35
[7, 11, 56, 68, 97, 128, 154]. Son illərdə cərrahi herniologiyada plazma seli, arqon
koaqulyasiyası, ultrasəs skalpeli (CUSA), LigaSure ilə toxumaların ayrılması və
hemostaz metodlarına üstünlük verilir. Bu üsullar toxumaların minimal travmatiza-
siyasına, yanığın azalmasına, etibarlı və dayanıqlı hemostaza, əməliyyatdan sonra
toxumaların erkən reparasiyası və regenerasiyasına səbəb olurlar [128].
Alloplastika, həmçinin tikiş materallarının bioloji uyğunluğu, indifferrentliyi, in-
feksiyaya qarşı rezistentliyi və allergik komponentlərə malik olmaması çox mühüm
amillərdir [71, 88, 145, 182]. Kobud, qalın, ketqut tərkibli tikiş saplarından imtina
liqatur (tor) fistulları və yaranın irinləməsi kimi ağırlaşmaların inkişaf tezliyini aşağı
salır [136]. Toxumaların təbəqələr üzrə yox, birgə (“ad massum”) tikilməsi tikiş xətti
boyunca yerləşmiş toxumaların həcmini, toxumaarası və laylararası sahədə boşluq-
ların, “kor sahələr”in qalmasını, toxumaların infiltrasiyasını və kobud çapıqlaşmasını
artırır [23, 38, 54, 112, 183, 190, 217]. Təbəqəli presizion tikilmə boşluqların, “kor
sahələr”in qalmasını, bununla bağlı inkişaf edən ağırlaşmaların payını aşağı salır. Er-
kən dövrdə əməliyyat yarasının möhtəviyyatının drenajlar və ya mikroirriqatorlar
vasitəsi ilə elektro- və ya vakuum sorucuları ilə aktiv aspirasiyası əksər müəlliflər tə-
rəfindən müvəffəqiyyətlə tətbiq olunur. Belə vasitələrin istifadəsi hesabına yaraların
irinləməsi 2,4 dəfə azalır [24, 94, 106, 116, 211]. Lakin plastika əməliyyatlarından
sonra yaranın drenajı və daimi aspirasiyasını məqbul hesab etməyən tədqiqat işlərinə
də rast gəlinir. Bu işlərin müəllifləri drenajları yaraların irinləməsi faktorlarından biri
hesab edirlər [208].
Qarının ön divarının yırtıqlarına görə rekonstruktiv-bərpaedici cərrahi əməliy-
yatlardan əvvəl və sonra yerli və ümumi immunitetin artırılmasının tərəfdarları ol-
duqca çoxdur. Bu müalicə prinsipinə üstünlük verən tədqiqatçılara görə qanda
immunoqlobulinlərin və limfositlərin miqdarı aşağı olduğu hallarda irinli-iltihabi
ağırlaşmaların rastgəlmə tezliyi yüksəlir [122]. Yara nahiyəsinin elektrostimulyasi-
yası [174], fiziki müalicə üsulları [190, 215], immunomodulyatorların tətbiqi [27,
117, 167, 192, 210] orqanizmin yerli və ümumi immunitetini gücləndirməklə irinli-
infeksion ağırlaşmaların meydana çıxmasının qarşısını xeyli alır.
36
Uzaq dövrün ağırlaşmalarının, xüsusilə residivlərin, təkrar residivlərin əsasında
əməliyyat kəsiyinin, əməliyyat üsulunun münasib seçilməməsi, plastikanın gərilmə
ilə icrası, əməliyyatdan sonrakı dövrün gedişinin ümumi qəbul edilmiş prinsiplərlə
aparılmaması (qarındaxili təzyiqin artması), adekvat plastika və tikiş materiallarının
istifadə olunmaması, qarın divarının konstitusional-anatomik xüsusiyyətlərinin nəzə-
rə alınmaması, əməliyyatdan sonrakı erkən müddətlərdə fiziki işlə məşğul olmaq, qa-
rındaxili təzyiqin artmasına səbəb olan yanaşı xəstəliklərin və patoloji simptomo-
komplekslərin (qəbizlik, diareya və b.) müalicə edilməməsi, erkən hamiləlik kimi
amillər böyük xüsusi çəkiyə malikdir [36, 45, 80, 83, 91, 169, 190, 203]. Residivlə-
rin və təkrar residivlərin genezində həmçinin yarada reperasiya-regenerasiya proses-
lərinin ləng gedişi və pozğunluqları böyük əhəmiyyət kəsb edir. Hətta birincili sağal-
mış yaralarda belə alt qatlarda ləngimiş (pozulmuş) reparasiya hesabına tikiş tutar-
sızlığı baş verə bilər. “Mürgüləmiş infeksiya”nın oyanması da tikiş tutarsızlığına sə-
bəb ola bilər. Genezindən asılı olmayaraq tikiş tutarsızlığı residivlərin əmələ gəlmə-
sinin əsas səbəblərindəndir [2, 34, 39, 55]. Bütün bu amillər yaşlı xəstələr kontingen-
tində residivlərin və digər ağırlaşmaların rastgəlmə tezliyinin daha yüksək hədlərdə
dəyişməsi ilə nəticələnir [30, 104].
Residivlərin inkişafında piylənmənin də rolu böyükdür. Belə ki, yırtıq nahiyə-
sində toxumaların (əzələlər, aponevroz) piy distrofiyası onların funksional statusuna
təsir edir, fiksasiya (saxlama) qabiliyyəti azalır, yırtıq qapısı artan surətlə zəifləyir,
qarındaxili təzyiq artır, ilk tikişlərarası sahələrdə piy toxumasının interpozisiyası, de-
formasiyası baş verir, onların infeksiyaya qarşı rezistentliyi azalır. Ona görə yırtıqla-
rın residivləri baş vermiş xəstələrin təxminən ⅔-i piylənmədən əziyyət çəkən xəstə-
lərdir [3, 12, 64, 93, 107, 116]. Belə xəstələr içərisində qadınlar kişilərlə münasibətdə
2 dəfə çox olur [28, 29, 107, 115, 137].
Səmərəsiz cərrahi əməliyyat üsulunun tətbiqindən və ya uyğun cərrahi plastika
üsulunun texniki çətinliklərlə, keyfiyyətsiz icrasından sonra ifrat gərilmə, tikiş tu-
tarsızlığı və digər səbəblərdən residivlərin inkişafı sonrakı əməliyyatların da gedişini
çətinləşdirir, nəticələrini isə təbii olaraq ağırlaşdırır [49].
37
Rasioanal cərrahi hernioplastikadan sonra xəstələrin məsuliyyətsiz həyat tərzi,
zərərli vərdişləri və ağır fiziki işləri davam etdirməsi, qeyri-müntəzəm qida rejimi,
həddən artıq qida qəbulu, kökəlmənin və piylənmənin artması residivlərin formalaş-
masında mühüm rol oynayır [107].
Qeyd edilən ağırlaşmaların erkən diaqnostikası əksər xəstələrdə onların aradan
qaldırılmasına səbəb olur. Belə ki, hematomaların və seromaların erkən boşaldılması,
limfanın erkən və adekvat axınının təmini, “mürgüləmiş infeksiya” ocağı formalaş-
mağa başlayan ətraf həcmi prosesin (infiltrat, abses) aradan qaldırılması üçün zəruri
tədbirlərin (yerli antibiotik infiltrasiyası və ya elektroeliminasiyası, fiziki müalicə
üsulları və s.) aparılması onların və onlarla bağlı ağırlaşmaların aradan qaldırılmasına
səbəb ola bilər [28, 50]. Qasımov E.M. (2006) əməliyyat sahəsinin yerli lazer şüalan-
dırılmasına, Nəcəfquliyeva P. (2009) bu üsulla yanaşı dəyişən maqnit sahəsi ilə müa-
licəyə böyük əhəmiyyət verirlər [4, 52].
Yara sahəsinin infraqırmızı lazer şüalandırılması, maqnit terapiyası, lazero-
maqnitoterapiya kimi üsulların geniş istifadəsi infeksion-irinli ağırlaşmaların profi-
laktikasında, reparasiya-regenerasiya proseslərinin stimulyasiyasında üstün nəticələri
ilə seçilir [14, 44, 56, 57, 147, 155, 163, 167, 211].
Beləliklə, qarının ventral yırtıqlarının cərrahlığının 100 ildən artıq böyük tarixə
ma-lik olmasına baxmayaraq cərrahiyyənin bu bölməsinin bir sıra məsələləri bu günə
qədər həllini tapmamışdır. Residivlər və ağırlaşmaların rastgəlmə tezliyinin aşağı
düşməməsi və ya az dəyişməsi problemin bu gün də aktuallığını saxlamasını təsdiq
edir. Bu səbəbdən yeni, daha səmərəli və iqtisadi əlverişli plastika üsullarının axtarışı
prosesi sürətlə davam etməkdədir.
Dostları ilə paylaş: |