Azərbaycan Respublikası Prezidentinin İşlər İdarəsinin
PREZİDENT KİTABXANASI
————————————————————————————————————————————————————————————————————
60
Azərbaycan Respublikasının Prezidenti yanında
Heraldika Şurasının tərkibinin təsdiq edilməsi haqqında
Azərbaycan Respublikası Prezidentinin Sərəncamı
(7 fevral 2006)
Azərbaycan Respublikasının Prezidenti yanında Heraldika Şurasının fəaliyyətini təmin etmək
məqsədi ilə qərara alıram:
1.
Azərbaycan Respublikasının Prezidenti yanında Heraldika Şurasının aşağıdakı tərkibi
təsdiq edilsin:
Şuranın sədri
Mehdiyev Ramiz Ənvər oğlu - Azərbaycan Respublikası Prezidentinin İcra Aparatının
rəhbəri
Şuranın sədr müavini
Kərimov Mahmud Kərim oğlu - Azərbaycan Milli Elmlər Akademiyasının
Prezidenti
Şuranın üzvləri:
Abdullayev Kamal Mehdi oğlu - Azərbaycan
Mədəniyyət Fondunun sədri
Abdullazadə Fatma Hüseyn qızı - Azərbaycan Respublikası Prezidentinin İcra Aparatının
Humanitar siyasət məsələləri şöbəsinin müdiri
Bağırov Elçin Tələt oğlu - Azərbaycan Respublikası Prezidentinin Protokol Xidmətinin
rəisi
Eldarov Ömər Həsən oğlu - Azərbaycan Rəssamlıq Akademiyasının
rektoru
Əliyev Şahin Məhərrəm oğlu - Azərbaycan Respublikası Prezidentinin İcra Aparatının
Qanunvericilik və hüquq ekspertizası məsələləri şöbəsinin müdiri
Xəlilov Fərhad Qurban oğlu - Azərbaycan Rəssamlar İttifaqının sədri
İbrahimbəyov Maqsud Məmmədibrahim oğlu - Xalq yazıçısı
Qarayev Əbülfəz Mürsəl oğlu - Azərbaycan Respublikasının
mədəniyyət və turizm naziri
Mahmudov Yaqub Mikayıl oğlu - Azərbaycan Milli Elmlər Akademiyasının Tarix
İnstitutunun direktoru
Məmmədov Tokay Həbib oğlu - Xalq rəssamı
Məmmədova Gülçöhrə Hüseyn qızı - Azərbaycan Memarlıq və İnşaat Universitetinin
rektoru
Nəbiyev Bəkir Əhməd oğlu - Azərbaycan Milli Elmlər Akademiyasının Ədəbiyyat
İnstitutunun direktoru
Salahov Tahir Teymur oğlu - Xalq rəssamı
Vəlixanlı Nailə Məmmədəli qızı - Azərbaycan
Tarixi Muzeyinin direktoru
2. Bu Sərəncam dərc edildiyi gündən qüvvəyə minir.
İlham ƏLİYEV
Azərbaycan Respublikasının Prezidenti
Bakı şəhəri, 7 fevral 2006-cı il
Azərbaycan Respublikası Prezidentinin İşlər İdarəsinin
PREZİDENT KİTABXANASI
————————————————————————————————————————————————————————————————————
61
Azərbaycan Respublikasının paytaxtı Bakı şəhərində Dövlət bayrağı meydanının yaradılması
haqqında Azərbaycan Respublikası Prezidentinin Sərəncamı
(
17 noyabr 2007)
Azərbaycan Respublikasının Dövlət bayrağı Dövlət gerbi və Dövlət himni kimi Azərbaycan
Respublikasının müstəqilliyini təcəssüm etdirən rəsmi dövlət rəmzidir. Dövlət atributu olaraq Azərbaycan
bayrağına ehtiram göstərilməsi ölkə vətəndaşlarının müqəddəs borcudur. Azərbaycan əsgəri Vətənin
suverenliyinin və ərazi bütövlüyünün qorunması ilə bağlı ali missiyanı öz üzərinə götürərkən Dövlət bayrağına
and içir. Dövlət bayrağının Azərbaycan Respublikasının dövlət qurumlarının və diplomatik nümayəndəliklərinin
üzərində dalğalanması, ən mötəbər məclislərdə və mərasimlərdə, rəsmi tədbirlərdə və yarışlarda qaldırılması hər
bir azərbaycanlının qəlbini qürur hissi ilə doldurur.
Azərbaycanın Dövlət bayrağı ilk dəfə Azərbaycan Xalq Cümhuriyyətinin 1918-ci il 9 noyabr tarixli qərarı
ilə milli bayraq kimi qəbul edilmiş və 1920-ci ilin aprelinə qədər dövlət rəmzi kimi istifadə olunmuşdur.
Tariximizin sovet dövründə o, Azərbaycan Sovet Sosialist Respublikasının bayrağı ilə əvəz edilmişdir.
Dağlıq Qarabağ ətrafında cərəyan edən ictimai-siyasi proseslər zamanı ziyalıların təşəbbüsü ilə
Azərbaycan Xalq Cümhuriyyətinin bayrağı qeyri-rəsmi olaraq 1988-ci il noyabrın 17-də Bakıda indiki Azadlıq
meydanında qaldırılmışdır. Rəsmi olaraq bu bayraq Azərbaycan ərazisində Naxçıvan Muxtar Respublikası Ali
Sovetinin 1990-cı il 19 yanvar tarixli qərarı əsasında Naxçıvan Ali Sovetinin binası üzərində ucaldılmışdır.
Həmin qərar səkkiz gün sonra Azərbaycan SSR Ali Soveti tərəfindən ləğv edilsə də, 1990-cı il noyabrın 17-də
Naxçıvan Muxtar Respublikası Ali Məclisinin ümummilli lider Heydər Əliyevin sədrliyi ilə keçirilən
sessiyasında Azərbaycan Xalq Cümhuriyyətinin bayrağı Naxçıvan Muxtar Respublikasının dövlət bayrağı kimi
qəbul olunmuşdur. 1991-ci il fevralın 5-də Azərbaycan ictimaiyyətinin tələbi ilə Azərbaycan Respublikasının
Ali Soveti Dövlət bayrağı haqqında Qanun qəbul edərək üçrəngli bayrağa Azərbaycan Respublikasının dövlət
bayrağı statusunu vermişdir.
1991-ci il oktyabrın 18-də müvafiq Konstitusiya aktı ilə dövlət müstəqilliyini bərpa edən Azərbaycan
Respublikası özünü Azərbaycan Xalq Cümhuriyyətinin varisi elan edərkən onun dövlət rəmzlərini, o cümlədən
Dövlət bayrağını qəbul etmişdir.
Azərbaycan Respublikasının Dövlət bayrağının Azərbaycan vətəndaşlarının milli həmrəyliyinin, vahid
məfkurə ətrafında sıx birləşmələrinin başlıca amillərindən biri olduğunu nəzərə alaraq və onun təbliğinin daim
diqqət mərkəzində saxlanılmasını təmin etmək məqsədilə qərara alıram:
1. Azərbaycan Respublikasının paytaxtı Bakı şəhərində Dövlət bayrağı meydanı yaradılsın.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
3. Bu Sərəncam imzalandığı gündən qüvvəyə minir.
İlham ƏLİYEV
Azərbaycan Respublikasının Prezidenti.
Bakı şəhəri, 17 noyabr 2007-ci il.