32
evi az da olsa, güzəştə getməyə məcbur olur. Çünki qızı geri qaytarmaq ən böyük
şərəfsizlik hesab olunur.
Səh.—271. Qadını əvvəlcədən görməyib evlənmə tərzi bədbəxtliyə səbəb
olan izdivac kimi görünsə də, qətiyyən belə deyil. Əvvəlcədən alacağı qadını görüb
danışdıran ailələrin daha xoşbəxt olduğunu demək mümkündür. Onlar alacaqları
qadınları əvvəlcədən görüb danışdırmadıqları üçün ən çox özlərinkilərlə
(qohumlarla—V.A.) evlənirlər. Bununla belə farsların kimlə evləndiklərini
qətiyyən bilmədiklərini demək olmaz. Belə ki, anaları, yaxın qadın qohumları və
qız seçmək işi həvalə olunan qadınlar tez-tez dəqiq surətdə onun portretini çəkirlər
(təsvir edirlər—V. A.). Bu təsvir qız haqqında kifayət qədər rəy yaradır. Qızın əsli-
nəsli xoşa gələrsə onunla yaşamağı mümkün hesab edirlər. Üstəlik böyük əyanlar
yeddi və ya səkkiz yaşdan ötənədək qızları qapalı saxlamırlar. Onlar bu yaşadək
açıq gəzirlər. Bu, onların camaata görünməsi və camaatın onları müşahidə etməsi
üçündür: hərdən belə olur ki, qızı balacalıqda görüb sonradan evlənirlər.
Bir sıra əsaslar olduqda Məhəmməd dini boşanmanı qanunauyğun sayır.
Bunun üçün kifayətdir ki, tərəflərdən biri başqasının dadına baxsın və ya arvad
boşanmaq istəsin. Onlar dünyanın ən ağıllı və ən nəcib adamları olsalar belə,
boşanırlar. Məhkəmə və ya ruhani qarşısında ayrılıq Səh.—272 aktı (boşanma
kağızı yazılır—V. A.) bağlanır. Bu akt-talaq, yəni boşanma kağızı adlanır. Talaq
verilən kimi, tərəflər istədikləri ilə evlənmək sərbəstliyinə malik olurlar. Əgər kişi
nigahın ləğv edilməsinə könüllü olaraq razıdırsa, arvada mehir verməyə
məcburdur. Əgər ayrılığın səbəbkarı arvaddırsa, heç bir şey iddia edə bilməz.
Məhəmmədilər pozulmuş nigahın təzələnməsini qanunauyğun hesab edirlər. Nigah
üç dəfə pozula və təzələnə bilər. Onlar bu qaydanı yəhudilərdən olduğu kimi
götürmüşlər. Əgər nigah üç dəfə pozulub təzələnəndən sonra kişi və qadın yenidən
birləşmək istəsələr, qeyri-adi bir şərti yerinə yetirməlidirlər. Əvvəlcə arvad başqa
bir kişiyə ərə getməli, qırx gün onunla yaşamalı və sonra ondan ayrılmalıdır. Buna
baxmayaraq bu iş Məhəmmədilər arasında alçaq hərəkət hesab edilir. Əgər nigah
üç dəfə pozulubsa, daha o qadını qaytarıb özlərinə arvad etmirlər. Əsasən
ayrıldıqları qadınla evlənmək imkanları olsa da, farslar bu imkandan nadir hallarda
istifadə edirlər. Burjuaziya hərdən bununla öyünür. Nüfuzlu adamlar isə
boşanmaqdansa, arvadı öldürməyi üstün tuturlar. Onlar boşamalı olduqda,
arvadlarını öldürürlər. Kiçik xalq (qara camaat—V.A.) isə belə şeyləri heç vaxt
eləmir. Boşanmaq işində onlar çox sadə və kobuddurlar. Boşayarkən talaq verməli
olduqları üçün bu onlara çox baha görünür. Qara camaat arasında bəzən hay-küyə
səbəb olan haqsızlıq baş verir. Talaq vermədən arvadlarını boşamaq istəyənlər
arvadlarla elə pis rəftar edirlər ki, arvadlar özləri Səh.—273. boşanmağa, azadlıq
üçün hər şeyi qurban verməyə məcbur olurlar. Çox vaxt məhkəmə (şəriət
mənasında—V. A.) ər və arvad arasındakı ziddiyyəti, bir-birinə etdikləri pislikləri
və onları ayıran səbəbləri nadir hallarda bilir. Varlı-karlı adamlarda arvadların
saxlandığı yer müqəddəsdir. Orda baş verən hadisələr haqqında məlumat verən
33
şəxs kim olmasından asılı olmayaraq, cinayətkardır. Təkcə ər orda heç kəslə
bölüşdürülməyən bir hakimiyyətə malikdir. İnandırırlar ki, orda çox qeyri-adi
şəhvət cəzaları olur. Orda qadınların həqiqətən öldüklərini də təsdiq edirlər.
Əlavə etməliyəm ki, qadağan dərəcələri (evlənmədə — V.A.) farslarda da
yəhudilərdə olduğu kimidir: ana, qaynana, bacı, ögey bacı, xala, qardaş qızı ilə
evlənmək qadağandır. Qardaş arvadı ilə evlənmək olar, amma çox nadir hallarda
belə olur. Başqa Məhəmmədilər qadağan dərəcələri sahəsində alçaq bir lütfkarlığa
yol verirlər. Hazırda hakimiyyət sürən hind şahı Oranq-Zebin rəhmətlik atası
Böyük Moqol doğma qızına qarşı qeyri-adi bir ehtiras bəsləyir. Bunu ölkələrdə
danışırlar. O, (Böyük Moqol—V. A.) özünə çox güclü kazuistlər tapdı. Onlar da
ona dedilər: «Kişi əkdiyi tənəyin üzümünü yeyə bilər»...
Səh.—279. Mart ayının 21-i idi. Martın 21-i hicri-qəməri (ay təqvimi
mənasında—V. A) ilə müsəlman ilinin on ikinci ayının—zilhiccənin birinə düşür.
Gün çıxandan qırx yeddi dəqiqə sonra qala qarnizonu və artilleriyası yeni il
bayramını elan və bayram etmək məqsədilə üç dəfə yaylım atəşi açdı. Yeni ilin
gəlməsini gecə və ya gündüz olmasından asılı olmayaraq, günəş qoç bürcünə daxil
olan anda elan edirlər.
Səfəvilərdə dini və mülki bayramlar lap çoxdur. İstər dini ayinlərin (şəbih
və s.—V.A.) və əsas dini hadisələrin, istərsə də ilin vacib fəsillərinin dəyişməsinin
qeyd edildiyi günlər müqəddəs günlər—əziz günlər hesab olunur. Bununla belə,
dini
Səh.—280 bayramlardan üçü təntənəli surətdə qeyd edilərək qorunur.
Orucluğun ertəsi günü bayram edirlər. Orucluğun xristianlardakı pasxa günü ilə
eyni olduğunu bilirəm. İbrahim Qurbanı və Əli tərəfdarlarının din yolunda şəhid
olması (aşura—V. A.) bayramları hörmətli bayramlardır. Yeni il təntənəsi də mülki
bayram olmasına baxmayaraq, belə bayramlardandır. Onu demək lazımdır ki, bu
bayram bu qayda ilə qorunur və çox təntənəli surətdə qeyd olunur. Bu bayram üç
gün davam edir. Sarayda olduğu kimi bəzi yerlərdə bu bayram günəş qoç bürcünə
daxil olduğu andan hesablanmaq şərtilə səkkizinci günədək davam edir. Bu bayram
Novruz, Sultaniyyə (Sultan Novruz—V. A.) adlanır. Bu da şahanə yeni il və ya
imperiya yeni ili deməkdir. Bunu novruzu həqiqi yeni ildən Səfəvi dövrünə
(təqviminə—V. A.) görə fərqləndirmək üçün edirlər. Müsəlmanların hazırkı
təqviminə görə yeni il yalançı peyğəmbər Məhəmmədin irəli sürdüyü yeni
doktrinası nəticəsində qəzəblənmiş xalqın onu parça-tikə edəcəyindən qorxub
Məkkədən qaçdığı gündən başlanır. Həmin gün bütün müsəlman aləmində yeni il
hesab olunur. Artıq qeyd etdiyim kimi Məhəmməd təqviminin yeni ili ay təqvimi
əsasındadır və Məhərrəm ayının birinci gününə düşür. Hicrət adlanan bu dövrün ilk
ayı Məhərrəmdir. Qədim təqvim günəş təqvimidir. Müsəlmanlar onu Cəmşid
təqvimi adlandırırlar. Cəmşid dördüncü fars şahı olub, yeni il bayramının ilk
yaradıcısıdır. Qeyd etmək lazımdır ki, qədim farslar gündönümü (günəşin göy
ekvatorunun ən uzaq ekliptika nöqtəsindən keçməsi vaxtı—iyunun 22-si və