Azərbaycan miLLİ elmlər akademiyasi məHƏMMƏd füzuli adına Əlyazmalar institutu əlabbas müZNİb muxtarnamə
Yüklə 1,23 Mb. Pdf görüntüsü
|
273 - Bu bağa nərədən daxil olmaq olar? Dedi: - Sən kimsən? İbrahim Əştər dedi: - Mən İraq əsakirinin sərkərdəsi, ismim İbrahim Əştərdir. O şəxs şad olub dedi: - Ya əmir, bən Əli (ə) və Ali-Əli (ə) dostlarındanam. Fəqət ehtiyac bəni buraya yetürmişdir. Bən bağın bağbanıyam. Bu bağın üç böyük və bir dəxi kiçik qapusı var və böyük dərvazələr içəri tərəfdən qapalıdır. Fəqət küçik qapu dışarıdan bağlı olub, onın dəxi kilidi bəndədir. Sən yanında olan əsakiri iki yerə qismət et, bir qisməti dərvazələri mühafizət etsin. O biri qisməti bənimlə bərabər bu küçik qapudan daxil olub o kafirləri məst oldığı halda həlak edüb Allah-təala həzrətlərini özümizdən razı edək. İbrahim cənabları əsakirin bir qismini Vərqa ilə dərvazənin birisində qoyub, özi isə bu birisi hissəylə bağbanın dalınca kiçik dərvazədən bağa daxil olub Vərqa gözləyən dərvazəyə tərəf gedüb dərvazəni açdıqdan sonra əsakirin o birisi hissəsi dəxi bağa daxil olub da sərkərdələr keyf edən imarətə həmlə etdilər. Bu vəqt İbn Ziyadın sərkərdələrindən birisi imarətdən xaricə çıxub İbrahimlə əsakiri-İslamı gördikdə İbn Ziyad təsəvvür edüb təkrarən imarətə daxil olub dedi: - Ey əzizan, bəşarət olsun ki, əmiri-cəlil bizim məclisə gəlir. 274 O fasiqlər şadlıqdan həpsi pişvazə çıxub qabağca Əmr ibn Rəbiə tə`zim edüb dedi: - Ya əmir, siz bəni bu gecə sərəfraz edüb qədəmi- mübarəkinlə bənim külbeyi-həqiranəmi münəvvər və müzəyyən etdin. İbrahim cənabları şəmşiri-bürranı qılafdan nicat verüb əsakiri-İslam ilə o din düşmənlərinə həmlə etdi. O gecə İbn Ziyadın yüz səksən nəfər sərkərdələrini mülazimləri ilə bərabər oradaca qətl edüb ləşkərgahi- İslamə nüsrət və zəfərlə övdət etdilər. O gecə ilə İbrahim Əştər cənabları əhvalatı yazub Kufəyə, Muxtar üçün irsal etdi. Əmma bu tərəfdən İbn Ziyadə xəbər verdilər ki, İslam əsakiri təmam sərkərdələri bağda əhatə edüb qətl etdilər. İbn Ziyad bu xəbəri eşidən kibi bihuş olub, huşə gələndən sonra gecəyi səbaha kibi istirahət etməyüb səbah olan kibi hər iki ləşkər yüz hərbgahə qoyub hər iki tərəfdən biri- birisinə hücum edüb müqatiləyə məşğul oldılar. Bu vəqt bir tərəfdən həva tirəvü tar olub bir azdan sonra tozın miyanından Zəfər ibn Haris və Əbdürrəhman ibn Cəndan üç min səvarəylə İslam əsakirinin köməginə varid olub İbrahim Əştərə tə`zim edəndən sonra yüz meydani-qitalə qoydılar. Zöhr zəmanı İbn Ziyadın əsakiri dəvam etməyüb yüz fərarə qoydılar. İslam əsakiri onları təaqüb etdilər. Lakin təmam İslam sərkərdələrinin bu təaqübdə məqsədləri İbn Ziyadı qətl etmək idi. O gün qürub zəmanına kibi qətlü qarətə məşğul olub, qürub zəmanı aramgahə müraciət 275 etdilər. Əmma İbn Ziyadın nərəyə fərar etməsindən çox mükəddər və qəmnak idilər. İbrahim dedi: - Bən də`vanın ən qızğın zəmanında bir nəfərə təsadüf edüb onı İbn Ziyad bilüb qətl etmişəm və çox da güman edirəm ki, o İbn Ziyad olsun. Bir neçə nəfəri tə`yin etdilər ki, İbn Ziyadı düşmən məqtullarının miyanından tapsın. İbrahim cənabları onlara dedi: - Hər bir məqtulın qıçını açub dizindən dört barmaq yuxarı baxarsınız, hərgah orası zəxmdar və üstinə dəxi müşk bağlanmış olarsa, o özi Ziyaddır. Zira İbn Ziyad məl`un, Hüseyn ibn Əlini (ə) qətl edüb mübarək başını Kufəyə yetürəndən sonra o məl`un, o mübarək başı əlinə alub təmaşa edüb iftixar edirdi. Bu vəqt bir qətrə qan o başdan o məl`unın dizi üstə düşüb dizini deşib yerə qayib oldı. O fasiq nə qədər müalicə etdiysə də, o yaraya çarə edə bilmədi və o yara dəxi pis və mütəəffin qoxı salub, böylə ki, heç kimsə onın yanında otura bilməyürdi. Binaənəleyh, çarəsiz qalub həmişə o yaraya müşk bağlayurdı ki, bəlkə qoxusı təfavüt etsin. Nəisə bir neçə zat qətlgahə varid olub birər-birər məqtulları müayinə edüb, tainki o məl`unın nəhs bədənini tapub, başını bədənindən cüda edüb, İbrahim Əştər xidmətinə gətürdilər. İslam sərkərdələri şad olub əhvalatı Muxtar cənablarına məktubən ittila` verdilər. O gecə sübhə kibi İslam əsakiri təbli-şadyanə çalub işrət etdilər. Sübh oldıqda səvarə olub izzətü cəlal ilə Mosul şəhərinə varid olub cəmaət dəxi onları 276 o zəmanın musiqi alatı ilə istiqbal etdilər. İbrahim cənabları darülimarəyə daxil olub Mosul şəhərinin sabiq hakimini ehzar edüb şəhərin hökumətini ona təslim etdi. İslam sərkərdələrini böyük bir ziyafətə də`vət edüb hər kimsənin halətinə münasib ən`am və xəl`ətlər bəxş edüb şadyanalığa məşğul oldılar. Səbahısı İbrahim Əştər cənabları kəma keyf əhvalatı Muxtar cənablarına yazub bir çox cəvahiratla İbn Ziyadın nəhs olan başını dəxi Kufəyə irsal etdi. Bu tərəfdən Muxtar cənabları bir gün şəhərdən çıxub təfərrücə məşğul oldığı halda qasid varid olub İbn Ziyadın başının gəlməsini Muxtara xəbər verdi. Muxtar cənabları şadlığından piyadə olub Allah-təala həzrətlərinə səcdeyi-şükr etdi. Ondan şəhərə varid olub şadyanalıq təbli çalınub cəmaətə xəbər verdilər. Kufə cəmaəti küçikdən-böyügə şəhərdən xaric təmaşayə çıxdılar. Bu minvalla İbn Ziyad məl`unın başı Kufəyə varid olub darülimarədən avizan etdilər. O gün Muxtar cənabları neçə min dirhəm fəqir- füqərayə ehsan edüb başa hamil olan zatə dəxi bin dirhəm ən`am etdi. İbrahim cənablarına dəxi təşəkkür məktubı yazub əlavə etdi ki: “Əli (ə) və Övladi-Əli (ə) düşmənlərindən fəqət Zübeyr övladıyla Mərvan övladı qalmışdır. Ümidvarəm ki, bunları cəzalarına yetirüb Hüseyn ibn Əli əleyhissəlamı özimizdən razı salub aləmi-İslamı şad edək”. Məktubı möhr edüb İbrahim Əştər üçün irsal etdi. Əmma o tərəfdən Əbdulməlik ibn Mərvan, İbn Ziyadın qətlindən xəbərdar olub xofə düşdi. Zira, Yüklə 1,23 Mb. Dostları ilə paylaş:
|