Kamran Ялийев
_____________________________________
250
Artıq mübahisəsiz elmi fikirdir ki, folklorşünaslıq şifahi
xalq ədəbiyyatı nümunələrinin toplanması və nəşrindən baş-
layır. Monoqrafiya müəllifi də öz tədqiqatında Y.Vəzirin «Bü-
tün mühərrirlərimiz yazmağa başlamazdan əvvəl xalq ədəbiy-
yatını toplayıb öyrənməlidirlər» tezisinin şərhini verir, yazıçı-
nın folklor nümunələri əsasında hazırladığı «El güzgüsü» kita-
bını yüksək qiymətləndirərək, bu əsərə folklor antologiyası sə-
viyyəsindən baxır.
Y.V.Çəmənzəminli elmi yaradıcılığının əsas hissəsini
folklorun tədqiqinə həsr etmiş, «Azərbaycan ədəbiyyatına bir
nəzər» əsərində və bir çox məqalələrində folklorun nəzəri prob-
lemlərinə münasibətini bildirmişdir. Həmin məqalələrdən biri
olan «Azərbaycan nağıllarının əhvali-ruhiyyəsi» adlı məqalə
monoqrafiyada düzgün olaraq, «elmi cəhətdən təkcə Çəmənzə-
minlinin tədqiqatında deyil, Azərbaycan folklorşünaslığı tari-
xində mühüm bir mərhələ kimi təqdir» edilir.
B.Abdullayevin tədqiqatının ən ciddi xarakteri onunla
müəyyənləşir ki, alim Y.Vəzirin Azərbaycan folklorşünaslığın-
da yerini və mövqeyini müəyyənləşdirməyi əsas məqsədə çe-
virmişdir. Belə ki, bütün axtarışların müxtəlif istiqamətli olma-
sına baxmayaraq, yekun və nəticə kimi yazıçının vətəndaşlıq
xidməti diqqət mərkəzinə gətirilir və faktlarla sübut olunur. Bu
mənada «Folklorumuzun bəzi nümunələrini, adət-ənənələrimizi
tədqiq nəticəsi olaraq «Avesta» ilə əlaqələndirən ilk alim Çə-
mənzəminli olmuşdur» fikrinin elmi dəyəri müəllif axtarışları-
nın səmərəli, dəqiq ölçüsünü təsdiq edir. Yalnız hər hansı prob-
lem baxımından deyil, həmçinin ayrı-ayrı mövzularla bağlı təh-
lillərdə də Çəmənzəminlinin ilkinliyi inandırıcı hökmlərlə
səciyyələndirilir. Məlum olur ki, div surəti barədə, rəqəmlərin
folklor nümunələrinin açılışında təsəvvür yaratması haqqında
mülahizələr də Y.Vəzirdən başlanır. Monoqrafiya müəllifi ya-
________________ Ədəbiyyatşünaslıq və ədəbiyyatşünaslar
251
zıçının folklor nümunələri ilə həmin nümunələrin mənsub ol-
duğu xalqın mədəniyyəti, məişəti arasındakı əlaqələri müəy-
yənləşdirməsini təqdim və təqdir edir.
Xalq yaradıcılığı nümunələrinin bir hissəsi zaman və mə-
kana tabe olmayan, yaxud az tabe olan, başqa sözlə, konkret
zaman və konkret məkan çərçivəsinə sığışmayan nümunələrdir.
Belə gəzəri süjetli nağıllara daha çox rast gəlmək olur ki,
bunlar barədə Y.Vəzir öz mülahizələrini söyləmiş, fikirlərini
müasirləri ilə bölüşmüş və tədqiqatçı da həmin məsələlərə qa-
yıdıb onları şifahi xalq ədəbiyyatında bəşəri motivlər səviyyə-
sindən təhlil etməyi vacib hesab etmişdir.
Y.V.Çəmənzəminli kimi məşhur folklorşünas Qərbi Av-
ropa folklor nəzəriyyələrindən xəbərdar olmaya bilməzdi. Mo-
noqrafiyada da məhz belə bir aydınlıq vardır ki, bu gün adını
tez-tez çəkdiyimiz və eşitdiyimiz, folklora dair dərsliklərdə və
elmi ədəbiyyatda oxuduğumuz Avropa folklorşünaslığı nüma-
yəndələri barədə Y.Vəzir də vaxtilə danışmış və müəyyən məq-
sədlər güdmüşdür. Belə ki, Y.Vəzir bu işdə bir tərəfdən Avropa
folklorşünaslığının səviyyəsi ilə tanışlıq arzusunu həyata keçir-
mək istəmişdirsə, digər tərəfdən də həmin nəzəriyyələrə müna-
sibətdə Azərbaycan folklorunun müsbət tərəflərini arayıb-ax-
tarmaq məqsədini izləmişdir.
Yazıçı ayrı-ayrı folklor janrları barədə də danışmış, onla-
rın ideya xüsusiyyətlərini araşdırmışdır. O, öz tədqiqlərində na-
ğılların toplanma üsullarını şərh etmiş, onların təsnifatını verə-
rək məzmun və fəlsəfi ideyalarının istiqamətini müəyyənləşdir-
mişdir. «Yazın gəlməsi ilə əlaqədar icra olnan mərasim» - Nov-
ruz bayramı haqqında, vəsfi-hal, ağı, sayaçı sözlər barəsində
ayrıca bəhs etmiş və bugünkü oxucu üçün köhnəlməyən fikirlər
söyləmişdir. Tədqiqatçı Y.V.Çəmənzəminli irsindəki bu məsə-
lələri yalnız tapıb ortaya çıxartmaq məhdudluğunda qalmamış-
Kamran Ялийев
_____________________________________
252
dır, həm də yazıçının elmi mühakimələrinin, axtarış üsullarının
mənalılığını və daha çox xəlqi mahiyyətini açıb göstərmişdir.
Monoqrafiyada Y.V.Çəmənzəminlinin bədii əsərlərində
şifahi xalq ədəbiyyatından istifadə məsələlərinin şərhi yazıçının
folklora dair baxışlar sistemi ilə bağlı məzmun daşıyır. Tama-
milə təbii səslənir ki, Y.Vəzir yalnız nəzəri baxımdan deyil,
həmçinin öz bədii təcrübəsində də şifahi xalq ədəbiyyatı ilə
bilavasitə təmasda olmuşdur. Onun «Qan içində», «Qızlar bu-
lağı» əsərlərində, bir çox hekayələrində folklor ənənələri mü-
hüm yer tutmuş və bunlar yazıçının bədii irsini xeyli zənginləş-
dirmişdir.
«Avesta» motivləri «Qızlar bulağı» əsərinin əsas məzmu-
nunu, ideya istiqamətini təşkil edir. Həm də təqdirəlayiqdir ki,
yazıçı «Avesta»dakı hadisə və əhvalatlara tənqidi yanaşmış və
tədqiqatçının dediyi kimi, «o, Zərdüşt qanununca kişinin bacısı
və qızı ilə evlənməsi adətini qətiyyətlə pisləmiş və bunun zə-
rərli cəhətlərini elmi-bədii şəkildə izah etmişdir». «Qan içində»
romanında isə müşahidə olunan «Gültəkin əfsanəsi» motivləri
monoqrafiyada öz elmi təhlilini tarixin ən qədim süjetinə söy-
kənmək məziyyətində tapmışdır.
Xarakterik cəhətdir ki, tədqiqatçı Y.V.Çəmənzəminlinin
folklordan istifadəsini ayrı-ayrı bədii əsərlər üzrə deyil, müasir
folklorşünaslığın tələblərinə uyğun gələn nəzəri problemlər
əsasında araşdırmışdır. Bununla da folklordan qidalanmanın
aydın mənzərəsi yaradılmış, yazıçının şifahi xalq ədəbiyyatının
müəyyən bir hadisəsini bir neçə bədii əsərdə necə inikas etdir-
diyi üsulları meydana çıxarılmışdır. Belə ki, toy mərasiminin
ümumi əhvali-ruhiyyəsi «Toy» hekayəsində, qab sındırma adə-
ti «Qızlar bulağı» əsərində öz bədii həllini tapmışdır. Tədqiqat-
çı bu məsələlərin şərhində ayrı-ayrı faktlara, predmetlərə «fərdi
yanaşma» üsulunu daha müqabil təhlil metodu kimi seçmiş və
Dostları ilə paylaş: |