Kamran Ялийев
_____________________________________
240
H.CAVİDİN «AFƏT» FACİƏSİ HAQQINDA
QİYMƏTLİ ARAŞDIRMA
Azərbaycan ədəbiyyatının elə görkəmli şəxsiyyətləri var-
dır ki, onların həyat və yaradıcılığı bütün ədəbiyyatşünas nəsil-
ləri tərəfindən öyrənilir və bundan sonra da öyrəniləcəkdir. Be-
lə şəxsiyyətərə nünunə kimi XX əsr Azərbaycan romantizminin
klassiki, şair və dramaturq Hüseyn Cavidi göstərmək olar. Bu
mənada Cavidə Məmmədlinin «H.Cavidin «Afət» faciəsi» adlı
monoqrafiyasına (Bakı, Nurlan, 2007) təbii baxmaq lazımdır.
Bəri başdan belə bir məsələyə aydınlıq gətirmək istə-
yirəm ki, ədəbiyyatın ümumi problemlərinin tədqiqi müəyyən
spesifik cəhətləri ilə fərqləndiyi kimi, hər hansı ayrıca götürül-
müş bir əsərin elmi təhlili də özünəməxsus xüsusiyyətləri ilə
diqqəti cəlb edir. Başqa sözlə, həm ümumi ədəbi-nəzəri' prob-
lemlərin, həm də bir əsərin geniş elmi tədqiqi, şübhəsiz, müəy-
yən çətinliklərlə bağlıdır. Ona görə də müəllifin bir əsərə – yal-
nız «Afət» pyesinə müraciətini elmdə sadə və hamar yol kimi
qəbul etmək kökündən yanlış olardı.
Digər tərəfdən H.Cavidin mənsub olduğu romantik bədii
metod, onun yaradıcılığının ideya tutumu və poetika-sənətkar-
lıq məziyyətləri əsərlərinin də tək-tək öyrəniməsini artıq müs-
bət bir ənənyə çevirmişdir. Xatırladaq ki, şair-dramaturqun
«Şeyx Sənan», «İblis» «Peyğəmbər», «Topal Teymur», «Xəy-
yam» kimi pyeslərinə ayrıca elmi əsərlər həsr edilmisdir. Bütün
bu dediklərimiz Cavidə Məmmədlinin «H.Cavidin «Afət» fa-
ciəsi» monoqrafiyasının yazılma şərtləri və məqsədləri barədə
tam təsəvvür yaradır.
Kitabın «Hüseyn Cavidin «Afət» əsərində qadın və cə-
miyyət probleminin bədii təcəssümü» adlanan birinci fəslinin
________________ Ədəbiyyatşünaslıq və ədəbiyyatşünaslar
241
əvvəli məsələnin qoyuluşuna həsr edilmişdir. Tədqiqatçı bura-
da H.Cavid yaradıcılığına və ümumiyyətlə, ədəbiyyatda qadın
məsələsinə toxunur, dramaturqun öz fantaziyasında və əsərlə-
rində yaratdığı ideal İnsan obrazının xüsusiyyətlərini araşdırır,
insanın bütün müsbət və mənfi cəhətləri ilə birgə bədii təqdimi-
nin mənzərəsini aydınlaşdırır, qadın hüququ və hüquqsuzluğu-
nun reallıqlarını təhlildən keçirir. Burada daha geniş planda gö-
türülərək qadının əxlaqi saflıq, ana, vətəndaş mövqeyi qabardı-
lır və işıqlandırılır.
Müəllif konkret faktlar və dəlillərlə «Afət» əsərinin yazıl-
ma tarixini dəqiqləşdirir, pyesin müxləlif dövrlərdəki nəşrləri-
ni, çap zamanı qorunub saxlanılmış, yaxud da dəyişdirilmiş
məqamlarını diqqətə çatdırır. Səhnə taleyindən bəhs etdikdə isə
tamaşaların göstərildiyi illərin xronologiyasına üstünlük verir
və fərqli xüsusiyyətləri dəyərləndirir. Məlum olur ki, «Afət»
pyesi ötən əsrin 20-ci illlərində, 1982-ci ildə - H.Cavidin ana-
dan olmasının 100 illiyi keçirilən vaxt və 2003-cü ildə - drama-
turqun 120 illik yubileyinin qeyd edildiyi dövrdə müxtəlif rejis-
sorların quruluşunda səhnələşdirilmişdir. Təqdirəlayiq cəhətdir
ki, C.Məmmədli sadəcə olaraq onların adını çəkmir, eyni za-
manda, əldə etdiyi materiallar əsasında bu tamaşaların xüsusiy-
yətlərinin şərhini verir.
Tədqiqatçı əsərin janrı və süjet xətti barədə də obyektiv
mülahizələr irəli sürür. Pyesin faciə janrının tələblərinə cavab
verməsini onun ideya-bədii məziyyətlərinə və strukturuna görə
səciyyələndirir.
Birinci fəslin digər bölmələri bilavasitə romantik qəhrə-
man probleminə həsr edilmişdir. Burada romantik qəhrəman və
mühit, romantik qəhrəmanın ziddiyyətləri, Afət obrazının fa-
ciəsindəki aldanış məqamı, Afətin digər romantik qadın obraz-
ları ilə müqayisəsi aparıcı yer tutur.
Kamran Ялийев
_____________________________________
242
C.Məmmədli Afətin bir romantik qəhrəman kimi daxili
sarsıntılarını və təbəddülatlarını, fəal mübarizəsini, ziddiyyətlə-
rini yalnız onun dialoqları və hərəkətləri çərçivəsində izah et-
məklə məhdudiyyət yaratmır, eyni zamanda, pyesdəki digər
obrazlarla, hətta H.Cavid yaradıcılığının digər qadın qəhrəman-
ları ilə müqayisədə aşkarlayır. Beləliklə, tədqiqatçının çıxardığı
nəticələr öz elmiliyi ilə seçilir və fərqlənir. Müəllif yazır: «İn-
diyə qədər Azərbaycan ədəbiyyatında yaradılmış hüququ tap-
danan qadın obrazlarından fərqli olaraq Afət «yazıq», «aciz»,
və «qorxaq» deyil» (s.37). Yaxud: «Afətin növbəti bədbəxtliyi
və faciəsi buradan - məhz Qaratayı sevməsindən başlayır»
(s.54). Və yaxud: «Əgər Afət Özdəmirdən təhqir olunmuş mən-
liyinin intiqamını alırsa, Qarataydan artıq ləkələnmiş mənliyi-
nin intiqamını alır» (s.60). Bütün bunlar əsəri diqqətlə və dəfə-
lərlə oxuyan, H.Cavid romantizmini lazımi səviyyədə dərk
edən, müəyyən ədəbiyyatşünaslıq səviyyəsi qazanan tədqiqatçı-
nın elmi nəticələri ola bilər.
Monoqrafiyanın ikinci fəsli «Hüseyn Cavidin «Afət» əsə-
rində insanın özünüdərki və mənəvi azadlıq probleminin bədii ini-
kası» adlanır. Adından da göründüyü kimi bu fəsil olmasaydı,
pyesin mahiyyəti və ifadə etdiyi ideya gücü kifayət qədər görün-
məyə bilərdi. Məsələ burasındadır ki, daha geniş planda götürül-
müş özünüdərk və mənəvi azadlıq probemi romantizmin ən doğ-
ma və qabarıq məsələlərindəndir. Bir az da başqa cür yanaşsaq
romantizmi onlardan kənarda təsəvvür etmək mümkün deyildir.
C.Məmmədli təhlillər zamanı belə bir nəticəyə gəlir ki,
H.Cavidin «Ana» pyesində Səlma ana oğlunun qatilini bağışla-
ya bilir və bu da bir müdriklikdir, orijinal düşüncə tərzidir. Ək-
sinə, Afət bağışlamağı bacarmır, çünki bu, mümkün deyil. Ya-
xud «Uçurum» pyesində olan Gövərçin Cəlalın onu atıb get-
məsi ilə razılaşmaq məcburiyyətindədir və məsum bir obraza
Dostları ilə paylaş: |