Azərbaycan respublikasi səHİYYƏ naziRLİYİ azərbaycan tibb universiteti
Yüklə 5,01 Kb. Pdf görüntüsü
|
96 ka; protezin əzələaltı və ya peritonönü yerləşdirilməsi və sintetik materialla qarın di- varının defektinin qapadılması ilə (“sublay”, “inlay”) kombinə olunmuş plastika [35, 109, 173, 209]. Yırtıq qapısının kənarlarının bir-birinə yaxınlaşdırılmaqla tikilməsi və tikiş xəttinin protezlə bərkidilməsi əməliyyatı xeyli geniş yayılmışdır. Lakin böyük və giqant ölçülü yırtıqlarda bu metodika atenzion plastika prinsiplərinə ziddir, qarında- xili təzyiqin əhəmiyyətli yüksəlişinə və tikiş tutmazlğına görə residivlə yekunlaşır [4]. Protezləşdirici materialın açıq üsulla aponevrozüstü yerləşdirilməsi zamanı dəri- nin və dərialtı toxumanın geniş mobilizasiyası tələb olunur. Nəticədə qan təchizatı, venoz qanın və limfanın axını pozulur, uzun müddətli davamlı eksudasiya baş verir, seroma formalaşır, dərialtı toxuma nekrozlaşır, irinli-iltihabi aşırlaşmalar inkişaf edir [5, 123, 132]. Ona görə də əməliiyatdan sonrakı yırtıqların endoskopik TEP zamanı tə-rəfimizdən protezin preperitoneal sahədə, bilavasitə yırtıq defektinin üzərində yerləş-dirilməsi variantı daha məqsədəuyğun hesab olunmuşdur. Tərəfimizdən OLP cəmi 4 xəstədə (birincili qasıq yırtığı – 2, residiv qasıq yır- tığı - 1 və postoperasion yırtıq – 1) yerinə yetirilmişdir. Bu xəstələrdə yırtığın həcmi və yırtıq qapısı kiçik ölçülərdə olmuş, dərialtı toxumanın geniş separasiyasına ehtiyac yaranmamışdır. Bu hallarda protezin yırtıq qapısından 1,-1,5 sm kənarda perimetr bo- yunca tikilməsi bizim fikrimizcə kifayətdir. TEP-nın bu texnikası əməliyyatın qısa müddətlərdə və aztravmatik həyata keçirilməsini tamamailə təmin edir. Bu əməliyyatlar zamanı da yerli qıcıqlandırıcı təsirin azaldılması məqsədilə sellüloza tərkibli sintetik torlar istifadə edilmişdir. Aşağıda birincili qasıq yırtığına görə endoskopik TEP əməliyyatı keçirmiş xəstənin xəstəlik tarixindən çıxarış təqdim edilir. Praktikadan nümunə Xəstə M.M., 60 yaş, 559 saylı x/t, 08.01.2010-cu il tarixdə sağ qasıq nahiyəsində ağrılı şişkinlik, qarında köp, qəbizlik və əmək qabiliyyətinin aşağı düşməsi şikayətlə- ri ilə Klinik TM-ə müraciət etmişdir. Özünü 10 ildir ki, xəstə hesab edir. Xəstəliyin səbəbini heç nə ilə əlaqələndirmir. 97 Dəri və selikli qişalar adi rəngdədir. Periferik limfa düyünləri böyüməmişdir. Dayaq-hərəkət sistemi dəyişikliksizdir. Tənəffüs sərbəstdir, ritmikdir, döş tiplidir, tənəffüs hərəkətlərinin tezliyi dəqiqə- də 22-dir. Ağciyərlər üzərində vezikulyar tənəffüs eşidilir. Ürək tonları aydındır, tə- mizdir. Nəbz ritmik, kafı dolğunluqlu, dəqiqədə 84-dür. Arterial təzyiq 140/80 mm.c.st. Dil nəmdir, təmizdir. Qarın simmetrikdir, yumşaqdır, intaktdır və ağrısızdır. Qa- raciyər və dalaq böyüməmişdir. Diurez sərbəstdir. Döyəcləmə simptomu hər iki tərəf- də mənfıdir. Defekasiya və diurez sərbəstdir. Qazlar xaric olur. St. localis. Sağ qasıq nahiyəsində 5,0X6,0X4,0 sm ölçülərdə şişkinlik görünür. Şişkinlik üzərində dərinin rəngi dəyişikliksizdir. Palpasiya zamanı şişkinlik qarın boşluğuna düzəlir. Diaqnoz: Sağtərəfli düz qasıq yırtığı Əməliyyatönü hazırlıq ambulator şəraitdə aparıldığından zəruri laborator və instrumental müayinələrdən sonra növbəti gün – 09.01.2010-cu il tarixdə ETİ şərai- tində ümumi anesteziya altında cərrahi əməliyyat – videoendoskopik TEP yerinə ye- tirilmişdir (2 işçi troakar (sağ qalça və sağ pararektal xətt üzərində) və paraumbilikal nahiyədə laparoskop üçün 12 mm-lik troakar). Cərrahi əməliyyatdan bir neçə saat sonra aktivləşdirilmiş, ayağa qalxmağa və maye qəbuluna icazə verilmişdir. Növbəti gün xəstə kafi vəziyyətdə evə buraxılmışdır. Müalicə prosesi ev şəraitində müalicə həkiminin tövsiyələri əsasında davam etdirilmiş, 1 həftədən sonra xəstə əmək fəaliy- yətinə başlamışdır. 3 ay və 1 ildən sonra xəstəyə baxılmışdır. Şikayətləri yoxdur. Ədəbiyyat məlumatlarına görə əksər müəlliflər protezin əzələaltı və ya periton- önü yerləşdirilməsi və sintetik materialla qarın divarının defektinin qapadılması ilə kombinə olunmuş plastikanı daha çox istifadə edirlər. Yırtıq qapısı parietal periton və ya düz əzələlərin arxa yatağı hesabına qapadılır, onun üzərindən implantat qoyu- lur və qarının ön divarının fassial strukturlarına tikilir. Aponevrozun parçaları prote- 98 zin üzərindən bir-birinə tikilir. Texnili cəhətdən bu üsul mürəkkəb olsa da seromala- rın, digər ağırlaşmaların əmələ gəlmə tezliyi azdır. Lakin böyük, çox böyük və giqant yırtıqlarda bu üsulun tətbiqi mümkünsüzdür. Bu hallarda protez sadəcə sorulmayan saplarla perimetr boyunca yırtıq qapısının kənarların tiklir, qapı daraldılmır. Bu əmə- liyyatdan sonra seromaların və başqa ağırlaşmaların inkişaf riski yüksək olur. Ona görə də protezüstü sahə aktiv drennləşdirilməlidir [5]. Ötən əsrin sonlarından başlayaraq praktik təcrübənin zənginləşməsi hesabına bir çox cərrahlar sintetik torların peritonönü yerləşdirilməsi metodlarının istifadəsinə üs- tünlük verdilər [235, 253, 282]. Orta və böyük həcmli yırtıqlar zamanı SLP, İLP və ya onların kombinə olunmuş variantı (SLP və İLP) tətbiq edilmişdir. Tunel yaradılarkən separasiya aparıldıqda parietal peritonun zədələnmə ehtimalı böyük olduqda SLP-ya üstünlük vermişik (12 xəstədə). 3 xəstədə İLP, 2 xəstədə isə müştərək plastika yerinə yetirilmişdir. Praktikadan nümunə Xəstə B.R., 37 yaş, 558 saylı x/t, 08.01.2010-cu il tarixdə epiqastral nahiyədə şişkinlik və ümumi zəiflik şikayətləri ilə KTM-ə müraciət etmişdir. Özünü bir neçə il- dir ki, xəstə hesab edir. Xəstəliyi heç nə ilə əlaqələndirə bilmir. Dəri və selikli qişalar adi rəngdədir. Periferik limfa düyünləri böyüməmişdir. Dayaq-hərəkət sistemi dəyişikliksizdir. Tənəffüs sərbəstdir, təminedicidir. Ağciyərlər üzərində vezikulyar tənəffüs eşidi- lir. Ürək tonları aydındır. Nəbz ritmik, orta dolğunluqlu, dəqiqədə 88-dir. Arterial təzyiq 110/70 mm.c.st. Dil nəmdir, təmizdir. Qarın simmetrikdir, yumşaqdır, intaktdır və ağrısızdır. Qa- raciyər və dalaq böyüməmişdir. Diurez sərbəstdir. Döyəcləmə simptomu hər iki tərəf- də mənfıdir. Defekasiya sərbəstdir. Qazlar çətin xaric olur. Yüklə 5,01 Kb. Dostları ilə paylaş:
|