20
deyə məşqçi cavab verdi—mən o fəndi bu gün üçün, öz ustadını mey Səh.—247
dana çağıran və özünə güvənən bir şəyird üçün saxlayırdım. Müdriklər deyir ki,
heç vaxt dostuna hər sirri vermə, bir gün düşmənə çevrilib, sənə üstünlük edə
bilməsin.
Güləş əyləncəsi bir saat davam etdi, aktyorlara (güləş göstərən
oyunçulara—V. A.) çıxıb getmək əmri verildi. Həyəti çadırla örtdülər, yuxarı başa
gözəl xalçalar saldılar. Böyük bir dəstə musiqiçilər və rəqqaslar gətirdilər. Onlar
iki saatdan çox heç kimi darıxdırmadan səhnədə oldular. Hakim (Yerevan
bəylərbəyi—V. A.) bu müddət ərzində onlara (musiqiçilərə və rəqqaslara - V. A.)
baxdı, şah elçisi ilə (Qulam şahla—V.A.) məclisdəkilərlə söhbət etdi, məni Avropa
barədə danışmağa vadar etdi. Şah sarayındakı xidmət sisteminə uyğun olaraq,
əyalət hakimləri də eyni cür mürəkkəb qulluqçu sisteminə malik idilər. Musiqiçilər
və rəqqaslar da bu cür qulluqçu sisteminə daxildir. Şərqdə əylənmək və ya bir-biri
ilə xoş rəftar eləmək xatirinə rəqs etmək adətləri yoxdur. Onlarda rəqs bir incəsənət
və ya sənət kimi mövcud olub, Avropadakı teatr sənətinə oxşardır, camaatı
əyləndirmək məqsədi güdür. Bu fərqə (Avropa rəqsi ilə Şərq rəqsinin fərqinə —
V.A.) baxmayaraq, rəqs Şərqdə təkcə ədəbsiz məşğuliyyət deyil, həm də rəqqasələr
həqiqətən ictimai qadınlar olduqları üçün xüsusilə adi qadınların nəzərində alçaq
məşğuliyyət sahibləridir. Səfəvilərdə rəqs ancaq qadınlar tərəfindən ifa edildiyi
kimi, musiqi alətlərində də ancaq kişilər çalırlar. Oxumağa gəldikdə isə ən yaxşı
müğənnilər adi adamlar içərisindən çıxır.
Səh.—248. Onların səsi güclü olub, sanki içlərinin dərinliyindən dartılıb
çıxır. Onlar mahnını bütün gücü ilə oxuyur və çoxlu zəngulə vururlar. Rəqqaslar da
mahnı oxuyurlar. Onların mahnısı kişilərinki kimi yaxşı və hətta xoşagələndir.
Rəqqasların onlardan üstünlüyü bədən hərəkətlərinin müqayisəolunmaz dərəcədə
cəldliyindədir. Onlar fırlanaraq, yüngülcə atılıb-düşür, bəzən elə hərəkət edirlər ki,
gözlə görmək olmur, bu zaman ən yaxşı akrobatları və kəndirbazları kölgədə
qoyurlar. Mən rəqqasələrin bədənlərini bir çox pozalarda açdıqlarını görmüşəm.
Belə hərəkətləri, rəssamların dediyi kimi «ağacdan hazırlanmış adamlar» —
manikenlər edə bilərlər. Onların arasında elələri var ki, başı dabanlarına dəyincə
qatlanır və bu pozada əllərinin köməyi olmadan yeriyir. Onlar bir əli üstündə və bir
dizi üstündə ritmik rəqslər edir, təəccüb doğuran cəldliklə yüz dəfələrlə fırlanmaqla
rəqsi zənginləşdirirlər. Şərq qadınları kişilər kimi darbalaq geyirlər, darbalaq
bədənlərini topuğadək örtər. Buna görə də onlar fırlananda və bədən hərəkətləri
edəndə sifətləri, əlləri, ayaqları görünür, sifətləri və ayaqları əlləri kimi təmiz olur.
Sifətləri və ayaqları əlləri kimi üzüklərlə bəzədilir.
Musiqiçilər və rəqqaslar Şərqin mimləri (mimik hərəkətlərlə tamaşa
göstərən aktyor—V.A.) və ya məzhəkəçiləridirlər; daha dəqiq desək bu, onların
operasıdır. Ancaq onlar burda şerləri mahnı kimi oxusalar da, nəsr qətiyyən onların
mahnısına daxil olmur. Səfəvilərdə və Hindistanda onları bütün bayramlara dəvət
21
edirlər. Rəqqaslar bütün böyük ziyafətlərə çağrılırlar. Şərqdə yığıncaq və ziyafətlər
«məclis» adlanır. Səfirlərin qəbulu zamanı da onları dəvət edirlər.
Səh.—249. Musiqiçi və rəqqas truppası bütövlükdə gəlmədikdə, heç olmasa,
üçdən iki hissəsi gəlir. Bəzi hallarda rəqqasələr yorğun olduqlarını bəhanə edərək,
çətin hərəkətləri etmirlər. Onların təqdim etdikləri pyeslər (tamaşa—V. A.) həmişə
məhəbbət mövzusunda olur.
Səhnəni ən təzə aktrisalar açırlar. Səhnə məhəbbətin təsviri ilə başlanır.
Təzə aktrisalar əzilib-büzülməklə tamaşaçıları razı salır və onları məmnun edirlər.
Sonrakı epizodlarda ehtiraslar və qəzəb təlqin olunur. Bu epizodlar təsvir olunması
mümkün olan qədər canlı və təsirli olub, gözəl oğlanlar və gözəl qızlardan
ibarətdir. Bu, adətən, tamaşanın birinci aktıdır (hissəsidir—V. A.). İkinci aktda
truppa iki dəstəyə ayrılıb xor oxuyur. Birinci dəstə təsirlənmiş aşiqin keçirdiyi
hissləri ifadə edir. İkinci dəstə məğrur bir məşuqun birbaşa verdiyi rədd cavablarını
təqdim edir. Üçüncü akt sevgililərin razılığa gəlməsindən ibarətdir. Burda daha
hərəkət etməkdən və oxumaqdan yorulub əldən düşürlər. Muğənnilər və çalğıçılar
tamaşanın həyəcanlı yerlərində ayağa qalxır və ya müəyyən mənada, bəzən də
həyəcanlanmış və özünü unutmuş aktrisaları canlandırmaq üçün qulaqlarının
dibində çalırlar. Bu sonuncu aktların ədəbsiz hərəkətlərindən utancaqlıq onları
kənara çəkilməyə məcbur edəndə çalğıçılar onların qabağında və ya qulaqlarının
dibində çalırlar. Bu, müsəlman əxlaqına ləkə gətirmir. Nəfsini yandırmaq
çatışmazlıq, hətta günah sayılır. Onların dini təlim edir ki, evlənməyə qabil olan
bütün kişilər məcburi nigahda olmalıdırlar. Buna baxmayaraq səh.—250
aktrisaların və musiqiçilərin içərisində elələri də vardır ki, hamını tanıyırlar. Belə
aktrisalar onları gətirdən və xərclərini çəkən adamların zövqünə uyğun pyeslər
hazırlayırlar. Amma bu barədə lap çox danışdıq.
Müşahidə etdiyim kimi, rəqqasələr truppa ilə gedirlər. Məsələn, şahın
sarayındakı truppada ölkənin ən məşhur iyirmi dörd kurtizankası (cəngi
mənasında—V. A.) vardır. Onların bir başçısı olur. Adətən başqa truppanın yaşlı
üzvlərindən seçilir. Onlar bir yerdə yaşamırlar. Əksinə, hərəsinin bir yerdə evi olur.
Başçının vəzifəsi onları bir yerə toplamaq, truppanı çağırılan yerə aparmaq, onların
arasındakı qısqanclıq və ya çəkişmələrin doğurduğu münaqişələr barəsində
əvvəlcədən məlumat vermək, yaxud dava-dalaşı söndürmək, təhqiredici vəziyyətdə
onları müdafiə etmək, hərəkətlərinə göz qoymaq, əgər onlar truppanın
iqtisadiyyatına aid qaydaları gözləməsələr, cəzalandırmaq, (cəza qamçı ilə həyata
keçirilir) belə hallar təkrar baş verərsə, döymək və ya truppadan xaric etməkdir.
Nəhayət, bundan başqa onların girov şeylərini gətirtmək qayğısına qalmalı,
geyimlərinin zəngin olmasına, mebellərin təmizliyinə, yaşayış tərzinə fikir
verməlidir (Bunlar rəqqasların göstərdikləri xidmətə uyğun olmalıdır). Rəqqasın
məiyyəti
*
iki qızdan, bir nökərdən, bir aşbazdan, bir mehtərdən, iki və ya üç atdan
*
məiyyət — başının dəstəsi — V. A.