Kamran Ялийев
_____________________________________
256
Folklor nümunəsinin fakt göstəricisi onun qələmi ilə bədii mət-
nin həqiqi mahiyyətini üzə çıxaran poetika vahidinə çevrildi.
Beləliklə, folklorşünaslığımızda elmi yanaşmanın da konturları
dəyişdi və yeniləşdi. M.Cəfərli "Azərbaycan məhəbbət dastan-
larının poetikası" adlı fundamental bir araşdırmanı uzun illərin
gərgin axtarışlarının nəticəsi kimi meydana çıxardı və bu tədqi-
qat folklorşünaslığımızın nailiyyəti oldu.
Müəllif bu tədqiqatında özündən əvvəlki araşdırmalardan
fərqli olaraq, məhəbbət dastanlarının quruluşunu öyrəndi və bu
strukturun özünəməxsusluqlarını ortaya çıxardı. Sübut etdi ki,
məhəbbət dastanları yalnız mövzusuna, eşq-məhəbbət macəra-
larına həsr edilməsinə, insanları həmişə riqqətə gətirən sevgi
duyğularının poetik inikasına görə deyil, həmçinin və bunlar-
dan daha artıq dərəcədə bədii quruluşuna görə folklorun digər
janrlarından və xüsusən də qəhrəmanlıq dastanlarından fərqlə-
nir. Beləliklə, M.Cəfərli folklor müstəvisində məhəbbət dastan-
ları ilə bağlı fərqi adda, mövzuda deyil, bədii mətnin qurulu-
şunda axtarıb tapdı. Bununla da məhəbbət dastanlarına yeni nə-
fəs və yeni həyat verildi.
Əslinə qalsa, tədqiqatçının məhəbbət dastanlarının
obrazlarına olan münasibəti də fərqli idi. Qəhrəmanın möcüzəli
doğuluşu, nəzir-niyazla dünyaya gəlməsi, öz sevgilisi uğrunda
mübarizə apararaq maneələri dəf etməsi, haqq aşığına çevril-
məsi kimi məqamlar bu dastanları digər poetik nümunələrdən
fərqləndirməyin əlamətləri kimi açıqlanır.
Azərbaycan məhəbbət dastanlarına istinadən dastan
şeirinin və onun poetik-üslubi özəlliklərinin öyrənilməsi isə
müəllifi bir nəzəriyyəçi alim kimi təqdir etməyə imkan verir.
Uğurlu cəhətdir ki, tədqiqatçı alim dastan şeirinə əlahiddə gö-
türülmüş nümunələr kimi deyil, dastanın strukturunun ayrılmaz
bir vahidi kimi yanaşır və beləliklə də, məhəbbət dastanı alim
________________ Ədəbiyyatşünaslıq və ədəbiyyatşünaslar
257
və oxucu yaddaşına bütöv bir orqanizm kimi hopur.
Bizim ədəbi-elmi fikirdə belə bir yanlış meyl də vardır
ki, çoxları elm qarşısında öz borcunu və xidmətini iki tədqiqat
əsəri – namizədlik və doktorluq dissertasiyası yazmaqla bitmiş
hesab edirlər. Bəlkə çap işinin kifayət qədər çətin və problemli
olduğu illərdə bunu təbii qəbul etmək olardı. Lakin yeni dövrdə
alim ömrünün yalnız iki əsas tədqiqatla məhdudlaşması elə də
ürəkaçan deyil. Folklorşünaslığımızda bu stereotipi dağıdanlar-
dan biri də məhz M.Cəfərli olmuşdur. Belə ki, onun "Dastan və
mif» kitabı yeni istiqamətli bir tədqiqat kimi nəinki respublika-
mızda, hətta respublikamızın sərhədlərindən kənarda da layi-
qincə dəyərləndirilmiş, hətta Təbrizdə çap olunmuşdur.
Bu araşdırma həm dastana, həm də mifə yeni bucaqdan
yanaşmanın nəticəsi kimi meydana çıxmışdır. Bizdə mifik
təfəkkürlə bağlı araşdırmalar nə qədər geniş intişar tapsa da,
həmişə bu sahənin öyrənilməsinə ehtiyac olmuşdur. Ona görə
də M.Cəfərlinin tədqiqatı bir tərəfdən həmin ehtiyacın ödənil-
məsinə yönəlmişdirsə, digər tərəfdən də dastan və mif münasi-
bətlərinə müəyyən qədər aydınlıq gətirməyə, bu məsələnin üs-
tünə işıq salmağa şərait yaranmışdır.
M.Cəfərli Azərbaycan folklorşünaslığının aktual prob-
lemlərinə öz münasibətini yalnız kitab və monoqrafiyalar vasi-
təsilə deyil, eyni zamanda konfrans və simpoziumlarda olan çı-
xışları və məruzələri, ölkəmizdə və xaricdə müxtəlif mətbuat
orqanlarında çap edilən məqalələri ilə də bildirir. Əslində mə-
ruzə və məqalə janrları tədqiqatçı üçün folklorun həyati məna
kəsb edən məsələləri barədə operativ və çevik münasibət bildir-
mək imkanını gerçəkləşdirir ki, M.Cəfərli bu imkandan həmişə
səmərəli şəkildə istifadə etmiş və istifadə etməkdədir.
Məhərrəm Cəfərlinin Azərbaycan ədəbiyyatşünaslıq və
folklorşünaslığının görkəmli şəxsiyyətləri haqqında sayılıb-se-
Kamran Ялийев
_____________________________________
258
çilən məqalələr yazması da, şifahi xalq ədəbiyyatı nümunələri-
ni toplayıb çap etdirməsi də onun elmi fəaliyyətinin tərkib his-
səsidir. Bu baxımdan akademik Məmməd Cəfər, Azərbaycan
MEA-nın müxbir üzvü Abbas Zamanov, professor Məmməd-
hüseyn Təhmasib haqqındakı yazıları (M.Təhmasib həm də
onun elmi rəhbəri olmuşdur), filologiya elmləri namizəd Oruc
Əliyevlə birlikdə tərtib və nəşr etdirdiyi M.Təhmasibin "Məqa-
lələr" kitabı və Naxçıvan folklor nümunələrini ardıcıl olaraq
toplanması, nəşri onun bir elm adamı kimi tanınmağına da əsas
verən ciddi faktlardır.
Hamisi folklor olan Məhərrəm Cəfərli indi Azərbaycan
folklorşünaslığının tanınmış simalarından biridir. Hər yeni təd-
qiqatı folklorşünaslıq üçün yeni bir fakta çevrilən M.Cəfərlinin
araşdırmaları həmişə olduğu kimi, bundan sonra da öz aktuallı-
ğını və müasirliyini qoruyub saxlayacaqdır.
2006
________________ Ədəbiyyatşünaslıq və ədəbiyyatşünaslar
259
«AZƏRBAYCAN MƏHƏBBƏT
DASTANLARININ POETİKASI»
Azərbaycan folklorunun zəngin tarixi və əvəzedilməz
nümunələri vardır. Bu tarix və bu nümunələr xalqın yaddaşında
əbədi yaşamaqla bərabər, həmişə insanların həyata və dünyaya
münasibətinin formalaşmasında mühüm rol oynamışdır. Çünki
hər hansı bir janrda yaranan folklor nümunəsi bir ayın, bir ilin
nəticəsi yox, uzun əsrlərin bəhrəsidir. Həmin bəhrə isə əsrlər
boyu adamların gərəyi olur, onların mənəvi-əxlaqi kamilliyinin
formalaşmasında mühüm vasitəyə çevrilir.
Məlumdur ki, folklor nümunələrinə tez-tez qayıtmaq, on-
ları elmi baxımdan izah və şərh etmək həmişə zəruri və aktual
olmuşdur. Bu mənada folklora dair kitabları və məqalələri ilə
ədəbi-elmi ictimaiyyətə yaxşı tanış olan filologiya elmləri na-
mizədi Məhərrəm Cəfərlinin yenicə nəşr olunmuş «Azərbaycan
məhəbbət dastanlarının poetikası» (Bakı, «Elm», 2000) kitabı
diqqəti xüsusilə cəlb edir. Folklorşünas alim məhəbbət dastan-
larının poetikasını həmin dastanların quruluşunun tədqiqi ilə
başlayır. Müəllif folklorun ideoloji və estetik funksiyalarının
həmişə aparıcılığını nəzərə alır. O eyni zamanda həmin funksi-
yaların məhəbbət dastanlarının quruluş komponentləri ilə nə
dərəcədə əlaqədar olduğunu aşkara çıxarır. Müəllifin gəldiyi
ciddi nəticələrdən biri budur ki, məhəbbət dastanlarının qurulu-
şunun tədqiqi ona vahid orqanizm kimi, yəni bütöv bir mətn ki-
mi yanaşmanı tələb edir. Bu cür yanaşma məhəbbət dastanları-
nın əvvəlində verilən ustadnamələrin də, sonda verilən duvaq-
qapmaların da dastanın strukturu ilə tam əlaqəliliyini sübut et-
miş olur.
M.Cəfərlinin «Azərbaycan məhəbbət dastanlarının poeti-
Dostları ilə paylaş: |