34
dekabrın 22-si— V. A.) və gecə-gündüz bərabərliyi bayramlarını çox böyük
təntənə ilə qeyd edirdilər. Xüsusilə yaz gecə-gündüz bərabərliyi bayramı baharın
gəlişilə əlaqədar olduğu üçün daha yüksək təmtəraqla qeyd edilirdi. Bayram səkkiz
gün davam edirdi. Birinci gün şah xalqın
Səh.—281 xeyir-duasını qəbul edirdi. İkinci gün alimlərə, xüsusilə
astronomlara, üçüncü gün kahinlərə, dördüncü gün məhkəmə idarəsi
qulluqçularına—magistratlara, beşinci gün əyalət hakimlərinə, altıncı gün özünün
valideynlərinə, sonrakı gün ərzində isə arvadlarının valideynlərinə, öz uşaqlarına
xeyir-dua verib, onların yeni ilini təbrik edirdi. Yeni ilin təntənəli surətdə bayram
edilməsi fars (Sasani—V. A) şahlığının Məhəmmədilər tərəfindən istila edilməsinə
qədər davam etmişdir. Məhəmmədilər farsa özləri ilə bərabər yeni bir din, yeni bir
təqvim gətirmişdilər ki, həmin təqvimə görə ilin birinci günü yaz gecə-gündüz
bərabərliyinə yox, Məhərrəm adlanan qəməri ayın ilk gününə düşürdü. İlin ilk
gününü təntənəli surətdə bayram etmək ənənəsi ildən-ilə zəiflədi, nəhayət, dəbdən
düşdü. Günəş təqviminə görə yeni ilin bayram edilməsi qaydasını saxlamaq
istəmirdilər. Ölkənin əhalisi buna qarşı çıxırdı və özünün qədim atəşpərəst dinində
təkid edirdi. Xalq ilin ilk gününü günəşə həsr edilmiş dini bayram kimi keçirirdi.
Bu, Məhəmmədilərə bütpərəstlik kimi görünürdü. Məhəmmədilər həmin gün
(Novruz—V.A.) baş verən hər hansı ictimai bayram şənliyinə nifrət bəsləyirdilər.
Ay təqvimi ilə yeni ilin ilk gününün bayram edilməsi məsələsinə gəldikdə isə, bir
gün belə bayram şənliyi edə bilməzdilər. Müşahidə etdiyim kimi, Məhərrəm ayının
ilk on günü ictimai matəm günləri olduğu üçün Səfəvilərdə Əli tərəfdarlarının
şəhid olmalarını qeyd etməyə həsr edilir. Bu vəziyyət 475-ci ilədək Cəlaləddin
taxta çıxanadək davam etmişdir. Cəlaləddinin taxta çıxması yaz gecə-gündüz
bərabərliyinə düşmüşdür. Bundan istifadə edib astronomlar ondan havadarlıq
göstərməsini xahiş etdilər.
Səh.—282. Qədim təqvimə görə bunun taxta çıxması yeni ilin ilk gününə
düşdüyündən ölkənin çox uzaq keçmişindən qalma adəti təzələmək və ilin ilk
gününü bayram şənliyi ilə qeyd etmək mümkün oldu. Bu bayram müsəlman ilinin
birinci günü keçirilmək üçün nəzərdə tutulmurdu, çünki müsəlman ilinin birinci
günü matəm günü idi, həm də yeni ili din yolunda şəhidliyin təntənəsi ilə başlamaq
bədxah əlamət olardı. Bunu nəzərə aldıqda yeni il bayramını günəş ilinin ilk
gününə təyin etmək lazım gəlirdi. Bu gün həmişə bahara, ilin ən yaxşı fəslinə, hər
şeyin yenidən təzələnməsi dövrünə düşürdü. Əvəzində isə müsəlman ilinin ilk
günü ardıcıl olaraq hər bir fəslə düşə bilir, çünki o ay ilinə aiddir. Astronomlar
əlavə edib günəş ili əsasında yeni il bayramı yenidən dəbə düşərsə, onun vasitəsilə
bir sıra xüsusi şeylər bərpa etməyin mümkün olacağını demişdilər. Səfəvilərin
qədim adətinə görə illər şahların taxta çıxmasından başlanaraq hesablanırdı. Günəş
ilinin ilk günü onun taxta çıxmasının başlanğıcı ola bilərdi. Bu şahzadə
(Cəlaləddin—V. A.) təklifi öz zövqünə uyğun hesab edib, qədim şahanə yeni il
35
bayramını yenidən bərpa etdi. O vaxtdan yeni il bayramı çox təntənəli və mühitə
uyğunlaşdırılmış şəkildə keçirilir.
Dediyim kimi, yeni il bayramının xalqa artilleriya və muşket (olan yerlərdə)
atəşləri ilə xəbər verirlər. Paytaxtda və böyük şəhərlərdə belə olur. Bayram paltarı
geymiş münəccimlər şah sarayına və ya yerli hakimlərin iqamətgahına gedirlər.
Gecə-gündüz bərabərliyi anını müşahidə etmək üçün ora bir-iki saat əvvəl gəlirlər.
Onlar gecə-gündüz bərabərliyini yastı damlarda və ya meydançada üstürlab
vasitəsilə təyin edirlər. Onlar işarə edən kimi, Səh.—283. yaylım atəşləri açılır.
Musiqi alətləri — nağaralar, şeypurlar səsləndirilir. Krallığın zəngin ailələrində və
bütün böyüklərin evlərində məclislər keçirilib, şadyanalıq edilir, mahnılar oxunur.
İsfahanda şah sarayı qarşısında bütün bayram günləri ərzində musiqi çalınır, rəqs
edirlər, tonqal qalayırlar, məzhəkə göstərirlər. Yarmarkada olduğu kimi hər kəs bu
səkkiz günü təsvirə gəlməyəcək bir şadyanalıqla keçirir. Farslar başqa adlarla
yanaşı bu bayramı «təzə paltar bayramı» adlandırırlar, çünki elə bir kasıb, elə bir
yoxsul adam yoxdur ki, təzə paltar geyməmiş olsun. İmkanlı adamlar bütün
bayram günləri təzə paltar geyirlər. Bu, sarayı görmək üçün ən əlverişli vaxtdır. Bu
zaman saray başqa vaxtlarda olduğundan daha təmtəraqlı və daha yaraşıqlı olur.
Daha çox gözəlləşən və daha çox zəngin görünən saraya baxmaq üçün hamı həsəd
çəkir. Şəhər kənarında, müxtəlif yerlərdə səkkiz günün səkkizində də gəzinti təşkil
edilir, orada sözün əsl mənasında böyük müsabiqə keçirilir. Hamı bir-birinə
hədiyyələr göndərir, bayram başlanandan bəri bir-birinə boyanmış və qızıl suyuna
çəkilmiş yumurtalar göndərirlər. Elə yumurtalar olur ki, pula çevirəndə qiyməti üç
qızıl dükata qədər olur. Şah sarayda yaşayan əsas xanımlara (baş hərəmlərə—V.
A.) yaraşıqlı tərəzi gözlərində təxminən beş yüz bu cür yumurta göndərir. Mən bu
barədə məlumat vermişəm. Yumurta qızıl suyuna çəkilir. Yumurtanın hər tərəfində
çox incə şəkildə işlənmiş dörd təsvir və ya miniatür olur. Deyirlər ki, ilin bütün
fəsillərində farslar bir-birinə yeni ildə olduğu kimi belə yumurta verirlər, çünki
yumurta şeylərin mənşə və başlanğıcını bildirir. İnanmaq olmur ki, bayram ərəfə
Səh.- 284 sində bu qədər yumurta satıla bilər. Gecə-gündüz bərabərliyi ana
keçəndən sonra böyüklər (yüksək vəzifəli şəxslər — V. A.) şahın yeni ilini təbrik
etməyə gəlirlər. Şah mümkün olan tərzdə məharətlə bəzədilmiş, daş-qaş içində
bərq vuran tacını və ya şahanə araqçını — baş örtüyünü başına qoymuş olur. Hər
kəs öz hədiyyəsini ona təqdim edir. Bu hədiyyələr cavahiratdan, qaş-daşdan,
parçadan, ətriyyatdan, nadir tapılan şeylərdən, atdan, gümüşdən ibarət olur. Hər
kəs öz qulluğuna uyğun, var-dövlətinə uyğun hədiyyə verir. Əksəriyyət hədiyyə
olaraq, qızıl verirlər. Buna görə üzr istəyib əlahəzrətin qarderobuna daxil olmaq
üçün (üst başına—V. A.) kifayət qədər layiqli olsun deyə dünyada bundan yaxşı bir
şey tapmadıqlarını bildirirlər. Adətən bu zaman şaha beş yüz dükatdan dörd min
dükata qədər verirlər. Əyalətlərdə qulluq edən böyüklər şaha öz təbriklərini və
hədiyyələrini çatdırırlar. Heç kəs bundan qaça bilməz. Həm də bu ilki yeni il
hədiyyəsi əvvəlki illərdəkindən artıq olmalıdır. Bu minvalla şah yeni il bayramında