Azərbaycan miLLİ elmlər akademiyasi məHƏMMƏd füzuli adına Əlyazmalar institutu əlabbas müZNİb muxtarnamə
Yüklə 1,23 Mb. Pdf görüntüsü
|
- Bu səhifədəki naviqasiya:
- Əmr ibn əl-Həccac ilə İbn Əş`əsin Muxtarla müharibəsi
285 bir çox fikrdən sonra Mizar əhalisindən bir nəfəri ehzar edüb dedi: - Hərgah İslam əskirinin miqdarını bilüb bana xəbər gətürsən, sana min dinar verərəm. O şəxs qəbul edüb bir qədər şirini bir təbəqə düzüb satmaq bəhanəsiylə İslam əsakirinin miyanına daxil olub məta`ını satmağa məşğul oldı. Bu növ` ilə İslam əsakirinin miqdarını bilüb İbn Zübeyrə xəbər verdi. İbn Zübeyr bəxil bir şəxs oldığına görə min dinar müqabilində əlli dinar verüb o şəxsi xeymədən ixrac etdilər. O şəxs bu işdən mütəğəyyir olub dübarə məta` satmaq bəhanəsiylə İslam əsakirinə daxil olub Əhmər Şəmitin xeyməsini soraq edirdi. Mülazimlər anı Əhmər Şəmitin xeyməsinə gətürüb izn alandan sonra daxil olub ərz etdi: - Ya əmir, bən məhəbbəti-Ali-Əlini (ə) qəbul edüb sizin hüzurınıza varid olub böyük bir bəşarət dəxi gətürmişəm. Əhmər Şəmit dedi: - Nə bəşarət gətürmişsən? Dedi: - Ya əmir, İbn Zübeyrin ən namdar sərkərdələrindən Ziyad ibn Əmr iki bin səvarə ilə İslam əsakirinin arxasına keçüb. Fikrləri iki tərəfdən sizə həmlə etməkdir. Əmma bu saət onlar asudə istirahətə məşğuldırlar. Hərgah bir qədər səvarə ilə onlara hücumavər olar isən, bütün-bütünə onları həlak edə biləriz. 286 Əhmər Şəmit, Əbdullah Zübeyrəyi dört yüz əlli səvarə ilə onların müharibəsinə irsal edüb, özi dəxi tədarükatə məşğul oldı. Əbdullah özi səvarələriylə azim olub iki mil gedəndən sonra düşmənin ordugahını gördi. Əbdullah öz səvarələrini üç yerə təqsim edüb üç tərəfdən onlara hücum etdi. O münafiqlər böylə gördikdə hərasan hər biri bir tərəfə qaçub İslam əsakirinin şəmşirindən şərbəti-mövti nuşi-can edirdilər. İslam əsakiri o münafiqləri qətliam edüb Ziyad ibn Əmri ki, onların sərkərdəsi idi, dəxi qətl edüb, fəthü nüsrətlə müraciət etdilər. Əhmər Şəmit şad olub Əbdullah və İslam əsakirinə duayi-xeyr edəndən sonra Muxtar cənablarına məktubən əhvalatı yazub Ziyad ibn Əmrin başıyla bərabər Kufəyə göndərdilər. Əmma o tərəfdən İbn Zübeyr bu əhvalatı eşidüb dünya gözinə qaranlıq oldı. Sərkərdələri də`vət edüb dedi: - Cəmaət, bən qorxuram ki, İbn Ziyadın başına İbrahim Əştər gətürən fəlakəti Əhmər Şəmit dəxi bizim başımıza gətürsün. Bənim fikrimcə, işin səlahı budır ki, buradan övdət edüb Muxtarın müharibəsindən sərfi-nəzər edək. Qoy, Muxtar Əbdülməlik Mərvanla nə edərsə, etsün. Mürrə ibn Müaviyə və Mühəlləb dedilər: - Ya əmir, bu bizim üçün ölümdən bədtərdir. Zira on səkkiz min səvarə ilə beş min düşmənin müqabilindən fərar etmək mərdani-karzarə layiq degil. 287 Bu sözləri deyüb də müharibəyə hazır olub meydani-karzarə qədəm qoydılar. Əhmər Şəmit əhvalatı böylə gördikdə İslam mücahidlərini cəm` edüb dedi: - Ey mücahidini-İslam, bu gün bən şəhid olmaq üçün əzmi-meydan edirəm. Hərgah şəhid olarsam, bənim yerimə sərdari-küll Əbdullahdır. Ona itaət edüb İslam yolında axır nəfəsə kibi cihad etməlisiniz. Bu sözləri deyüb də meydana azim oldı. O tərəfdən İbn Ziyad təmam əsakirinə həmlə etməgi əmr etdi. Hər iki tərəf iki seyl kibi yüz də`vayə qoyub öylə bir də`va oldı ki, ruzgarın gözi görməmişdi. O gün zöhr zəmanına kibi Əhmər Şəmit yüz nəfər o münafiqlərdən qətl etmişdi. Qəzadan bir nəfər münafiqlərdən kəmin edüb tir ilə Əhmər Şəmitin başını nişanəyə gətürüb, qəzadan o məl`unın tiri xəta etməyüb o cəvanı şəhid etdi. Əbdullah böylə gördikdə meydana girüb o dəxi cəngi-məğlubədə şərbəti- şəhadəti içdi. İslam əsakiri sərkərdəsiz tabi- müqavimət etməyüb yüz fərarə qoydılar. İbn Zübeyrin əsakiri onları təaqüb edüb bütün-bütünə qaçırub əmvallarını qarət etdilər. Fəth ilə müraciət edüb İbn Zübeyrə tə`zim etdilər. Bu tərəfdən Muxtar cənablarına fərarilər xəbər gətürüb əhvalatı nəql etdilər. Muxtar cənabları Əhmər Şəmitin və Əbdullahın şəhadətindən çox məhzun olub də`va tədarükinə məşğul oldı. İgirminci fəsl 288 Əmr ibn əl-Həccac ilə İbn Əş`əsin Muxtarla müharibəsi Müs`əb ibn Zübeyr öylə ki, Əhmər Şəmitlə Əbdullahı şəhid edüb İslam əsakirini fərar etməgə məcbur etdi, Kufəyə Muxtar cənablarına bir məktub yazub qasidlə yola saldı. Məktub Muxtar cənablarına vüsul olub İslam sərkərdələrini ehzar edüb məktubı oxudı. Məktubın məzmunı bu idi: “Ya Muxtar! Sən imami-zəmanə ağ olub bənimlə müharibə etmək böyük günahlardan idi. Fəqət bən sənin günahından sərfi-nəzər edüb, səni əfv edirəm. Bu şərtlə ki, qardaşım Əbdullaha bey`ət edüb onın imamətinə iqrar edəsən. O vəqt Kufənin hökumətini sana verüb hər bir xahişin olarsa, yerinə yetürüb səni məmnun edərəm. Hərgah bənim tövsiyələrimi qəbul etməzsən, yəqin et ki, səni qətl edüb Kufə şəhərini xakiylə yeksan edərəm”. Muxtar məktubı parə-parə edüb, böylə bir cəvab yazdı: “Yebnə Zübeyr! Məktubını alub da məzmunından müttəle` oldım. Ay fasiq, bu gün əsrin İmamı Əli ibn əl-Hüseyndir (ə). Sənin kibi, qardaşın kibilər İmamətə layiq ola bilməzlər. Və bir də yazmışdın ki, Kufəyə hücum edüb səni qətl edüb də Kufəni tarümar edəcəgəm. Yəqin et ki, hərgah sən Kufəyə gəlməzsən də, mən sənin müharibənə hazıram”. Məktubı möhr edüb İbn Zübeyr üçün irsal etdi. Məktub İbn Zübeyrə vüsul olan kibi igirmi bin fasiqlə Yüklə 1,23 Mb. Dostları ilə paylaş:
|