26
hər cür şərab içməyə icazə versə də birdən çox arvad saxlamağa icazə vermir.
Onun əvəzində isə Məhəmməd dini istədiyin qədər arvad saxlamağa icazə versə də,
bir damcı şərab içməyə icazə vermir. Ərə getmək vaxtı çatanadək qızları saraylarda
qapalı saxlayır, yeniyetmələr özünü tanıyanda, onlara ya kəniz, ya da məşuqə
verirlər. Həyatda öz arzusu ilə, könüllü olaraq bakirə yaşayan adamların varlığını
farslar heç vaxt başa düşə bilməyəcəklər. Bu mənada xristian ölkələrində müşahidə
edilən hadisələrdən danışarkən, müsəlmanlar cəsarətlə cavab verərək, təbiətə yad iş
görüb, cinayətə yuvarlandığımızı, qadınsız yaşamağın qeyri-mümkün olduğunu
söyləyirlər. Onlar deyirlər:
— Avropalılar başqaları kimi olmurmu, başqaları kimi yeyib-içmirlərmi,
əgər onlar qətiyyən qadına baxmırlarsa, bu onların günahı deyilmi? Yuxarıda
xatırladığım kimi, İsfahanda kapusinlərin yanında olarkən Baktiriyalı nəcib bir
əyan alim bizim görüşümüzə gəlmişdi. O, kapusinlərin başçısı II Rafael dü Mana
dedi: — Padri, (böyük xristian ruhanisinə padri deyirlər—V.A.) deyirlər ki, sizin
kimi ruhanilər qətiyyən qadınla əlaqədə olmurlar. Onlar öz aralarında türkəsayaq
(oğlan uşaqlarından istifadə etmək) yaşayırlar.
— Aman Allah! Bu alçaq cinayətə öyrəşmək mümkündürmü? — deyə
Müqəddəs Ata cavab verdi — bizdən uzaq olsun.
Səh.—260. Biz arzu edirik ki, heç vaxt qadına yaxın durmayaq.
— Necə? — deyə müsəlman ruhanisi söz atdı — siz qadına toxunmadan
yaşayırsınız?
— Bəli, — deyə Müqəddəs Ata cavab verdi.
— Axı, Padri, — deyə bu əyan çox qayğıkeşliklə yenidən sözə başladı, —
siz yemədən yaşaya bilərsinizmi? Doğrusu, — deyə, o, davam etdi, — biz elə başa
düşürük ki, qadına ehtiyac duymadan yaşamaq, yeməyə ehtiyac duymadan
yaşamaq kimi ən çətin şeydir. Şübhəsiz, bu müqayisə adamı çox çətinə salır. Bu
müqayisəni anlamaqda tələskənlik lazım deyil. Biz belə müqayisələri dərk etmək
ruhunda tərbiyə edilməmişik. Şəhvət isti ölkələrə aiddir. Allaha şükür ki, o bizə aid
deyil. İsti ölkələrdə yeməklərin əksəriyyəti şirələrdən ibarətdir. Şirələr də sərxoşluq
deyil, ayıqlıq yaradır, ehtirası söndürmək hissi onları o qədər qızışdırır ki, onlar
heç vaxt özlərini şəhvətdən çəkindirə bilmirlər.
Dediklərimizə baxmayaraq, Məhəmmədilərdə əxlaqsızlıq günah sayılır,
fahişə qadınlardan istifadə etməyi onların dini qadağan edir, belə şeylərə ciddi və
təmiz adamları hörmətdən salan alçaq bir iş kimi baxırlar. Bununla belə şəhərlər
fahişələrlə doludur, ən hörmətli və ən pak adamlar belə işlərə baxırlar. Hər axşam
kolleclərə və ya böyük məscidlərə (cümə məscidi, mədrəsə—V.A.) gəzintiyə
çıxsanız gah çarşaba bürünüb xidmətçisi tərəfindən müşayiət edilən, gah da tək-tək
gəzişən fahişələrin keşişlərni (burada: molla) və regentlərin (burada: ruhani,
axund—V. A.) otaqlarına bir-bir girib-çıxdıqlarını görərsiniz. Onda qapılar tez
bağlanır, bir də ertəsi gün açılır. Onlar ordan ya səhər tezdən, ya da qaş qaralandan
sonra çı Səh.—201 xıb gedirlər ki, heç kəs onları incitməsin. Eyni şeylərə xarici
27
tacirlərin qaldığı karvansaralarda da rast gəlmək olar. Bütün bunları necə
razılaşdırırlar? Farslar bunu belə edirlər. Əvvəlcə sizə deyirlər ki, fahişələr
günahkar vəziyyətindədirlər. Belə ki, onlar tövbə etdikdən sonra evdən çölə
çıxırlar, sanki nizama düşməyən həyatdan uzaqlaşırlar. Bir də vergi verdikləri üçün
belə edirlər. Din tərəfindən qadağan olunmuş bir sənətlə məşğul olduqları üçün
fahişələr vəfasız qadınlar kimi tanınırlar. Sonra deyirlər ki, fahişə ilə ticarət də
günahdır. Qanunla icazə verilmiş bu ticarətin əvəzi onu almaqdır. Bunu vicdanlı
adamlar edirlər. Onlar icarə müqaviləsinə əsasən kirə ilə bir saatlığa, bir gecəliyə,
bir günlüyə (gündüz mənasında—V. A.) bir həftəliyə, yaxud istədiyi qədər
(farslarda təcrübədən keçirilən bu işlər barədə geniş danışacağam) bir kurtizankanı
(yüksək zümrəyə mənsub yüngül əxlaqlı qadın—V.A.) özlərinə arvad edirlər.
Onlar ehtiyatla hərəkət edərək, vicdanlı bir fahişə ilə evlənməyi iddia edirlər.
Özləri də belə hesab edirlər ki, bu cür evlənmə başqa evlənmələr kimi yaxşı və
qanunauyğundur. Onlar bu cür evlənməni siğə kudim (qədim—V. A.) adlandırırlar.
Sözbəsöz tərcüməsi «istifadə müqaviləsi bağladım», yəni «evləndim» deməkdir.
Müsəlmanların evlənmək məsələsinə gəldikdə, bütün başqa Məhəmmədilər
kimi, onların da Əli ehkamlarına əməl etdiyi müşahidə edilir. Onlarda üç cür
evlənmə vardır: pulla almaq, kirə ilə (siğə yolu ilə— V. A.) almaq və ya evlənmək
(nigah kəsdirməklə—V. A.). Bu üç evlənmə üsuluna birlikdə əməl etməyə icazə
verilir. Onların dini belə təlim Səh.—262 edir. Mülki qanunlar kənizdən, siğə
edilmiş qadından və nigahlı arvaddan olan uşaqları bərabərhüquqlu hesab edir.
Nigahlı qadından əvvəl qul qadından (kənizdən—V. A.) oğlan uşağı olmuşsa, qul
qadından olan uşaq böyük sayılır. Böyüklük hüquqlarından istifadə edir. Burada
qanuni arvadın şahzadə, kral ailəsindən olması nəzərə alınmır. Bu, ona görə belədir
ki, farslarda əsil-nəcabət ata xətti ilə müəyyən edilir.
Qul qadınlar «kənizə» adlanır. Qanun icazə verir ki, baxmağa bacardığın
qədər kəniz saxlayasan. Kənizlərlə necə rəftar edilməsi ilə nə polis, nə din
xadimləri, nə də mülki qulluqçular maraqlanırlar. Çünki Şərqdə hər kəs öz qulunun
hökmdarıdır. Kimin ki, kənizləri var, onlardan ürəyi istəyən kimi istifadə edir.
Qulun xoşbəxtliyi də, həyatı da sahibinin əlindədir. Kənizinin sahibinə arvadlıq
eləməsi Şərqdə qətiyyən şərəfsizlik hesab olunmur. Əksinə, bu, ən böyük
xoşbəxtlikdir və qula çox böyük var-dövlət gətirir. Belə ki, sahibi ilə bir yastığa
baş qoyan kəniz üçün ayrıca mənzil verilir. Onu qullardan ayırırlar, yaxşı
geyindirirlər. Ona xidmətçilər müavinət verirlər, uşağı olarsa, bütün bu üstünlükləri
bir az da artır, ona daha qul kimi deyil, evin qanuni varisinin anası kimi baxırlar.
Kirə ilə saxlanan qadınlara Amuadi-Mutaa deyirlər, mənası «oynaş»,
«məşuqə» eyni zamanda «xidmətçi», «qulluqçu» deməkdir. Belələrini istədikləri
qədər istədikləri müddət ərzində və razılaşdırılmış qiymət əsasında saxlayırlar.
Səfəvilərdə paytaxt İsfahanda gənc Səh.—263 və gözəl qadınları kirə ilə
saxlayırlar. Mənzil, yemək-içmək, geyim xərcləri də daxil olmaqla onlara ildə yüz
əlli livr verirlər. Bu cür evlənmə, tamamilə mülki müqavilə əsasında hakimin