3.3.8
Fontanın əlamətləri müşahidə olunduqda, svab dərhal quyudan çıxarılmalıdır.
3.3.9
Fontan quyularının mənimsənilməsi zamanı məcburi dayanma və ya fasilə olduqda,
fontan armaturunun mərkəzi siyirtməsi üçboğaz və ya xaçvaridə (krestoviki) olan siyirtmələr
bağlanmalıdır.
3.3.10
Quyuya sıxılmış havanın vurulması və yaxud mayenin hava ilə aerasiyası vasitəsilə
quyudan axının əmələ gətirilməsi prosesində fasiləyə yol verilməməlidir.
3.3.11
AYTL quyularının mənimsənilməsi işlərini aparan müəssisədə neft-qaz təzahürü və
açıq fontanların qarşısının alınması üzrə daimi fəaliyyət göstərən komissiya yaradılmalıdır.
3.3.12
AYTL quyularının mənimsənilməsi zamanı buruqda yanğınsöndürmə maşını növbə
çəkməlidir.
3.3.13
Quyular səyyar qurğularla mənimsənildikdə, bu qurğular quyu ağzından 25m-dən az
olmayan məsafədə yerləşdirilməlidir.
3.3.14
Quyuların köpüklə mənimsənilməsində oddan təhlükəsiz və zərərsiz səthi aktiv
maddə-lərin (SAM) sulu məhlulundan istifadə edilməlidir.
3.3.15
Quyuların mənimsənilməsi günün qaranlıq vaxtı aparılarsa, iş yerləri müva-fiq
normala-ra uyğun isıqlandırılmalıdır.
3.3.16
Quyunun ağzında quraşdırılmış çıraqlar partlayışdan mühafizəli icrada olmalıdır.
Quyuların fontan və kompressor üsulu ilə istismarı
3.3.17
İstismara verilən quyunun müvafiq standartlara uyğun armaturlarla təchiz olunmuş
germetik quyu ağzı olmalıdır.
3.3.18
Quyudan kompressor xəttinə neft və qazın düşməsinin qarşısını almaq üçün quyunun
yanında qaz-hava paylaşdırıcı batareyadan gələn xətdə əks klapanlar quraşdırılmalıdır.
3.3.19
Səyyar kompressorların daxili yanma mühərriklərinin işlənmiş qaz atqı boruları
səsboğan və qığılcımsöndürənlə təchiz edilməlidir.
3.3.20
Qaz və hava kollektorlarının qaz-hava paylayıcı butkasında ucu butkadan 10m-dən az
olmayan məsafəyə çıxarılmış boru xətti nəzərdə tutulmalıdır.
Dostları ilə paylaş: |