261
dəstbərdar olub nizam ilə səf çəküb meydani-karzarə
təmaşa edirdilər. İbn Ziyad tərəfindən Zeyd ibn Fəzl
meydana daxil olub mübariz istədi. İslam tərəfindən
Müzahim Əştər meydana qədəm qoyub bir həmlə ilə o
fasiqi ədəm diyarına rəvanə etdi. Ziyadın qardaşı
meydana gəlüb, Müzahim o məl`unı dəxi qardaşı
gedən yola vasil etdi. Zeydin oğlı Fəzl meydana gəlüb,
babası nuş edən şərbətdən o dəxi nuş etdi.
İbn Ziyadın əsakiri əhvalı böylə gördikdə dəxi bir
nəfər böylə olsun meydana qədəm qoymağa cəsarət
etmədi. Müzahim bir qədər meydanda cövlan edüb öz
ləşgərgahına müraciət etdi. İbrahim qardaşına
afərinxan olub onı dua etdi. İbn Ziyad, Hüsəyn ibn
Nümeyrə İslam əsakirinin meysərəsinə həmlə etməgi
əmr etdi. Başqa sərkərdələrə dəxi sifariş etdi ki, gözləri
səncaqda olsun. Hər dəf`ə səncaq üç dəf`ə hərəkət
etdi, onlar da bir dəf`ə İslam əsakirinə həmlə etsinlər.
Bu tərəfdən İbrahim cənabları İbn Ziyad əsakirinin
meymənəsində həyəcanı görüb qardaşı Müzahimə
meysərə tərəfə getməgini əmr etdi. Müzahim öz təhti-
hökmində olan səvarələrlə meysərə tərəfə yüriş etdi.
Bu vəqt Hüsəyn İslam əsakirinə həmlə etdi. İslam
əsakiri dəxi onlara hücum edüb o gün qürubə kibi
də`va dəvam edüb qürub zəmanı hər iki tərəf təbli-
bazgəşt sədasına itaət edüb meydani-müharibədən
dəstbərdar olub öz məqamlarına müraciət etdilər.
İbrahim cənabları məş`əldarlarla meydani-müharibəyə
daxil olub İslam şəhidlərini cəm` edüb qüsl verüb
nəmaz qıldıqdan sonra dəfn etdilər. İbrahim cənabları
262
xeyməsinə varid olub səbahkı də`vanın fikrində idi.
Bu vəqt bir nəfər xeyməyə varid olub İbrahimə bir
məktub verdi. İbrahim məktubı açub gördi, Mosul
hakiminin tərəfindən yazılmışdır və məzmunı dəxi bu
idi ki, bu gecə İslam sərkərdələrini göndər, tainki
şəhəri onlara təslim edim. İbrahim cənabları qasidə
dedi:
- Şəhərin hakiminə bənim tərəfimdən səlam
deyüb və əlavə edərsən ki, inşaallah-təala bu günlərdə
Ziyad ilə də`vayı xitam verüb onınla görüşəriz.
Bu tərəfdən İbrahim cənabları gecə ilə bir məktub
yazub İbn Ziyadın ən namdar sərkərdələrindən olan
Ümeyr ibn Hübabə göndərdi və məktubın məzmunı
bu idi: “Ey Ümeyr, bənimlə sənin miyanında olan
qədim dostlığı nəzərə alub sana nəsihət etməgi özimə
vacib bilürəm. Binaənəleyh sana deyürəm ki, İbn
Ziyaddan dəstbərdar olub İslam mücahidləriylə
həmfikr olasan. Hərgah bu də`vanı rəyasətdən ötri
edirsən, gəl bənim yanıma, nərənin hökumətini
istəyürsən, sənin üçün hazırdır”.
Ümeyr ibn Hübab məktubı oxudıqdan sonra
cəvab yazub qasidə verdi. Qasid məktubı alub İbrahim
cənablarına təslim etdi. İbrahim cənabları məktubı
açub gördi Ümeyr yazmışdır ki: “Bən gecə səninlə
görüşməgə gələcəgəm. Fəqət sən qəravulçulara əmr et
ki, bana mane` olmasunlar”.
İbrahim cənabları qardaşı Müzahimi ixtar edüb
dedi:
263
- Qardaş, bu gecə qəravulların rəyasəti sənin
gərək olsun. Zira bu gecə bir nəfər İbn Ziyad
sərkərdələrindən bənim görüşimə gələcəkdir. Onı
ehtiramla qəbul edüb bənim yanıma gəlməsinə mane`
olmayasınız.
Müzahim itaət edüb müqərrər oldığı məqama
getdi. O tərəfdən Ümeyr, İbn Ziyad xeyməsinə varid
olub İbrahimlə onın miyanında olan əhvalatı o
məl`unə nəql etdi. İbn Ziyad dedi:
- Ya Ümeyr, İbrahimdən sana ziyan yetməz, zənn
edirəm, əlbəttə, bu gecə gedüb görüşməniz səlahdır.
Ümeyr, İbn Ziyad xeyməsindən xaric olub İslam
ordugahına azim oldı. Qəravulgahi-İslamə yetişdikdə
Müzahim əmiri İbrahim hüzurına möhtərəmən varid
etdi. İbrahim Ümeyri qoxıyub yüzindən və gözindən
öpüb aram oldılar. İbrahim cənabları Əli (ə) və Ali-
Əlinin (ə) fəzailindən bir qədər söyləyüb və Bəni
Üməyyənin onlar həqqində bir çox zülmlər etdiklərini
dəxi əlavə etdi. Ümeyr dedi:
- Ya İbrahim, bən nə çarə edim, bu saət bən İbn
Ziyaddan rugərdan olarsam, onların miyanında sükna
edən əyal və övladlarımın canı təhlükədə olacaqdır.
Əmma bən sənin sözinlə əhli-əyalımdan sərfi-nəzər
edüb İslam mücahidləriylə bərabər şəhid olana kibi
çalışacağam. Fəqət gərəkdir İbn Ziyada bir hiylə edim.
Bən bu saət gedüb bu gecə təxti-idarəmdə olan
əsakirin kaffəsinə tə`lim verüm ki, səbah iki ləşkər bir-
birinə hücum etdikdə, bən öz əsakirimlə bərabər sənin
264
hüzurına gəlüb bir yerdə İbn Ziyadın əsakirini həlak
edərik.
Bu qərarla İbrahimlə əhdü peyman edüb öz
qərargahına müraciət etdi. Müraciət edüb də İbn
Ziyadı əhvalatdan xəbərdar etdi. İbn Ziyad çox şad
olub Ümeyrə xəl`ət və ən`am verdi.
İbrahim o gecəylə Vərqanın xeyməsinə azim olub
əhvalatı Vərqaya söylədi. Vərqa dedi:
- Ya əmir, mən Ümeyrin sözinə e`tibar
etməyürəm. Zira Həzrət Hüseyn (ə)-ın şəhadətində
bən Mosul şəhərində həmin bu Ümeyrin xanəsində
idim. Həzrət Hüseyn (ə)-ın şəhadət xəbərini eşidüb
bən ağladım. Əmma həmin bu Ümeyr gülməgə
başladı. Bən ona xitab edüb dedim:
- Ya Ümeyr, Rəsuli-Xudanın (s) fərzəndi
şəhadətinə şad olub gülirsənmi?
Dedi:
- Hüseyn (ə) Yəzidə aq olmağına binaən qətl
olunmışdır. Əlbəttə, hər kimsə öz əmirinə aq olarsa,
qətlə məhkum olacaqdır.
Bən bu sözi o məl`undan eşidən kibi ona həmlə
edüb bir neçə zərbə əlimlə onın sifətinə vurdım. O
dəxi bir neçə zərbə bənim sifətimə vurub onın
xanəsindən xaric oldım. O məl`un isə o gündən bəni
axtarub tapmayurdı. İştə böylə bir fasiqdən yaxşılıq
gözləmək olarmı?
İbrahim dedi:
- Yaxşı söyləyürsən, bən bu əhvalatdan xəbardar
degildim.
Dostları ilə paylaş: |