Azərbaycan miLLİ elmlər akademiyasi məHƏMMƏd füzuli adına Əlyazmalar institutu əlabbas müZNİb muxtarnamə
Yüklə 1,23 Mb. Pdf görüntüsü
|
252 Əvət, böylədir ittifaq, ittihad, Yaxar düşməni, eyliyür dustı şad. Sabir Badikubə Muxtar cənabları uca yerdə qərar dutub sərkərdələr birər-birər Muxtarın qabağından keçürdi. Həpsindən müqəddəm İbrahim cənabları, ondan sonra başqa sərkərdələr, məsələn: Tariq ibn Ə`məş, İbrahim bin Tüfeyl, Məzahim ibn Malik Əştər, Şə`r ibn Əbi Şə`r, Əli ibn Malik, Ömər ibn Fərtə, Cəhim ibn Hatim, Əbdullah ibn Əkrəmə, Tahir ibn Sə`ləbə. Bu nizam ilə hər bir sərdar Muxtarın müqabilindən keçdikdə tə`zim edirdi. Muxtar dəxi onları birər-birər qoxuyub vida` edirdi. Bunların həpsindən sonra İbrahim ibn Malik bin iki yüz şütürsəvarla qabağında dört nəfər qare`i-Qur`an “Hələta ələl-insan” sureyi- mübarəkəsini oxuyırdılar. İbrahim Muxtarın müqabilinə yetişdikdə Muxtar cənabları səvar olub İbrahimlə bərabər gedirdilər. Küfə cəmaəti İbrahimi dua və səna edüb düşmənə qalib gəlməsini Allah-təala həzrətlərindən arzu edirdilər. Bir qədər yol getdikdən sonra İbrahim Muxtardan üzr istəyüb, məqami- hökumətə müraciət etməsini təmənna etdi. Muxtar İbrahimi qucıyub zar-zar ağladı. Böylə ki, Kufə cəmaəti bu ağlamadan mütəəssir olub kaffətən ağladılar. İbrahim cənabları yüzini Kufə cəmaətinə dutub söylədi: 253 - Cəmaət, mən vida` edüb fəqət arzu edirəm ki, məni fəramuş etməyüb və İslam yolında sabitqədəm olasınız. Bu sözləri deyüb də Muxtarı təkrar vida` edüb azim oldı. Muxtar dəxi Kufə şəhərinə müraciət edüb iki gündən sonra Haris ibn Qəffarı və Vərqa ibn Qaribi bir qədər qoşunla bərabər İbrahimin köməginə göndərüb tövsiyə etdi ki: “İbrahim cənabları əvəzimdədir. Əlbəttə, o cənabə ehtiram edüb nə deyərsə, tabe` olmalısınız”. Bu tərəfdən İbrahim cənabları Dəhm adınlı bir məqamə yetişdi ki, oranın hakiminə Saleh ibn Əmr deyürdilər. Əli (ə) və Övladi-Əliyə (ə) əvvəlinci düşmən idi. Cəmaət dəxi hakimə tabe olub o fasiqlə həməqidə idilər. İbrahim o cəmaətin əqideyi- fasidanəsindən xəbərdar olub oraya yetişdikdə, piyadə olub ləşkərin əmirlərini cəm`avərlik edüb əhvalatı onlara nəql etdi. Vərqa dedi: - Ey əmir, bana icazə ver bu saət gedüb onlardan bir nəfər diri qoymıyum. İbrahim dedi: - Əvvəl gərəkdir bir nəfər casus gedüb cəmaətin əhvalından xəbər gətürsün. Zira ola bilər bu cəmaətin miyanında bir nəfər mühibbi-Əli (ə) və Ali-Əli (ə) olmış ola. Sərdarlar dəxi razı olub bir nəfər ərəb çörək almaq bəhanəsiylə cəmaət miyanına göndərdilər. Ərəb onların miyanına daxil olub gördi onlar həpsi köhnə bir qəbristanə cəm` olub Əli əleyhissəlamın 254 mühibblərinə nifrin edüb və İbn Ziyada dua edirlər. Ərəb isə bir nəfərdən çorəgin nərədə satılmağını sual etdi. Cəvabında dedilər ki, burada çörək tapmazsan. Zira cəmaət İbrahim Əştərin İbn Ziyad müharibəsinə azim oldığın eşidüb həpsi cəm` olub İbn Ziyada dua edüb, İbrahim Əştərə isə nifrin edirlər. Ərəb övdət edüb əhvalatı görüb və eşitdigi kibi İbrahim Əştərə nəql etdi. Vərqa bu sözi eşidən kibi İbrahim Əştərdən icazə alub öz səvarələriylə o münafiqlərə həmlə etdi. O cəmaəti qətlü qarət edüb evlərini dəxi yandırub Mosul tərəfinə azim oldılar. O tərəfdən İbn Ziyadın casusları İbrahim Əştərin gəlməsini İbn Ziyada xəbər verdilər. İbn Ziyad qoşun cəm`avərlığına başladı. Səksən üç min qoşun Mosuldan hərəkət edüb bir su kənarında oturaq edüb ləşkəri-İslamı gözləyürdi. Bu tərəfdən İbrahim cənabları Hüdeybiyyə mənzilinə vasil olub, zöhr nəmazının vəqti oldığına bina` nüzul edüb Allah-təala həzrətlərini yad edüb, ibadət və nəmazı xətm edəndən sonra, o çeşmənin kənarında qədəm vurmağa məşğul olub bir deyrin müqabilinə yetişdi. Bir nəfər rahib başını deyrdən çıxarub İbrahim Əştərə səlam verdi. İbrahim isə səlamə cəvab verüb dedi: - Ya şeyx, dünya əhvalatından nə eşitmişsən? Şeyx dedi: - Bu günlərdə Ali-Əli (ə) düşmənlərindən bir çoxı qətl olunub, dəxi də olacaqdır. İbrahim dedi: 255 - Sən nərədən bu əhvalatı bildin? Şeyx dedi: - Elm-nücum ilə xəbərdar oluram. Məsələn, bu gün gərək böyük miqdarda bir ləşkər Kufədən buraya daxil olsun və o ləşkərdə rəyasət edən şücaət və rəşadətdə vəhidi-əsrdir. Xazrud çeşməsi kənarında Cəzirə əmiriylə müharibə edüb bir çox qanlar cari olacaqdır. İbrahim dedi: - Bilürmisən hansı tərəf qalib gələcəkdir? Şeyx: - Kufə ləşkəri qalib gələcəkdir. Əgərçi əvvəl Kufə cəmaəti şikəst tapacaqdır. Əmma axırda qalib olub Cəzirəyi müsəxxər edəcəkdirlər. İbrahim bu sözlərdən şad olub müraciət etdi. Bu tərəfdən İbrahimin qeyb olmasından Vərqa və İbrahimin qardaşı təşvişə düşüb İbrahim gedən tərəfə azim oldılar. Bir qədər yol getmişdilər ki, İbrahimi şad və xəndan görüb onlar dəxi şad oldılar. Bir bu qədər zəman qeybət etmənin səbəbini sual etdikdə İbrahim dedi: - Qardaşlarım, sizə bəşarət verirəm ki, bu müharibədə biz qalib gəlüb fəth və zəfərlə müraciət edəcəgiz. Rahiblə mülaqat etmənin və ondan eşitdigi sözləri onlar üçün hekayə etdi. Söhbət edə-edə ləşkərgaha varid olub və təmam ləşkəri bu əhvalatdan xəbərdar edüb şad və fərəhnak köç edüb məqsədgahə azim oldılar. Tainki Xazrud çeşməsinin kənarına vasil 256 olub İbn Ziyadın ləşkərgahıyla rubəru nüzul edüb, oturaq etdilər. O güni keçüb gecə oldıqda İbrahim cənabları on nəfər öz əqvamıyla səvar olub ləşkərin ətrafında keşik çəkməgə məşğul oldılar. Vərqa ərz etdi: - Ya əmir, səbah müharibə günidir. Sən istirahət edüb keşik çəkməgi bizə mühəvvəl eylə. İbrahim dedi: - Ya Vərqa! Kufədən xaric olanı istirahət etməmişəm. İbn Ziyadı qətl etməmiş də istirahət etmiyəcəgəm. Fəqət səndən xahiş edirəm ki, bənim xatirim üçün gedüb istirahətə məşğul olasan. Vərqa isə itaət edüb istirahətə məşğul oldı. O tərəfdən isə İbn Ziyadın ləşkərinə qaravul edənlərin rəyasəti o gecə Bəkr ibn Yəzid ilə idi. Bu münafiq həman münafiqdi ki, İbn Ziyadla şürbi-xəmrə müsahibət edərmiş və çox vəqtlər İbn Ziyada deyərmiş ki, dünyada sən kibi bəxtiyar şəxs ola bilməz. Zira sən Yəzid ibn Müaviyənin düşməni olan Hüseyn ibn Əlini (ə) qətl etmişsən. Bu əhvalatı dəxi İbrahim Əştər cənabları eşitmişdi. İbrahim o gecə bir nəfər Şam əhlindən casus irsal edüb düşmənin miqdarını bilmək istəyürdi. Yeddi casus isə İbn Ziyadın ləşkərgahına varid olub cəmaətin bir çoxını şürbi-xəmrə məşğul görüb kəmalınca xəbər cəm` edüb müraciət edəndə əhvalatı İbrahim cənablarına hekayə etdi. İbrahim Əştər yeddi nəfər öziylə bərabər alub düşmən ordugahına azim olub şəbxun siyaqiylə özini İbn Ziyadın ləşgərgahına vurub bir neçə nəfər qətl Yüklə 1,23 Mb. Dostları ilə paylaş:
|