Azərbaycan respublikasi məDƏNİYYƏt və turizm naziRLİYİ F. KÖÇƏRLİ adina respublika uşaq kitabxanasi elmi-metodika şÖBƏSİ
Yüklə 371,21 Kb. Pdf görüntüsü
|
| Səhnəyə “Böyük Ömrün dastanı” poemasını sənələşdirən oxucular çıxırlar.
I oxucu (Şair): Verdi salamını müdriklər kimi, Önümdə bir aqil qoca dayandı. Sandım ki Tanrıdı qarşımda duran, Qalxdı, ucalardan uca dayandı. II oxucu (Aqil qoca): “Eşitdim Heydərdən kitab yazırsan Gəldim əllərini sıxmağa, oğul. Dizində güc gərək, qəlbində təpər, O qarlı zirvəni çıxmağa, oğul. Gəril kaman kimi, dartıl yay kimi, Bir düşün əsəri kimdən yazırsan. Dövlətin dayağı, millətin ruhu, Ən sağlam özüldən, himdən yazırsan. Tərəzi deyilən elin gözüdü, Səni də çəkəcək, kitabını da. Ürəkdənmi gəlir, dodaqdanmı söz, Çox dürüst verəcək cavabını da. Rəssamın silahı rəngdi, fırçadı, Memarın sərvəti qayadı, daşdı. 27 Sözdən elə yarat o heykəli sən, Desinlər ən böyük heykəltaraşdı! I oxucu (Şair): Onun könül açan ürək sözləri, Döndü qanadlara, döndü qollara. Dahi bir insandan yazmaq eşqinə Allahı çağırıb çıxdım yollara. İnsan köküm oldu, mələk budağım, Kökdən qanadlandım budağa doğru. Çəkdi yaratdığım bu dastan məni Vətənə, millətə, torpağa doğru. Dilində səslənən hər müqəddəs ad Dilimdə sərvətdi, damağımda dad. Ey böyük sərkərdə, ey böyük ustad, Hər sətrin səngərim, yarağım oldu. Eşqim, məhəbbətim, gücüm, qeyrətim, Baxışım, marağım, sevgim, heyrətim, Zəvvarı azalmaz bir ziyarətim, Səcdəgah deyilən torpağım oldu. Gəldi dostluq günü, gəldi dost anı, Qoymadım qılıncım qında paslana. Adına yazdığım “Heydər dastanı” Başımın üstündə bayrağım oldu. I Aparıcı: Heydər Əliyevin Azərbaycan mədəniyyətinin ayrılmaz tərkib hissəsi olan kitabxana quruculuğu sahəsində də, misilsiz xidmətləri vardır. XX əsrin II yarısında respublikada kitabxana şəbəkələrinin inkişafı, kitabxanaların mərkəzləşdirilməsi, kitabxana fondlarının inkişafı, əhaliyə kitabxana xidmətinin yaxşılaşdırılması, kitabxanaların maddi-texniki bazasının və kadr potensialının möhkəmləndirilməsi istiqamətində Heydər Əliyevin gördüyü işlər danılmazdır. Müstəqillik dövründə kitabxanaların qorunub saxlanılması, kitabxana işinin inkişaf istiqamətləri və dövlətin kitabxana siyasətinin formalaşmasında Heydər Əliyevin rolu böyükdür. Bəli, Ümummilli lider Heydər Əliyev bütün sahələr kimi kitabxana sahəsində də nailiyyətləri böyükdür. Sözləri Valeh Mirzəyə aid olan Heydər Əliyevin xatirəsinə yazılmış”Bir el sevindi” şeirinə oxucularımızın ifasında dinlənilir. I Oxucu: Bu xalqın ümidi qırılan deyil – Bu xalqın nicatı Öndər olubdur. Daxili düşmənlər cövlan edəndə, Xilaskar Atamız Heydər olubdur. Çox ağrı-acılar çəksə də başı, Üzü ağ çıxıbdır sınaqlardan o. Qoymadı bölünə Vətən torpağı, 28 Qorudu milləti qınaqlardan o, II Oxucu: O, böyük işlərin müəllifiydi, Qurub – yaradandı... Yaradan kimi. Millətin yolunda, xalqın yolunda Verdi o, özünü bir qurban kimi. Bir oğul böyütdü, öz sevgisiylə Vətəni sevməyi öyrətdi ona. İşıqlı yolların döngələrində, Ata nəsihəti örnəkdi ona. III Oxucu: Bir oğul böyütdü, oğul! – deyirəm, Surəti gözümdə, ürəyimdədir. Halal süfrəmizə, çörəyimizə, Haram qatanlara dərs verdi bir – bir. Bir oğul böyütdü, oğul! – deyirəm, İşıqlı gələcək açarı onda. Bir ev sevinmədi, bir el sevindi, Heydər davamçısı İlham olanda. II Aparıcı: 1969-1985-ci illərdə respublikamızda mədəni quruculuq sahəsində həyata keçirilən böyük tədbirlər kitabxana işinin inkişafına da müsbət təsir göstərmiş, əvvəllər ləğv edilmiş kənd kitabxanaları planauyğun qaydada ardıcıl olaraq bərpa olunmuş, kənd rayonlarının yaşayış məntəqələrində kitabxanalar təşkil edilmiş, kitabxanaların maddi-texniki bazası möhkəmləndirilmiş, kitabxana işinin maliyyələşdirilməsinə diqqət artırılmışdır. Məhz bu illərdə həm kənd yerlərində, həm də şəhərlərdə yeni kitabxana binalarının tikilməsinə, mövcud binaların bərpa və təmiri işlərinə vəsait ayrılmağa başlanılmışdır. Kitabxanaların mərkəzləşdirilməsi məsələsi respublikamızda da müvəffəqiyyətlə başa çatdırılmış, mühüm elmi-təcrübi nəticələr əldə edilmişdir. Ulu öndər kitab və kitabxana işinin böyük mədəni əhəmiyyətini yüksək qiymətləndirmiş, onu ölkəmizin ümumi mədəniyyətinin əsas göstəricisi kimi qiymətləndirmişdir. Bu da Heydər Əliyevin yüksək elmi, mədəni və intellektual səviyyəsi ilə, bəşəri xarakter daşıyan hadisələri düzgün qiymətləndirə bilmək istedadı ilə şərtləşir. Ulu öndər kitabxanaların fəaliyyətinə, kitabxanaçı əməyinə yüksək qiymət vermişdir. Heydər Əliyev həmişə çıxışlarında yazıçı və şairlərimizin, alimlərimizin, mədəniyyət xadimlərimizin böyük potensiala malik olduğunu bildirmiş, Azərbaycan xalqının təhsillənməsində, biliklənməsində, elm və mədəniyyətimizin, mənəviyyatımızın inkişafında böyük rolu olduğunu bildirmişdir. Söhbət Ulu Öndər Heydər Əliyevin mədəniyyət sahəsində gürdüyü işlərdən düşmüşkən gəlin yuxarı sinif şagirdlərinin ifasında Ümummilli 29 liderimizin mədəniyyətdən bəhs edən hikmətli sözlərinə qulaq asaq. Yüklə 371,21 Kb. Dostları ilə paylaş:
|