92
Ləngimiş qanaxmalar əməliyyatdan 4-7 gün sonra qartmağın qopması,
xoralaşma və güdüldə yerləşən damarların arroziyası nəticəsində baş verir. Polip
kəsilib xaric edildikdən sonra qanaxmanın başverməsi zamanı mütləq polipin
ayaqcığını (güdülü) yenidən tutmaq, kəsilmə olmadan koaqulyasiya edilməsinə
təşəbbüs göstərilməlidir. Əgər qanayan damarı görmək mümkün olmursa, bu
zaman qanaxmanı dayandırmaq üçün tədbirlər, təzə qan köçürülməsi tətbiq edilir,
soyuq su ilə mədənin yuyulması və ya imalə icra olunur. Konservativ taktika əksər
xəstələrdə qanaxmanın dayandırılmasına imkan verir.
Əgər qan xaric olması davam edərsə, arterial təzyiq düşərsə və qanaxmanın
davam etməsinə aid digər əlamətlər də üzə çıxarsa, o zaman təcili operativ
müdaxiləyə göstəş yaranır.
Çox da böyük olmayan poliplər xaric edilərkən yetərincə hemostaz
aparılmazsa selikli qişaaltı hematomalar yarana bilər. Əgər belə hematoma
böyüyürsə, mütləq ilgəkli elektrodla koaqulyasiya etməklə hemostazın
aparılmasına təşəbbüs göstərmək lazımdır.
Enli əsaslı poliplər xaric edildikdən sonra nəzərə çarpacaq ölçülü sahədə
yanıq əmələ gələ bilər.
Laparoskopik əməliyyatlardan sonrakı ağırlaĢmalar.
İlk dəfə 1985-ci ildə Fransada laporoskopik əməliyyat icra edilmiş, 1988-ci
ildə isə Amerika Birləşmiş Ştatlarında kütləvi istifadəsi başlanmışdır. Sonralar
kiçik invaziv cərrahiyyə adı altında birləşmiş - videoendoskopik müdaxilələr –
yüksək intensivliyi və sürətli inkişafına görə cərrahlara daxili üzvlərə alternativ
yola etibarlı şəkildə müdaxilə etmək imkanı vermişdir. Lakin, kiçik invaziv
əməliyyatların əvəzsiz və danılmaz üstünlükləri ilə yanaşı bir sıra çatmamazlıqları
da vardır ki, onlar əməliyyatdan sonra inkişaf edən ağırlaşmaların əmələ gəlmə
səbəbləri içərisində mühüm yer tutur:
-
əməliyyat
sahəsi birbaşa deyil,
ikiqat əks olunma ilədir;
93
-
toxumanın palpasiyasının mümkün olmaması;
-
əməliyyat zalının bahalı və texniki icrası insan əlini özündən asılı edən
cihazlarla təhciz olunması;
-
yüksək texnoloji imkanlara malik təhcihzatın vacibliyi (laboratoriya,
videoaparatlar);
-
təkmilləşdirmiş yeni videoendoskopik aparatların variantları işləmə
qaydalarının daim öyrənilməsi vacibliyi.
Laporoskopik üsulla əməliyyatların icrası geniş klinik praktikaya tətbiq
edildikcə əməliyyatdan sonrakı ağırlaşmaların sayının artmasına səbəb ola bilir.
Laporoskopik üsulla əməliyyatların icrasında təcrübə artdıqca ağırlaşmaların sayı
nəzərə çarpacaq dərəcədə azalır. Bununla belə, təəsüflər olsun ki, onlardan tam
qaçmaq mümkün olmur. Buna görə də, cərrahların nəzərinə çatdırmaq (birinci
növbədə laparoskopik yolla əməliyyatı yenicə icra etməyə başlayanda) lazımdır ki,
ağırlaşmaların baş vermə ehtimalları və bu ağırlaşmalardan kənara qaçmağın
texniki üsulları mütləq aydınlaşdırılmalı və öyrənilməlidir. Bunlarla yanaşı
ağırlaşmaların inkişafının qarşısının alınması yollarını formalaşdırmaqla yanaşı,
laparoskopik cərrahi əməliyyata əks göstərişləri əsaslandırmaqla profilaktik
tədbirlər ümumiləşdirilmiş olur.
Qarın boşluğunda aparılan laparoskopik əməliyyatlar:
1.
Öd yolları – hepatobiliar sahədə aparılanlar
2.
Mədə və onikibarmaq bağırsaqda aparılan əməliyyatlar
3.
Yoğun bağırsaqlarda aparılan əməliyyatlar
4.
Yırtıqlarda
laparoskopik əməliyyatlar
Laparoskopik xolesistektomiya və öd yollarında aparılan laparoskopik
əməliyyatdan sonrakı ağırlaĢmalar.
Öd axarlarının zədələnməsi:
1.
Hepatiko-xoledoxun kəsilməsi – açıq üsulla əməliyyatla ağırlaşma aradan
qaldırılır.