üzən səkkiz balıq, Mingəçevirdən
176
aşkar olunan gümüş qab içərisində isə ardıcıl üzən qızıl
suyuna çəkilmiş beş balıq rəsmləri təsvir olunmuşdur. Göründüyü kimi, balıqların sayını nəzərə almasaq, həm
Bakı, həm Qəbələ, həm də Mingəçevir materialları üzərindəki süjet bir-birini təkrar edir. Hər üç tapıntı XII —
XIV əsrlərə aid edilir.
Bütün bunlar isə orta əsrlərdə təsərrüfat həyatı ilə əlaqədar olaraq balıq rəsminin Azərbaycan
incəsənətində geniş istifadə olunan əsas motivlərdən biri olduğunu göstərir. Ümumiyyətlə balıq rəsmi Qafqazın
təsviri incəsənətində mənşə etibarilə qədimdən məlumdur.
177
İ. M. Cəfərzadənin apardığı tədqiqatlar nəticəsində hələ e. ə. III minillikdə Qobustanın qaya rəsmləri
içərisində balıq təsvirlərinin olduğu müəyyən edilmişdir.
178
Qobustanın qaya rəsmlərindəki balıq təsvirləri və
müasir dövrdə Abşeron əhalisinin balığı var-dövlət əlaməti kimi qiymətləndirməsi onu söyləməyə əsas verir ki,
bu ərazidə balıq lap qədimlərdən totem kimi yayılaraq ona bolluq rəmzi kimi sitayiş edilmişdir.
Bakıdan tapılan miniatür balıq fiquruna gəldikdə isə onun simvolik məna daşıdığını güman edirik.
Balıqçılıqla əlaqədar olaraq İçərişəhərdən 1975-ci il qazıntısı zamanı 2,8 m dərinlikdən aşkar edilmiş
miniatür formalı dəmir lövbər də böyük maraq doğurur (XVI tablo, 6). Onun üzərini qalın pas örtdüyündən bir
qədər kobud şəklə düşmüşdür. Lövbərin buynuzları ox ucu formasındadır. Məlum olduğu kimi, dənizdə
gəmilərin suda saxlanılmasında əsas vasitə olan lövbər gəmiçilik təsərrüfatında xüsusi yer tutmuşdur. Bizə elə
gəlir ki, rəmz məqsədilə hazırlanan bu lövbərin sahibi çox ehtimal ki, dənizçi olmuşdur.
Bakıdan tapılan metal əşyalar içərisində çoxlu miqdarda mis və gümüş sikkələr də vardır. Pullar həm
arxeoloji qazıntılar, həm də təsadüfi tapıntılar nəticəsində aşkar edilmişdir.
179
Həm tək-tək, həm də dəfinə
şəklində tapılan sikkələr arxeoloji qazıntılar zamanı mədəni təbəqələrin və oradan əldə edilən materialların
dövrünü dəqiq təyin etmək cəhətdən xüsusi əhəmiyyət kəsb edir. Maraqlı burasıdır ki, pulların bir çoxu Bakıda
zərb olunmuşdur. Tədqiqatçı S. B. Aşurbəyli də bütün bunlara əsaslanaraq Bakıda orta əsrlərdə zərbxananın
olduğunu qeyd edir.
180
Bizə elə gəlir ki, Bakı ərazisindən təsadüfən tapılan ilk orta əsrlərə aid xeyli pul dəfinələri də arxeoloji
tədqiqatların nəticələri ilə birlikdə şəhərin qədim tarixinin araşdırılması baxımından böyük elmi əhəmiyyətə
malikdir
181
.
Bakıdan tapılan pulların içərisində Şamaxı, Təbriz, Pənahabad, Gəncə, Dərbənd, Şərvan, Mahmudabad,
İrəvan, Ani, Qızıl Orda, Kaşan, Sarayəlcədid, Buxara, Qəzvin, Sultaniyyə və s. şəhərlərdə zərb olunanları da
vardır. Həmin şəhərlərdə zərb edilən çoxlu sikkələrin Bakıdan tapılması isə orta əsrlərdə bu şəhərlərlə Bakı
arasında güclü mədəni və ticarət əlaqələrinin olduğunu göstərir.
METALIN BƏDİİ İŞLƏNMƏSİ VƏ SƏNƏTKARLIQ TƏŞKİLATLARI
Bədii metalişləmə xalq yaradıcılığında əsas yer tutan sənətkarlıq sahələrindən biridir. Azərbaycanda bu
sənətin qədim bir tarixi vardır.
171
Ал-Истахри. Из книги путей и царств, СМОМПК, вып. 29, Тифлис, 1901, с. 25.
172
Gül Q. Göstərilən əsəri, s. 29, 44.
173
Bakı, İçərişəhər çöl qeydi, № 81 (1964). 21 (1968), 216 (1967).
174
Əhmədov Q.M. Azərbycanın şirsiz... с. 77, XIII tablo, 3, 4, 5, 11; Якобсон А. Л. Художественная керамика... с. 249, XX tablo, 2; Исмизаде О. Ш. О
раскопках в Кабеле... с. 106, XIV tablo, I; Якобсон А. Л. Археологические исследования... с. 14, 7-ci şəkil, а.
175
İsmizadə Ö. Ş. Göstərilən əsəri.
176
Aslanov Q. A., Qolubkina T. İ., Sadıqzadə Ş. Q. Göstərilən əsər, s. 43, IX tablo, 1.
177
Мешшаников И. И. Каменные статуи рыб-вишапы на Кавказе и Северной Монголии, ЗКВ, I cild, 1925.
178
Джафарзаде И. М. Наскальные изображения Кобыстана. Тр. Ин-та истории АН Азерб. ССР, т. XIII, Бакы, 1958, с. 75,
179
Рагимов А. В. Бакинский клад (находка 1948 г.) МКА, т. III, Баку, 1953, с. 98—126;
Исмизаде О. Ш. Отчет о раскопках на террит ,
Ичеришехер, 1969, Азэрб. ЕА ТИЕА, инв. № 7498, fond 1, siyahı 17; Rizvan Əliyev. Gümüş pullar dəfinəsi. «Kommunist» qəzeti, 3 fevral 1972-ci il.
180
Ашурбейли С. Б. Очерк истории средневекового Баку, 1964, с. 96.
181
Пахомов Е. А. Клады Азербайджана и других республик и краев Кавказа, вып. I, Баку, 1959, с. 12.