yemini tam əvəz etməsidir. Keyfiyyəti, dadı və sair xüsusiyyətlərinə görə heyvanlar tərəfindən
iştahla yeyildiyinə və yaxşı mənimsənildiyinə görə yem payının əsas hissəsini (40-50%) əvəz
etmək olar, bu da ət, süd və digər heyvandarlıq məhsullarının artırılmasını təmin etməklə
məhsulun maya dəyərinin aşağı salınmasında böyük əhəmiyyət kəsb edir.
Silos əsasən qarğıdalı bitkisindən, qismən raps, sorqo və günəbaxan bitkilərindən
hazırlanır. Lakin qeyd etmək lazımdır ki, bu bitkilərin özünəməxsus bioloji və təsərrüfat
xüsusiyyətlərinə görə bir sıra üstünlüklərə malik olsa da onların yaşıl kütləsində qida
maddələrinin (protein, mineral maddələr, karotin və digər keyfiyyət göstəriciləri) miqdarı
nisbətən az olur. Məhz buna görə də bu bitkilərdən hazırlanan silos kütləsinin qidalılıq dəyəri
aşağı səviyyədə olur.
Son illər bir sıra kənd təsərrüfatı inkişaf etmiş xarici ölkələrdə, o cümlədən keçmiş Sovet
İttifaqının bəzi Respublikalarında heyvandarlığın intensiv inkişafı ilə əlaqədar olaraq,
siloslaşmanın yeni mütərəqqi texnologiyadan, yəni yaşıl yemlərin qida maddələri ilə zəngin olan
qarışığından müxtəlif növ heyvanlar üçün kombiləşdirilmis silosun hazırlanması üsulundan
istifadə edilməyə başlanmışdır. Tədqiqatlar göstərir ki, müasir texnologiya ilə basdırılmış yem
kütləsində siloslaşma prosesi normal getməklə, kütlənin tərkibində qida maddələri itkisi xeyli
azalır və yem daha da keyfiyyətli olur.
Bu məsələnin Respublikanın regionlarında öyrənilmədiyini nəzərə alıb, iri buynuzlu
heyvanlar üçün yüksək keyfiyyətli kombiləşdirilmış silosun hazırlanması texnologiyasının
işlənməsi qarşıya məqsəd kimi qoyulmuşdur. Tədqiqat işləri 2012-2014-cü illərdə İnstitutun
Yemlərin texnologiyası laboratoriyasında həyata keçirilmişdir.
Bu məqsədin yerinə yetirilməsi üçün qarğıdalı və yonca bitkilərindən istifadə edilməsi
müəyyənləşdirilmişdir. Qarğıdalı asan siloslaşan bitkilər sırasına daxildir. Bu bitkinin tərkibində
şəkərin miqdarı kifayət qədər olduğundan basdırılan yem kütləsinin tərkibində kifayət qədər süd
turşusu əmələ gəlir ki, bu da kütlədə zərərli yağ və sirkə turşularını əmələ gətirən bakteriyaların
inkişafını tam dayandırır. Süd turşusunun əmələ gəlməsi nəticəsində silos kütləsi yaxşı
konservləşir, yem kütləsi keyfiyyətini itirmir və uzun müddətli saxlanma təmin edilir.
Məlumdur ki, yonca Respublika təsərrüfatlarında yem balansının əsas hissəsini təşkil
edir. Yoncanın həm yaşıl kütləsi, həm də ondan hazırlanmış quru ot, senaj və ot unu mal-qaranın
yem payının əsas hissəsinin təşkilində böyük rol oynayır. Bu yem heyvan orqanizminin normal
inkişafı və yüksək məhsuldarlığı üçün lazım olan bütün qida maddələri-protein, mineral
maddələr və vitaminlərin başlıca mənbəyidir. Yoncanın hər hektarından ildə 4-6 min yem vahidi,
800-1500 kq protein əldə etmək olur ki, bu da digər mədəni əkin sahələrindən 6-8 dəfə, otlaq və
biçənək sahələrindən isə 25-30 dəfə çoxdur.
Təsərrüfatlarda bu bitkilərdən əsasən quru ot, yaşıl yem kimi və bəzi hallarda ot unu və
senaj hazırlanması üçün də istifadə edilir. Qeyd etmək lazımdır ki, yoncadan quru ot hazırladıqda
yem kütləsinin tərkibində qida maddələri itkisi 30-35%, senaj hazırladıqda 20-25% , bəzi
texnoloji üsullara riayət edilmədikdə isə 40-50% təşkil edir.
Yonca bitkisi bəzi qida maddələr ilə (protein, mineral maddələr, vitaminlər və s.) zəngin
olsa da tərkibində şəkərin miqdarı az olduğundan o, çətin siloslasan bitkilər sırasına daxildir.
Yonca bitkisində qida maddələri itkisini minimum səviyyədə saxlamaq üçün onun asan
siloslaşan bitkilərin qarışığı ilə siloslaşdırılması məqsədəuyğundur.
Silosun hazırlanması. Silos (isp. silos)-kənd təsərrüfatı heyvanları üçün hazırlanmış şirəli
yemdir (siloslanmış yem). Silos öz kaloriliyinə və vitaminlə (karotin, vitamin C, üzvi turşular)
zənginliyinə görə yüksək qidalılıq xüsusiyyətlərinə malikdir. O, həmçinin yaşıl otla eyni
əhəmiyyətli olduğundan qiymətli qida hesab olunur.
Silos həzmi yaxşılaşdırır, digər qaba yemlərin mənimsənilməsini təmin edir. Siloslama -
konservləşmənin bioloji metodudur. Burada süd turşusu yaranır ki, bu da qıcqırma prosesinin
qarşısını alır.
Siloslaşma nəinki yaşıl bitkilərin qiymətli xüsusiyyətlərini qoruyur, hətta çox vaxt onların
yem dəyərini yaxşılaşdırır. Bütün bunlarla yanaşı siloslaşma yemlərin böyük miqyasda
konservləşməsinin ən sadə və bahalı olmayan texnoloji üsuludur.
Siloslaşma süd turşusunun qıcqırması hesabına qalır.
Düzgün qoyulmuş silos bir necə il saxlana bilir və şirəli yem ehtiyatı yaratmağa imkan
verir.
Siloslama texnologiyasına ciddi əməl etməklə yanaşı onun saxlanmasına da diqqət
yetirilməlidir. Əks təqdirdə yemin qidalılıq dəyəri və bioloji əhəmiyyəti aşağı düşür. Qıcqırmış
silos (yüksək yağ və sirkə turşusu tərkibli) mal qaranın yemləndirilməsi üçün yararsızdır.
Silosun nəmliyi 60-70 %, turşuluğu pH-4,2 olmalıdır. Silos donmaya məruz qalmamalıdır. Silos
kütləsində qida maddələrinin ümumi itkisi 12-34 %, siloslaşma texnologiyasının pozulmasında
isə 40% və daha artıq olur.
Siloslaşdırma prosesində otun tərkibində olan şəkərlər süd turşusuna, sirkə, protein və
digər üzvi turşulara çevrilir. Siloslaşan kütlədə şəkər çox olduqca onun silosunda daha çox
turşuluq ( pH 4 - 4,2 ) olur. Bu proses süd turşusunu qıcqırdan anaerob bakteriyalarla aparılır.
Qarğıdalı, günəbaxan, sorqo, gülül, vələmir qarışığı asan, xəşəmbül, gülül, üçyarpaq yonca çətin
siloslaşır.
Siloslaşma zamanı bioloji proseslər hesabına yemdə olan qida maddələrinin 4-5%-i itirilir.
Siloslaşdırılan kütlədə nəmlik 75%-dən çox olduqda onun şirəsinin axması hesabına daha çox
quru maddə itkisinə yol verilir. Xəndəklərdə siloslaşdırarkən yemlərin quru maddəsinin 12-15%-
i, yerüstü qurğularda isə 30-50%-i itirilir.
Silos şirəli yem olmaqla yaşıl yemlərdən az fərqlənir. Yaşıl otdan hazırlanan silosda həzm
olunan proteinin miqdarı daha yüksək olur. Silos qışda və yayda çox əlverişli şirəli yemdir.
Silos üçün tədarük edilən ot kütləsinin nəmliyi 60-75% olmalıdır. 75%-dən çox olduqda
ona 10-20% miqdarında doğranmış küləş qatılmalıdır.
Siloslaşdırma zamanı yaş kütləyə müxtəlif konservantlar (karbamid və digər azotlu
maddələr) da qatırlar.
Təbii yem otları-sudan otu, macar, çöl lərgəsi, çöl noxudu, sorqo, taxıl və paxlalı otların
qarışığı yaxşı siloslaşırlar.
Siloslaşdırmaq üçün otun biçin dövrünü düzgün təyin etmək lazımdır. Həm də biçilən
otdan dərhal silos basdırılmalıdır. Çünki siloslaşma gecikdirilərsə yemdə karotin və şəkər itkisi
artır. Bəzən də biçilən kütlə çox quruyub silos üçün yararsız hala düşür. Çirklənmiş xammal isə
silos üçün yararsız hesab edilir.
Zülalla zəngin olan çətin siloslaşan yaşıl kütləni, qırmızı və ağ üçyarpaq yoncanı
siloslaşdırarkən silosa xüsusi süd turşusu bakteriyaları əlavə edilməlidir.
Siloslanmayan bitkiləri isə yaxşı siloslaşan bitkilərlə qarışdırıb siloslaşdırmaq olar.
Qarğıdalı yaşıl kütləsini dənin-süd mum yetişmə fazasında, çoxillik paxlalı otları, məsələn
yoncanı isə qönçələmə-çiçəkləmə fazasında silos üçün yığmaq məsləhət görülür.
Mövzunun aktuallığı. Yaxşı keyfiyyətli silos hazırlamaq üçün əvvəlcə kütləni havadan
təcrid etmək lazımdır ki, bitkilərin tənəffüsü və silos kütləsinin qızışıb yanması baş verməsin.
Siloslaşdırma zamanı mikrobioloji proseslərin nizamlanmasına bitkilərin xırdalanma dərəcəsi ilə
də nail olmaq olar. Bitki kütləsinin nəmliyindən asılı olaraq, doğranmış yemin uzunluğu
dəyişməlidir. Nəmlik 70%-dən aşağı olduqda bu göstərici 20-30 mm və daha xırda olmalıdır.
Nəmliyi 70%-dən yüksək olan bitki kütləsini 40-50 mm uzunluqda doğramaq lazımdır. Bundan
xırda doğrandıqda bitki hüceyrələrindən şirə axması yüksəlir, nəticədə itki çoxalır və silosun
keyfiyyəti aşağı düşür.
Silosun keyfiyyəti əsasən bitkilərin biçilmə dövrü ilə müəyyənləşdirilir. Qarğıdalı üçün bu
müddət dənin süd-mum yetişkənliyi fazasıdır. Qarğıdalı dəninin mum yetişkənliyi dövründə
siloslaşdırılmasının xüsusiyyəti bitkilərin xırdalanmasında və kütlənin sıxlaşdırılmasında özünü
göstərir. Dənin mum yetişkənliyi fazasında qarğıdalı bitkisinin orta nəmliyi adətən 62-68%,
gövdələri isə qartlaşmış olur. Qarğıdalı dənin süd və süd-mum yetişkənliyi fazasının sonunda isə
Dostları ilə paylaş: |