Kamran Ялийев
_____________________________________
246
Kitabda qarşıya qoyulmuş problemin araşdırılması ya-
rımçıq və natamam şəkildə saxlanılmır. Əksinə, müəyyən bir
məsələnin təfərrüatı ilə öyrənilməsinə daha çox səy göstərilir.
Həmçinin qeyd edək ki, əsərdə çoxlu faktlar əsasında irəli
sürülmüş tezis və müddəalar Azərbaycan xalqının mifologiya-
sının geniş araşdırılması üçün də yeni perspektivlər açır. Bu
mənada M. Seyidov göstərir ki, «Xıdır mifoloji obrazının ərəb
dünyası ilə bağlılığı elmi subut olmadan söylənən, sadəcə ola-
raq sadalanan bir fikirdir». Doğurdan da, Xıdır və Qorqut
adlarının tərkibindəki xıd (-xut) (kyt) sözü altayların Kuday
tanrısının (bu söz «xuda» şəklində İran dillərinə də keçmişdir),
həmçinin azərbaycanlıların Kudu – Qodu günəş tanrısının da
adında iştirak edir. İslam dini - ərəb dünyası isə özündən əvvəl-
ki tanrıları məhv edə bilmədikdə onları peyğəmbərə çevirərmiş.
Belə ki, yəhudilərin Yahve tanrısı Yəhya peyğəmbərə çevril-
diyi kimi, görünür, türkdilli xalqların Xıdır tanrısını da ərəblər
Xıdır peyğəmbərə döndərmişlər.
Kitabda yalnız miflərdən deyil, ayrı-ayrı tayfalardan da
geniş bəhs açılır. Belə ki, Azərbaycanın qədim türkdilli tayfala-
rı – buntürk, basil, xaylandurq, xəzər və sair haqqında qiymətli
məlumatlar verilir. Müəllif bu tayfalardan bəhs edən qədim
yazılı qaynaqları diqqətlə incələmiş və Azərbaycan tarixi üçün
mühüm nəticələr çıxarmışdır. Mirəli müəllimin bunturk, basil,
xaylandurq və s. sözlərin mənşəyinə dair fikirləri öz orijinallığı
və inandırıcılığı ilə diqqəti cəlb edir.
Qiymətli tarixi linqvistik araşdırmalardan sonra müəllif
həmin türkdilli tayfaların, xüsusən də hunların mifolojisi üzə-
rində dayanır, qədim yazılı qaynaqlara söykənərək tanqrixan,
Quar – Küər, Uğur kimi tanrılardan və bir sıra inamlardan (od,
ağac, su və s.) ətraflı şəkildə bəhs edir. Yol tanrısı Uğurun Ön
Asiya və Kiçik Asiya xalqları ilə əlaqəsinə dair araşdırmalar
________________ Ədəbiyyatşünaslıq və ədəbiyyatşünaslar
247
isə çox böyük elmi əhəmiyyətə malikdir.
Professor M. Seyidov ağır zəhmət bahasına əldə etdiyi
zəngin faktlara söykənərək oğuzların mifoloji inamları, Oğuz
kaqan, onun qadınları və s. haqqında ümumtürk mifologiyası
üçün uğur sayıla biləcək maraqlı mülahizələr söyləmişdir. Bu-
rada başqa xalqların mifolojisi ilə yerinə düşən tipoloji tutuş-
durmalar aparması müəllifin mülahizələrinin elmi dəyərini da-
ha da artırır.
«Xalq yaradıcılığını və onunla sıx bağlı olan mifoloji gö-
rüşü yaradan...» sənətkarlardan birinə - Varsağa və «Varsaq sə-
nətinin mifik təfəkkürlə əlaqəsi»nə həsr edilmiş səhifələr ali-
min tədqiqatlarının yeni xarakteri barədə tam təsəvvür yaradır.
Varsaq – ozan – yanşaq sənəti ilə qam – şaman sənəti arasında-
kı yaxınlıq, doğmalıq o qədər tutarlı, dəqiq şəkildə izah olunur
ki, oxucu buna inanmaya bilmir.
M.Seyidovun «Azərbaycan mifik təfəkkürünün qaynaqla-
rı» əsərində yalnız ayrı-ayrı sözlər, obrazlar, miflər təhlil olun-
mur. Kitabın ən başlıca keyfiyyətlərindən biri budur ki, alim
mifoloji tədqiqatların prinsip və metodlarını, miflərə elmi ya-
naşmanın üsullarını göstərir. M. Seyidovun təhlilləri yalnız sö-
zün fonetik dəyişməsi, yaxud bir ifadənin digər türkdilli xalq-
ların lüğət tərkibində qorunub saxlanması və onların müqayisə
məqamına gətirilməsi ilə məhdudlaşmır. Müəyyən bir proble-
min açılışında hərf və söz, nağıl və dastan sujeti, kiçik bir naxış
və qab-qacaq bəzəyi eyni dərəcədə əhəmiyyətli rol oynayır.
Müəllif Təpəgözün məğlub edilməməsinin əsatiri səbəbini ax-
tarır və tapır. Dirilik suyu arxasınca gedən İskəndər və Xıdırı
müqayisə etməklə mifoloji obrazın səciyyəvi keyfiyyətini mü-
əyyənləşdirir. «Öləng» sözünün yaşıllıq ilahəsindən başqa di-
gər mənalarını da göstərməklə bu obrazın çeşidli xarakterini
meydana çıxarır.
Kamran Ялийев
_____________________________________
248
«Azərbaycan mifik təfəkkürünün qaynaqları» kitabında
araşdırılan bütün məsələlər haqqında danışmaq, şübhəsiz ki,
imkan xaricindədir. Ancaq bizim qısaca toxunduqlarımız da su-
but edir ki, Mirəli müəllim nə qədər fundamental problemlərin
həllinə girişmiş və çox zaman da buna nail olmuşdur.
Professor Mirəli Seyidovun «Azərbaycan mifik təfəkkü-
rünün qaynaqları» kitabı nəinki, mifolojimizin qaynaqları, bü-
tövlükdə mifologiyamızın özü haqqında qiymətli və böyük el-
mi dəyərə malik bir əsərdir. Şübhəsiz ki, bu əsər Azərbaycanda
mifologiyaya marağı xeyli artıracaq və Mirəli müəllimin bir
çox ardıcıllarının yetişməsinə səbəb olacaqdır.
1983
________________ Ədəbiyyatşünaslıq və ədəbiyyatşünaslar
249
YAZIÇI VƏ FOLKLOR PROBLEM
Folkloru tədqiq etmək, şifahi xalq ədəbiyyatı nümunələri-
nə dair fikir söyləmək – klassik irsin, zəngin ənənənin öyrənil-
məsi deməkdir. Bu öyrənilmə müxtəlif mövzular, problemlər,
metodlar, formalarla mümkün olduğu kimi, onun təsirləri də
səviyyə etibarilə cürbəcür ola bilər. Ona görə də hər hansı
xalqın mənsub olduğu folklora diqqətlə yanaşmaq, bu sahədəki
axtarışları düzgün istiqamətləndirmək, elmi nəticələrə obyek-
tivlik xarakteri vermək mühüm vəzifədir. Belə məsələlərin yax-
şı mənada həlli filologiya elmləri namizədi Bəhlul Abdullaye-
vin «Yusif Vəzir Çəmənzəminli və folklor» monoqrafiyasında
(«Elm» nəşriyyatı, Bakı, 1981; redaktoru M.H.Təhmasibdir) öz
ifadəsini tapmışdır.
Tədqiqat və təhlillər iki istiqamətdə aparılmış, bir tərəf-
dən «Y.V.Çəmənzəminli və folklorşünaslıq» mövzusu, digər
tərəfdən də «Y.V.Çəmənzəminlinin bədii əsərlərində şifahi
xalq ədəbiyyatından istifadə məsələləri» öyrənilərək qoyulan
məsələlər barədə elmi-nəzəri fikir yaradılmışdır.
Monoqrafiya belə bir təminat verir ki, tədqiqatçının əsas
məqsədi yazıçı və folklor problemi üzərində cəmləşmiş və bu
problemin işığı XX əsrin məşhur ədib və alimi Yusif Vəzir
Çəmənzəminlinin yaradıcılığı üzərinə düşmüşdür. Lakin o da
aydın olmalıdır ki, tədqiqatın başlanğıcında müəllif həmin
problemin həlli üçün yazıçı yaradıcılığı (material) axtarmamış,
əksinə belə bir problemin təhlilinə girişmək təsəvvürü Yusif
Vəzir yaradıcılığına müraciətin ilk günlərindən yaranmışdır.
Çünki yazıçının folklora dair nəzəri fikir və mülahizələri, müa-
sir dövrümüz üçün köhnəlməyən elmi baxışları və onun bədii
əsərlərinin folklor nümunələrinə söykənməsi tədqiqatçı qarşı-
sında geniş üfüqlər açmışdır.
Dostları ilə paylaş: |