46
Azərbaycan dili və onun tədrisi metodikası kafedrası. Azərbaycan dili və
onun tədrisi metodikası kafedrasının əsası 1959 - cu ildə qoyulmuşdur. Kafedra ali
təhsilin bakalavriat pilləsində Azərbaycan dili və ədəbiyyatı müəllimliyi, ibtidai
sinif müəllimliyi, magistratura pilləsində isə Azərbaycan dili və ədəbiyyatın tədrisi
metodikası və metodologiyası istiqamətləri üzrə əsas aparıcı ixtisas kafedrasıdır.
Kafedra yüksək ixtisaslı mütəxəssislərin hazırlanması üçün bir çox sahələri əhatə
edən 20 - dən çox müxtəlif fənnin tədrisini həyata keçirir. Kafedranın tədris etdiyi
fənlər yüksək ixtisaslı mütəxəssislər tərəfindən Azərbaycan dilində tədris olunur.
Azərbaycan dili və onun tədrisi metodikası kafedrasının professor – müəllim
heyətinin tərkibi və kafedranın ümumi dərs yükü aşağıdakı kimidir.
Ədəbiyyat və onun tədrisi metodikası kafedrası. “Ədəbiyyat və onun
tədrisi metodikası” kafedrası ali təhsilin bakalavriat və magistratura pillələrində iki
ixtisas üzrə əsas aparıcı kafedradır.
Kafedra, müasir məktəblərin ehtiyacı olan yüksək ixtisaslı mütəxəssis
müəllim kadrları hazırlayır. Bunun üçün ədəbiyyatın tədrisi metodikası, ifadəli
47
oxunun əsasları, ədəbiyyat dərslərində yeni təlim texnologiyalarından istifadə və
uşaq ədəbiyyatı fənninin tədrisini həyata keçirir.
Kafedranın tədris etdiyi fənlər, yüksək ixtisaslı mütəxəssislər tərəfindən
azərbaycan dilində tədris aparılır.
Tələbələrin yüksək nəzəri biliklərə yiyələnməsi ilə yanaşı onların praktik
bacarıqlara nail olması üçün də bir sıra tədbirlər həyata keçirilir. Məktəblərdə
təcrübəli müəllimlərlə görüşlər keçirilir, açıq dərslər təşkil olunur, müasir təlim
texnologiyalarının tətbiqi ilə əlaqədar praktik işlər görülür.
Nəzəriyyə ilə praktika arasında sıx əlaqə qurulur. Elmi biliklərlə praktika
arasında bu cür körpü və tarazlıq kafedramızın ən önəmli özəlliyidir.
İngilis dili və onun tədrisi metodikası kafedrası. Azərbaycan Dövlət
Pedaqoji Universiteti rektorunun əmri ilə filologiya elmlər doktoru, professor
Balaxan Qaraxan oğlu Hüseynov 2008/2009 -cü tədris ilindən etibarən “İngilis dili
və onun tədrisi metodikası” kafedrasının müdiri təyin edilmiş, 2013-cü ilin yanvar
ayına qədər kafedraya rəhbərlik etmişdir. Professor B.Q.Hüseynovun vəfatından
48
sonra 2014-cü ilin may ayından kafedraya rəhbərlik filologiya elmlər doktoru,
Nailə Məmmədhüseyn qızı Sadıqovaya həvalə olunmuşdur.
İngilis dili və onun tədrisi metodikası kafedrasının təklif etdiyi tədris
modeli aşağıdakı diaqramda öz əksini tapmışdır. Modelin əsas fəlsəfəsini ilkin
bazaya(əsasa) əsaslanan “mərhələli inkişaf” prinsipi tutur. Diaqramda bu öz əksini
çox aydın şəkildə tapmışdır. Beləki, birinci kursda tələbələr Xarici dildə oxu və
nitq (1-2), Xarici dilin fonetikası(1-2), Xarici dilin qrammatikası(1-2), II kursda
tələbələr Xarici dildə oxu və nitq (3), Xarici dilin fonetikası (3), Xarici dilin
qrammatikası (3), Yazı və oxu vasitəsilə müsahibə, Danışıq modelləri vasitəsi ilə
ingilis dili fənləri öyrənir, III kursda Yuxarı orta oxu və nitq, İxtisas dilinin tədrisi
metodikası, İxtisas dilinin leksikologiyası fənnlərini, Müasir ingilis dili, IV kursda
isə Yüksək oxu və nitq, İxtisas dilinin üslubiyyatı, İxtisas ölkəsinin ədəbiyyatı,
Ölkəşünaslıq, Xüsusi sahələr üzrə ingilis dili, Tərcümə və Mətbuat dili kimi
ixtisaslaşma fənləri öyrənilir.
49
Xarici dillər və onların tədrisi metodikası kafedrası.
ADPU-nun Xarici
dillər və onların tədrisi metodikası kafedrası (kecmiş Rus dili kafedrası) 1936-
1937- ci tədris ilində müstəqil Rus dili kafedrası kimi təşkil edilmiş və
dos.V.L.Alxarova oraya müdir secilmişdir. Sonrakı illərdə kafedraya
N.Q.Yukovsakaya , N.Terentyeva, dos A.Roşal, Y.A.Əliyev və dos.İ.Y.Yudkin
rəhbərlik etmişdir. 1967-ci ildən 2006-cı ilin sentyabrına qədər kafedraya prof.
T.N.Əliyeva rəhbərlik etmişdir. 2006-cı ilin noyabrından kafedraya
dos.L.O.Vəzirova rəhbərlik edir. 2014-2015 ci tədris ilinin başlanğıcında Rus dili
kafedrasının bazasında yeni “Rus dili və onun tədrisi metodikası” kafedrası
yarandı. 2015-ci tədris ilindən “Xarici dillər və onların tədrisi metodikası”
kafedrası kimi fəaliyyət göstərir.
“Xarici dillər və onların tədrisi metodikası” kafedrası ali təhsilin
bakalavriat və magistratura pillələrində Rus, fransız, alman və fars dilləri və
metodika istiqaməti üzrə əsas aparıcı ixtisas kafedrasıdır.
Kafedranın başlıca vəzifələrindən biri – elmi-pedaqoji və metodiki
biliklərin, təcrübələrin nəticələrinin, açıq dərslərin müzakirələrinin nəticələrini və
metodika sahəsində yeniliklərinin kafedra əməkdaşlarına çatdırılması və qabaqcıl
təcrübənin öyrənilməsidir. Kafedra yüksək ixtisaslı mütəxəssislərin hazırlanması
üçün bir çox sahələri əhatə edən 30-dan çox müxtəlif fənnin tədrisini həyata
keçirir.
Kafedranın tədris etdiyi fənlər yüksək ixtisaslı mütəxəssislər tərəfindən
azərbaycan, rus, fransız, alman, fars dillərində tədris olunur.
Tədris olunan fənlər üzrə tədrisin keyfiyyətini artırmaq, tədris prosessinin
səmərəliliyini yüksəltmək, o cümlədən, tələbələrimizin müxtəlif sahələr üzrə nəzəri
biliklərlə yanaşı, həm də təcrübi vərdişlərini artırmaq məqsədi ilə mütəmadi olaraq
tanınmış mütəxəssislərinin iştirakı ilə elmi seminarlar keçirilərək onlara təhsil
müddətində öyrənmiş olduqları biliklərin real həyatda istifadəsi öyrədilir. Bu
mənada tədris metodikamızda nəzəriyyə və praktika arasında qurmağa çalışdığımız
körpü və tarazlıq kafedramızın qeyd edilməyə dəyər ən önəmli özəlliyidir.