70-73% nəmliyə malik olur. Bitkinin gövdəsində şəkərin miqdarı 12-16% təşkil edir.
Mikrobioloji proseslər nəticəsində şəkərin əsas kütləsi qıcqırır. Bundan əlavə, qarğıdalıda kifayət
qədər çox (5%-dək) polisaxaridlər vardır. Siloslaşma zamanı bunlar demək olar ki, tamamilə
şəkərə hidroliz olunur və qıcqırır. Odur ki, mikrobioloji proseslərin intensivliyini azaltmaq üçün
qarğıdalının doğranma uzunluğu 20 mm təşkil etməlidir. Dənin süd-mum yetişkənliyində
qarğıdalını şaxtalar düşməmiş silos üçün biçirlər, çünki şaxta vurmuş yarpaqlar tezliklə quruyub
tökülür.
Qarğıdalı dünya miqyasında daha geniş yayılmış taxıl bitkisidir. Yer kürəsində əkin
sahəsinə görə buğdadan sonra ikinci yeri tutur. Qarğıdalı uzun müddətli becərmə və böyük
seleksiya işləri sayəsində hal-hazırda ən yüksək məhsuldar və silosluq bitki olmuşdur. 1
hektardan alınan 300 sentner qarğıdalı məhsulunun yaşıl kütləsində 6 min yem vahidi vardır.
Ondan dən, silos, furaj alınır, müxtəlif sahələrdə texniki və istehsalat ehtiyaclarını ödəmək üçün
istifadə edilir.
Qarğıdalı dənində karbohidrat (65-75%), zülal (9-12%), yağ (4-8%), mineral duzlar və
vitaminlər vardır. Onun dəni keyfiyyətli yemdir. Qarğıdalı karotinlə zəngin olduğuna görə yaşıl
yem kimi daha geniş istifadə olunur (şəkil 1).
Qarğıdalı yığıldıqdan sonra sahədə qalan qurumuş yarpaqlardan, gövdələrdən və qıca
zoğlarından yem üçün istifadə olunur.
100 kq qarğıdalı küləşində 37, 100 kq xırdalanmış zoğda isə-35 yem vahidi vardır.
Tədqiqat işinin məqsədi və elmi yenilikləri. Qarğıdalı silosunda 17%-ə yaxın şəkər, 7-
8% protein, çoxlu karotin və C vitamini vardır. Qıçaların süd-mum yetişkənliyi fazasında
hazırlanmış silos qidalılığına görə digər bitkilərdən hazırlanmış silosdan dəfələrlə üstündür.
Qarğıdalının yüksək qidalılıq dəyəri və enerji konsentrasiyası hesabına heyvandarlığın
rentabelliyini artırmaq mümkündür. 1 kq dəndə 1, 34 yem vahidi və 78 q həll olmuş zülal var.
Bu kombikormların qiymətli komponentidir. Lakin qarğıdalı dəninin zülalı aminturşularından
(lizin və triptofan) kasad və yem nöqteyi nəzərindən az qiymətli sayılan kazein zülalı ilə
zəngindir.
Şəkil 1. Qarğıdalı sahəsinin ümumi görünüşü.
Silos üçün qarğıdalı qıçalarda dənlər sütül-mum yetişkənliyinə daxil olduğu dövrdə yığılır.
Yığım mütəşəkkil və qısa müddətdə başa çatdırılmalıdır. Yığım müddətinin ləngidilməsi silosluq
kütlənin keyfiyyətini aşağı salır.
Qarğıdalının yaşıl kütləsinin sütül-mum yetişkənliyində olan qıçaları ilə birlikdə
siloslaşdırılması şirəli yemlərin ehtiyatını artırır, mal-qaranın məhsuldarlığını yüksəldir, ət və
süd çıxımını çoxaldır, onların maya dəyərini aşağı salır.
Süd-mum yetişkənliyində olan qarğıdalının tərkibində 75-80%, vegetasiyanın daha erkən
mərhələsində isə 85-87% su olur. Tərkibində bu qədər suyu olan qarğıdalını silosladırdıqda quru
maddələrin itkisi kəskin surətdə artır. (C. Səttarov 1966). Aparılan tədqiqatlardan fərqli olaraq
qarğıdalının 2-3 sm uzunluğunda doğranmasını məqsədəuyğun bilmişik.
Yonca-yüksək məhsuldar inəklər üçün ideal yemdir. Quraqlıq yerlərdə, xüsusən də yayda
qiymətli yem bitkisi hesab olunur. Hər bir bitkinin qidalılıq dəyəri müxtəlif amillərdən, o
cümlədən inkişaf fazasından asılı olaraq, kəskin surətdə fərqlənir. Tədqiqatlar nəticəsində sübut
olunmuşdur ki, yonca bitkisi qönçələmə fazasına çatdiqda hər hektar sahədən daha çox protein,
yağ, mineral maddələr toplanır. Yonca bitkisinin keyfiyyət göstəriciləri, qidalılıq dəyəri onun
qönçələmə fazasında daha çox olur. Buna görə yonca tam qönçələmə fazasında olarkən silos
hazırlığı üçün çalınmalıdır (şəkil 2).
Yonca yüksək qidalılıq dəyərinə görə fərqlidir. Ağstafa-1 və Abşeron sortları üzrə yaşıl
kütləsində 18-22% protein, 2,8-4,0% yağ, 23-33% sellüloza, 32-44% AEM və 9,7-10,6% kül
vardır. Tərkibində çoxlu əvəzolunmaz amin turşuları, fosfor 0,24%, kalsium 1,49% və kifayət
qədər heyvan orqanizminə lazım olan bütün vitaminlər vardır. 2,2 kq quru yonca otunda 1 yem
vahidi vardır. Qida maddələrinin həll olması 70-80%-ə çatir.
Ümumiyyətlə, yemlərin paxlalılardan hazırlanmış bütün növləri yalnız zülal çatışmazlığını
deyil, həmçinin əvəz olunan və əvəz olunmayan amin turşularının, vitaminlərin, mineral
maddələrin və mikroelementlərin də çatışmazlığını aradan qaldırır.
Yonca kimi bir yem bitkisinin bütün müsbət keyfiyyətlərini bilərək və bunu nəzərə alaraq,
qarğıdalı ilə yoncanın müxtəlif faiz tərkibli qarışığından hazırlanmış silosun keyfiyyət
göstəricilərini tədqiq etmək qarşımıza mühüm məsələ kimi qoyulmuşdur.
Şəkil 2: Silosluq yonca sahəsinin ümumi görünüşü.
Apardığımız tədqiqatlarla müəyyənləşdirdik ki, heç bir digər yem bitkisində yonca kimi
yem rasionunu bu qədər zənginləşdirən zülal və sellüloza yoxdur. Zülal tərkibi süddə zülalın
miqdarını və süd məhsuldarlığını artırır. Xam sellüloza isə həzmi və gövşəmə fəaliyyətini
stimullaşdırır.Yoncanın çoxsaylı vitamin və mineralları maddələr mübadiləsinə və sağlamlığa,
çox miqdarda beta-karotin isə heyvanların nəsil artırma qabiliyyətinə pozitiv təsir göstərir.
Enerji tərkibi nisbətən aşağıdır, nadir hallarda 5,3 MÇ-dur. Tədqiqatlar göstərir ki, mal-qara
otlardan (küləş, silos) daha çox keyfiyyətli yoncanı (küləş, silos) 30% daha çox yeyirlər.
Yoncanın gövdə və yarpaqlarının tez soluxması silos hazırlama prosesi üçün əsas
problemdir. Nəticə etibarı ilə fövqəladə itki baş verir. Aşağı dərəcədə şəkərə və yüksək tərkibli
zülala görə siloslama çətin aparılır. Bioloji siloslayıcı preparatların istifadəsi də çox təcrübələrdə
özünü doğrultmamışdır.
Dostları ilə paylaş: |