Azərbaycan Respublikası Prezidentinin İşlər İdarəsinin prezident kitabxanasi
Yüklə 1,55 Mb. Pdf görüntüsü
|
- Bu səhifədəki naviqasiya:
- Azərbaycan SSR-in Dövlət bayrağı haqqında Əsasnamənin tətbiqinə dair 4 iyun 1956-ci il tarixli Təlimat
- Dövlət orqanlarının və ictimai orqanların, təşkilatlarin və vəzifəli şəxslərin bayraqları və vimpelləri haqqında Azərbaycan SSR Ali Soveti Rəyasət Heyətinin Fərmanı
Azərbaycan Respublikası Prezidentinin İşlər İdarəsinin PREZİDENT KİTABXANASI ————————————————————————————————————————————————————————————————————
39 Azərbaycan SSR-in Dövlət bayrağı dövlət orqanları və ictimai orqanlar, müəssisələr, idarələr və təşkilatlar tərəfindən keçirilən mərasimlər və digər təntənəli tədbirlər zamanı da qaldırıla bilər. 4. Azərbaycan SSR-in Dövlət bayrağı SSRİ-nin Dövlət bayrağı ilə eyni zamanda qaldırılarkən Azərbaycan SSR-in Dövlət bayrağının ölçüsü SSRİ-nin Dövlət bayrağının ölçüsündən böyük ola bilməz. 5. Azərbaycan SSR-in Dövlət bayrağı və onun təsviri, onların ölçüsündən asılı olmayaraq bu Əsasnaməyə əlavə edilən rəngli və sxematik təsvirlərə həmişə dəqiq surətdə uyğun gəlməlidir. 6. Bu Əsasnamənin tətbiqi qaydalarını Azərbaycan SSR Nazirlər Soveti muəyyən edir.
Azərbaycan Respublikası Prezidentinin İşlər İdarəsinin PREZİDENT KİTABXANASI ————————————————————————————————————————————————————————————————————
40 Azərbaycan SSR-in Dövlət bayrağı haqqında Əsasnamənin tətbiqinə dair 4 iyun 1956-ci il tarixli Təlimat
(Azərbaycan SSR Nazirlər Sovetinin 1981-ci il 25 may tarixli qərarının redaksiyasında) Azərbaycan SSR Nazirlər Sovetinin 1956-ci il 4 iyun tarixli 275 nömrəli qərari ilə təsdiq edilmişdir. (Azərbaycan SSR Nazirlər Sovetinin 1981-ci il 25 may tarixli 241 nömrəli qərarının redaksiyasında - Azərbaycan SSR QK, 1981-ci il, № 147, maddə 10)
1. Azərbaycan SSR-in Dövlət bayrağı Azərbaycan SSR-in Dövlət bayrağı haqqında Əsasnamənin 3-cü maddəsinin 3-cü bəndində sadalanmış binalar üzərində aşağıdakı hallarda qaldırılır: a) Fevralın 23-də, martın 8-də, aprelin 22-də, aprelin 28-də, mayın 1 və 2-də, mayın 9-da, oktyabrın 7- də, noyabrın 7 və 8-də, dekabrın 30-da; b) digər bayram və xatirə günlərində - Azərbaycan SSR Nazirlər Sovetinin, Naxçıvan MSSR Nazirlər Sovetinin, Dağlıq Qarabağ Muxtar Vilayəti Xalq Deputatları Soveti İcraiyyə Komitəsinin, ra-yon, şəhər və şəhərdə rayon xalq deputatları Sovetləri icraiyyə komitələrinin göstərişi və ya icazəsi ilə. 2. Müəssisə, idarə və təşkilatlar tərəfindən keçirilən mərasimlər və digər təntənəli tədbirlər zamanı Azərbaycai SSR-in Dövlət bayrağı yuxarı idarə və ya təşkilatın rəhbərinin icazəsi ilə qaldırılır. 3. Bayram və xatirə günlərində Azərbaycan SSR-in Dövlət bayrağı, əgər Azərbaycan SSR Nazirlər Sovetinin, Naxçıvan MSSR Nazirlər Sovetinin, Dağlıq Qarabağ Muxtar Vilayəti İcraiyyə Komitəsinin, rayon, şəhər, şəhərdə rayon xalq deputatları Sovetləri icraiyyə komitələrinin xüsusi sərəncamı yoxdursa, saat 6-da qaldırılır və saat 24-də endirilir. 4. Qaldırılmış dövlət bayraqları bütöv olmalı, solğun olmamalıdır. Azərbaycan SSR-in Dövlət bayrağı ya bayraq ağacı, ya da xüsusi tutqaclara bərkidilən dəstək uzərində qaldırılır. Azərbaycan SSR-in qaldırılmış Dövlət bayrağı darçasının aşağı qurtaracağı yerdən azı üç metr hündürlükdə olmalıdır. 5. Matəm münasibəti ilə Azərbaycan SSR-in Dövlət bayrağı Azərbaycan SSR Nazirlər Sovetinin göstərişi və ya icazəsi ilə matəm tərtibatında qaldırıla bilər. Belə hallarda Azərbaycan SSR-in Dövlət bayrağı dəstəyinin və ya ağacının yuxarı ucuna eni 10 santimetr olan qara lent bərkidilir, lentin hər iki ucu bayrağın bütün parçası boyunca sallanır. 6. Azərbaycan SSR-in Dövlət bayrağı SSRİ-nin Dövlət bayrağı ilə birgə qaldırıldıqda Azərbaycan SSR- in Dövlət bayrağının ölçüsü SSRİ-nin Dövlət bayrağının ölçüsündən artıq ola bilməz. Belə hallarda bayraqların olduğu tərəfdən baxıldıqda, SSRİ-nin Dövlət bayrağı sağ tərəfdən, Azərbaycan SSR-in Dövlət bayrağı sol tərəfdən qaldırılmalı və yerləşdirilməlidir. 7. Azərbaycan SSR-in Dövlət bayrağı SSRİ-nin Dövlət bayrağı və hər hansı bir başqa ölkənin Dövlət bayrağı ilə birgə qaldırılarsa, bayraqların olduğu tərəfdən baxıldıqda, Azərbaycan SSR-in Dövlət bayrağı SSRİ Dövlət bayrağından solda, başqa ölkənin Dövlət bayrağı isə sağda asılır. 8. Azərbaycan SSR-in Dövlət bayrağı haqqında Əsasnamədə və bu Təlimatda şərh olunmuş tələblərə əməl edilməklə Azərbaycan SSR-in Dövlət bayrağının müəssisə, idarə və təşkilatlar üzərində qaldırılması üçün məsuliyyət həmin müəssisə, idarə və təşkilatların rəhbərlərinə, yaşayış evləri üzərində qaldırılması üçün məsuliyyət isə ev müdirlərinə və ev (şəxsi mülkiyyət hüququ ilə məxsus olan ev) sahiblərinə tapşırılır. 9. Azərbaycan SSR-in Dövlət bayrağı haqqında Əsasnamənin və bu Təlimatın dürüst yerinə yetirilməsinə nəzarət etmək yerli dövlət hakimiyyəti və idarə orqanlarına tapşırılır. Mənbə: Azərbaycan SSR qanunlar toplusu, I cild , Bakı, 1984, səh.336-337. Azərbaycan Respublikası Prezidentinin İşlər İdarəsinin PREZİDENT KİTABXANASI ————————————————————————————————————————————————————————————————————
41 Dövlət orqanlarının və ictimai orqanların, təşkilatlarin və vəzifəli şəxslərin bayraqları və vimpelləri haqqında Azərbaycan SSR Ali Soveti Rəyasət Heyətinin Fərmanı (16 mart 1981)
tarixli qanunu ilə təsdiq edilmişdir (Azərbaycan SSR Ali Sovetinin Məlumatı, 1981-ci il, № 5—6, maddə 72)
SSRİ Ali Soveti Rəyasət heyətinin 1980-ci il 15 avqust tarixli Fərmanına uyğun olaraq Azərbaycan SSR Ali Sovetinin Rəyasət heyəti qərara alır:
1. Müəyyən edilsin ki, SSR İttifaqının və Azərbaycan SSR-in qanunvericiliyində və ya müvafiq ictimai təşkilatların nizamnamələrində nəzərdə tutulan hallarda Azərbaycan SSR dövlət və ictimai orqanlarının, təşkilatlarının və onların vəzifəli şəxslərinin rəmzi və fərqlənmə nişanları olan bayraqları və vımpelləri ola bilər. 2. Azərbaycan SSR dövlət və ictimai orqanlarının, təşkilatlarının və onların vəzifəli şəxslərinin bayraqları və vımpelləri Azərbaycan SSR Nazirlər Soveti tərəfindən və ya onun müəyyən etdiyi qaydada təsdiq olunur. Göstərilən bayraqların və vımpellərin qaldırılması qaydaları Azərbaycan SSR Nazirlər Soveti tərəfindən qoyulan qaydada müəyyən edilir. 3. Azərbaycan SSR dövlət və ictimai orqanlarının, təşkilatlarının və onların vəzifəli şəxslərinin bu Fərman verilənədək qüvvədə olan qaydada təsdiq edilmiş müvafiq bayraqlara və vımpellərə malik olmaq hüququ saxlanılır. 4. Azərbaycan SSR dövlət və ictimai orqanlarının, təşkilatlarının və onların vəzifəli şəxslərinin mövcud olan digər sovet bayraqlarına və vımpellərinə, xarici bayraqlara və vımpellərə oxşayan bayraqlarının və vımpellərinin təsdiq edilməsinə yol verilmir. Beynəlxalq təşkilatların nizamnamələrində və ya beynəlxalq müqavilələrdə nəzərdə tutulmuş emblemlər və başqa nişanlar təsvir edilən bayraqların və vımpellərin təsdiq edilməsinə də yol verilmir, bu şərtlə ki, müvafiq nizamnamələrdə və ya müqavilələrdə başqa qayda nəzərdə tutulmamış olsun. 5. «Dövlət orqanlarının və ictimai orqanların, təşkilatların və vəzifəli şəxslərin bayraqları və vımpelləri haqqında» SSRİ Ali Soveti Rəyasət heyətinin 1980-ci il 15 avqust tarixli Fərmanının (SSRİ Ali Sovetinin Vedomostları, 1980-ci il, № 34, maddə 693) 6-cı maddəsinə uyğun olaraq bütün dövlət orqanlarının və ictimai orqanların, təşkilatların və vəzifəli şəxslərin bayraqları və vımpelləri SSRİ Nazirlər Soveti tərəfindən müəyyən edilən qaydada qeydə alınmalıdır. Müəyyən olunmuş qaydada qeydə alınmayan bayraqlardan və vımpellərdən istifadə etməyə icazə verilmir.
Yüklə 1,55 Mb. Dostları ilə paylaş:
|