27
ərzində 1,0 q (0,25 x 4) qəbul edə bilir. Yaşı 60-dan yuxarı və çəkisi 50 kq-dan az
olan xəstələr üçün preparatın dozası 0,5 qramdır. Preparat mərkəzi sinir sisteminə
toksiki təsir edir. Xəstələrdə baş ağrısı, yuxusuzluq, bəzən əksinə yuxululuq,
yaddaşın pozulması və s. hallar müşahidə olunur. Cərrahi əməliyyatlardan öncə
preparatın təyin edilməsi məsləhət deyil. Bütün bunları nəzərə alaraq sinir - psixiki
pozğunluqlara malik xəstələrə preparatın təyin edilməsi zamanı ehtiyatlı olmaq
lazımdır.
PAST (PAS) (para-aminosalisilat natrium) preparatın bakteriostatik aktivliyi
əsas spesifik qrupa aid olan dərmanlardan izoniazidə və streptomisinə nisbətən
zəifdir. Sutkalıq dozası 9-12 qramdır (3-4 q x 2-3 dəfə gün ərzində). PAST yeməkdən
sonra süd və ya qələvi mineral sularla içilməlidir. Mədə - bağırsaq traktında dispeptik
əlamətlərin qarşısını almaq üçün düzgün qida rejiminin tətbiq edilməsi vacibdir
(qidanın günün eyni vaxtında qəbulu, qidanın gündə 3 dəfə qəbulu, həddindən artıq
qida qəbul etməmək və s.). Preparatın qəbulu çətinlik törətdikdə sutkalıq dozanı 6
qrama endirmək olar. Dərmanın qəbulu üçün əks göstəriş mədə və 12 - barmaq
bağırsağın xora xəstəliyi, qastrit, qara ciyər xəstəlikləri (hepatit, qara ciyərin sirrozu),
nefrit, amilaidoz, qalxanvari vəzin hipofunksiyası və s. sayılır.
PAST vena daxilinə 3% 300-400 ml məhlul şəklində (100 ml məhlulla 0,5 q
stabilizator - ranqalit əlavə edilməklə) təyin edilə bilir (dəqiqədə 30-40 damcı 2-3
saat müddətində). Eyni zamanda, hətta vena daxilinə 5% izoniazid və 0,5-1 q
streptomisin, kalsi xlor duzu da yeridilə bilər. Məhlulu hazırlamaq üçün apirogen
distillə edilmiş sudan istifadə edilir. Sterilizasiyadan sonra məhlul şəffaf, rəngsiz,
iysiz olmalıdır. Preparat vena daxilinə ehtiyatla köçürülməlidir. Manipulyasiyadan
sonra xəstə 1-2 saat sakit uzanmalıdır. Manipulyasiya zamanı xəstədə toksiko-
allergik reaksiyalar müşahidə oluna bilər. Hətta, anafilaktik şok baş verə bilər.
PAST-ın vena daxilinə təyini flebit və tromboflebit xəstəliklərində, qanın
laxtalanması yüksək olduqda, dərmanlara qarşı allergiya müşahidə edildikdə,
hamiləlik zamanı, ürək-damar xəstəliklərində (hipertoniya, yayılmış ateroskleroz,
ürək-damar çatmamazlığının dekompensasiya fazasında), qara ciyərin və ya böyrəyin
xəstəliklərində (nefrit, sirroz), ağ ciyər qanaxmalarında, epilepsiya, miksedema
xəstəliklərində əks göstərişdir. Vərəm əleyhinə preparatların peroral təyini ağız
boşluğunun və mədə-bağırsaq sisteminin selikli qişasının zədələnməsinə səbəb ola
bilir. PAST-ın Na duzu xlorid turşusunu neytrallaşdırır. Bu zaman mədənin selikli
qişasını qıcıqlandıran təmiz PAST- ı su yaranır. PAST-ın uzun müddətli və düzgün
olmayan şəraitdə saxlanılması zamanı meta-aminofenol qarışığının yaranması baş
verir ki, bu da selikli qişanın əlavə zədələnməsinə gətirib çıxarır. Əlavə təsirlər,
əsasən iştahanın pozulması, ağızda metal dadının yaranması, ürəkbulanma, qusma,
28
diareya, mədə sekresiyasının dəyişilməsi ilə özünü biruzə verir. Xəstələrin yarısında
kimyəvı terapiyanın 4-5-ci ayında dizbakterioz yaranır. Vitamin, xüsusən B qrup
vitaminlərinin mübadiləsi əsaslı sürətdə pozulur. Spesifik dərmanlardan rifampisin,
pirazinamid əsasən etambutol və levofloksasin ilə kombinə edildikdə mədəaltı vəzin
funksional fəaliyyətinin həm ekskretor zonasının, həm də insulyar aparatının
pozulması baş verə bilir. Ağ ciyər vərəmi olan xəstələrdə yanaşı “şəkərli diabet”
xəstəliyi varsa, yuxarıda göstərilən preparatlar və eləcə də nadir hallarda izoniazid,
mədəaltı vəzin fəaliyyətində olan dəyişikliyi daha da dərinləşdirir. Nəticədə diabet
xəstəliyi ağırlaşır.
Vərəm əleyhinə preparatların əksəriyyəti sidiklə xaric olur ki, bu da onların
nefrotoksiki təsirinə səbəb ola bilir. Böyrəklərə streptomisin, kanamisin, rifampisin,
nadir hallarda PAST toksiki təsir göstərir. Bu preparatlarla müalicə fonunda
mikrohematuriyanın, albuminuriyanın yaranması, böyrəklərin yumaqcıq, kanal və
ekstramedulyar aparatının morfoloji dəyişikliyi ilə əlaqəli funksional fəaliyyətinin
nəzərə çarpacaq dərəcədə pozulduğunu göstərir. Yumaqcıq filtrasiyasının zəifləməsi
azot ifrazı funksiyasını pozur. Böyrəklərin qatılaşdırma funksiyasının azalması
nəticəsində dərin, bəzən geriyə dönməyən dəyişikliklər baş verə bilir.
Vərəm əleyhinə preparatlar yalnız insulyar aparatı deyil, digər endokrin
vəzilərə də toksiki təsir edə bilirlər. Etionamidin, PAST-ın antitiroid təsiri haqqında
məlumat mövcuddur. Kişilərdə ginekomastiya, qadınlarda menstrual tsiklin
pozulması izoniazid, etionamid qəbulunda müşahidə edilir.
Xəstələrin əksər hissəsində kimyəvi terapiyanın altıncı ayında vitamin
mübadiləsində nəzərə çarpacaq dəyişikliklər müşahidə olunur. Bağırsaqlarda baş
verən dəyişikliklər nəticəsində vitamin çatmazlığı, əsasən B qrup vitaminlərin
bakterial sintezi və sorulması prosesi kəskin şəkildə pozulur. Vitamin
mübadiləsinin pozulması sinir sistemi tərəfindən astenovegetativ sindrom,
ensefalopatiya şəklində özünü biruzə verir. Həmçinin miokardın, qara ciyərin
funksional fəaliyyətinin dəyişikliyini yarada bilir.
PAST rifampisinin sorulmasının qarşısını alır. Ona görə də, 8 saat intervalla
təyin olunmalıdır. PAST aminoqlükozidlərin antibakterial təsirini azaldır. Eləcə də,
B
12
vitamininin mənimsənilməsini 55% halda zəiflədir. PAST-ın qəbulu diqoksinin
qanda 40% enməsinə səbəb olur.
Dərmana davamlı vərəmin müalicəsində istifadə olunan yeni preparatlar
Dərmana davamlı vərəmin müalicəsində effektivliyi və eləcə də uzun
müddətli qəbulu zamanı təhlükəsizliyinə dair məhdud məlumat olan vərəm əleyhinə
dərman vasitələri bu qrupa aiddir. Bu dərmanlar 1-4-cü qrupa daxil olan dərman