Dədə Qorqud ● 2015/I 86
kimi sadə, lakin sadə olduğu qədər də mübariz və xalq hikməti ilə dolu, içi
böyüklüyə, milli duyğuya hesablanmış obrazlar yaratmağa üstünlük verir. Kollu
Koxa bütün müstəvilərdə yazıçı məramının ifadəsinə, fikir daşıyıcısına çevrilir.
Özünün funksiyası ilə Qılınc Qurban, Cavanşir qədər mühitə gərəkli olduğunu
göstərir. Kollu Koxanın “sən gəl mənlə höcətləşmə, Qurban kişi, - dedi. – İndi ki,
biz ikimiz də Qılınc Qurbanıq, gəl höcətləşməyək sən öz təqsirini boynuna al,
mən də varsa özümünkünü boynuma alım, qılınclarımızı birləşdirək. O vaxt, in-
şallah işlərimiz yağ kimi gedər” təsəvvürü əsərin sonrakı axarında özünü tam
aydınlığı ilə büruzə verir. “Qoca Koroğlunun misri qılıncı, mən cavan Koroğ-
lunun ləqəb qılıncı” mətn hadisəsi kimi mahiyyətə yönəlmiş bir tezisdi ki, bütün-
lükdə əsərin ideyasını, yazıçı məramını ortaya qoyur. Qılınc Qurban ciddilik,
qətiyyət, böyüklük, elata ağsaqqal kimi yolgöstərici funksiyasında çıxış edir. Kol-
lu Koxanın funksiyası xalq gülüşü, haqsızlığın, əxlaqın, mənəviyyatın aşağılan-
masına qarşı yönəldilmiş mübarizədir. Burada xalqın tarixi kimliyə hesablanan və
onu bütün tərəflərilə əks etdirən iki xətt (Qılınc Qurban və Kollu Koxa xətti) ya-
zıçı tərəfindən paralel aparılır. Məlum olduğu kimi, Azərbaycan xalqının, eləcə
də bütünlükdə türk xalqının yaddaşında bir əbədi olacaq qəhrəmanlıq, igidlik,
mərdlik, əyilməzlik tarixi vardır. “Kitabi-Dədə Qorqud”, “Bilqamıs”, “Manas”,
“Alpamış”, “Şu”, “Ərqənəkon”, “Oğuz Kağan”, “Canqar”, “Edige”, “Koroğlu”,
“Qaçaq Nəbi”, “Qaçaq Kərəm”, “Qandal Nağı”, “Qara Tanrıverdi”, “Qaçaq
İsaxan, “Qaçaq İsmayıl” və s. həmin milli əxlaq və davranışın ifadəsi kimi xalqın
həyatından, yaddaşından qopmuşdur. Mənəviyyatının, davranışının, həyat kredo-
sunun faktı kimi ortaya çıxmışdır. Məhz Qılınc Qurban bir istiqamətdə etnos yad-
daşını, qəhrəmanlıq tarixini ifadə edir. İsa Muğannanın yazıçı böyüklüyü xalqın
əxlaqi dəyərlərini, qəhrəmanlıq, mərdlik keyfiyyətlərini tarixi mənlik duyğusu ki-
mi bədii arenaya gətirməsidir. Azərbaycan xalqının yaddaşında qəhrəmanlıq,
mərdlik, insanlıq, kimsəsizə əl tutmaq, xeyirxahlıq və s. dəyərləri özündə cəm-
ləşdirən və yaddaş hadisəsi kimi gələcəyə daşıyan Koroğlu obrazı vardır. Yazılı
ədəbiyyatın görkəmli nümayəndələri, eləcə də xalq məişətində söylənən əhva-
latlar, aşıqların məclis hekayətləri məhz igidlik, mərdlik mənasında ora isti-
qamətlənir. Zəngin epik təfəkkürün hadisəsi olan Koroğlu xarakteri, bütöv kişi
xarakteri İ.Muğannanın bədii yaradıcılığına təsirsiz ötüşməmişdi. Əksinə o,
həmin yaddaş hadisəsinin təsirində dövrünün Qılınc Qurbanını yaradır. “Kollu
Koxa”da yazıçı mövqeyinin gücü və bütünlükdə digər istiqamətdə mətndə həyat
nizamının mümkünlüyü məsələsi təkcə Qılınc Qurbanla bitmir. Burada nizamı
tamamlayacaq digər istiqamət xalq içərisindən çıxan, bir qədər də desək, xalqı
bütün varlığı ilə təmsil edən Kollu Koxadır. Yazıçı Kollu Koxa adını əsərin adına
təsadüfi gətirməmişdir. Elə əsərin bütünlükdə mahiyyəti demək olar onun şəxsin-
də ifadə olunur. İsa Muğanna sosial sferanın mənzərəsini bir qədər fərqli (əslində
belə deyildir), bir qədər qeyri-ciddi, komik görünən Kollu Koxa vasitəsilə açır.
Daha doğrusu, etnos tərəfindən Qılınc Qurbanla bağlı qəbul olunmuş “xalqla
Dədə Qorqud ● 2015/I 87
birgə vuran ürək” düşüncəsi Kollu Koxanın şəxsində pozulur. Kollu Koxanın
düzüb qoşduğu silsilə ayamalar (ləqəblər) etnosda pozulmaqda olan nizama
münasibətdir. Xalq gülüşünün təsir məsələsidir. Onu da deyək ki, “gülüşü doğum
və həyat mənbəyi sayan xalq komik folklor nümunələrinin məzmununu da məhz
həmin baxış üzərində qurur. Bununla da xalq gülüşünün özünəməxsus sistemi
ortaya çıxır. Elə bir sistem ki, o, yazılı ədəbiyyatdakı gülüş sistemi ilə heç də
həmişə üst-üstə düşmür. Xalq gülüşünə yazılı satirik ədəbiyyat prizmasından
nəzər saldıqda təhriflərə yol vermiş oluruq. Məsələn, Azərbaycan xalq gülüşünün
ənənəvi obrazları olan kosa, keçəl, Molla Nəsrəddin, Bəhlul Danəndə və başqa-
larını sırf ifşaedici qəhrəman kimi götürmək, məhz xalq gülüşünə yazılı ədəbiyyat
ölçülərindən yanaşmağın nəticəsidir. Kosa, keçəl, Molla Nəsrəddin, Bəhlul Da-
nəndə ilə bağlı folklor nümunələri bir fərdin yox, məhz kollektiv yaradıcılığın
məhsulu olduğundan həmin nümunələrdə tənqid edən şəxsiyyət və tənqid olunan
dünya modeli axtarmaq özünü doğrultmur. Çünki xalq yaradıcılığında tənqid
edən fərd tənqid olunan dünyanın tərkib hissəsidir” (3, 19). İsa Muğannanın ya-
zıçı qüdrəti məhz kontrastları yarada bilmək və onu yerli-yerində həll etmək ba-
carığıdır. Burada milli əxlaq və davranış normaları Qılınc Qurbanla Kollu Koxa-
nın şəxsində həll olunur. Xalq düşüncəsindəki yanaşma üslubları – ciddi davranış
forması ilə, komik formullar bir-birinə mane olmur. Əslində, cəmiyyətin əxlaq
toplusunun komponentləri kimi biri digərini tamamlayır. Məhz Kollu Koxa bizim
yaddaşımızda olan ənənəvi folklor obrazları ilə qovuşur və onların sırasında gö-
rünür. Onu da əlavə edək ki, Kollu Koxanı sırf ifşaedici obraz kimi götürmək ya-
zıçı sənətkarlığına və əsərin mahiyyətinə kölgə salmaqdır. Yazıçı Kollu Koxanı
tənqid olunan dünyanın tərkib hissəsi kimi götürməklə folklor konstruksiyasına
müraciət edir və kifayət qədər mükəmməl obraz yaradır. Xalqın əxlaq və davranış
formalarında etnosun müsbət və mənfi tərəflərinin qiymətləndirilməsinin müx-
təlif üslubları vardır. Komizm də bir forma olaraq folklorda özünə kifayət qədər
yer almış, təhkiyə olaraq işlək bir düşüncə tipinə çevrilmişdir. Xalq gülüşü kimi
onun təsiri isə tarixi kimliyin göstəricilərindən biri kimi sabitləşmişdir. Kollu
Koxa özlüyündə yazılı ədəbiyyat hadisəsi olmadan mətndə daha çox folklorlaşma
təsirində görünür və folklor faktına çevrilir.
İsa Muğanna bütün əsərlərində milli koloritin böyük daşıyıcısı olaraq görü-
nür. Ona görə də onun əsərlərində elat həyat tərzi, xalqın canlı məişəti, adət-ənə-
nəsi, davranışları, mərasimləri bir sistem olaraq özünə yer tapır. Daha doğrusu,
İsa Muğanna yaradıcılığının nüvəsini təşkil edir. Nədən, haradan yazmasından
asılı olmayaraq yenə tarixi yaddaşa, milli dəyərlərə gəlib çıxır, obrazları ilə mü-
nasibətini məhz həmin yaddaş əsasında qurur. Onların rəftarı, söhbətləri, həyata,
dünyaya, elə-obaya, qonşuya, qohuma münasibəti tarixi yaddaşa, daşlaşmış elat
təsəvvürlərinə əsaslanır.
İşin elmi nəticəsi. İsa Muğannanın yaradıcılığı təkcə bədii nümunə, mətn
hadisəsi olaraq dəyər qazanmır, onun gücü, milli düşüncəyə, etnos əxlaqına daha
Dostları ilə paylaş: |