19
artmasına obyektiv zəmin yaradır. İstənilən ictimai-siyasi və sosial-iqtisadi sistemdə
iqtisadiyyat bu və ya digər dərəcədə dövlət tərəfindən idarə olunur.
Bazar iqtisadiyyatlı ölkələrdə dövlətin biznes fəaliyyətinə və bütövlükdə
iqtisadiyya-ta müdaxiləsi nisbətən azdır və əsasən dolayısı xarakter daşıyır. Bazar
münasibətləri şəraitində dövlətin iqtisadiyyatda müdaxiləsinin məhdud çərçivəsində
olması istehsal vasitələri üzərində müxtəlif mülkiyyət formalarının mövcudluğu ilə
şərtlənir. İqtisadiyyatın dövlət tənzimlənməsinin başlıca məqsədi dövlətin,
cəmiyyətin və əhalinin mənafeyini müdafiə etməkdir.
Bazar iqtisadiyyatı şəraitində istehsalçı və istehlakçının hüquqlarının qorunması,
ölkədə etibarlı qayda-qanunun və milli təhlükəsizliyin təmin edilməsi kimi ciddi
vəzifələr dövlətə həvalə olunur. Bu isə milli iqtisadiyyatın dirçəldilməsi və azad
sahibkarlığın inkişafı üçün əsasdır.
Mülkiyyət formalarından və sosial-iqtisadi inkişaf səviyyəsindən asılı olmayaraq
dövlət öz tənzimləyici rol və funksiyalarından iqtisadiyyatda istifadə etməli, milli
iqtisadiyyatın formalaşması üçün müvafiq şərait yaratmalıdır. Bu obyektiv zəruriyyət
bazar iqtisadiyyatının mahiyyətindən irəli gəlir. Amerika iqtisadçısı, nobel mükafatı
laureatı V.İ. Leontyev iqtisadiyyatı yelkənli gəmiyə bənzədir. Yelkənli gəmini idarə
etmək üçün külək və sükan lazımdır. İqtisadiyyatda külək funksiyasını maddi maraq,
sükan funksiyasını isə dövlətin iqtisadi sistemi yerinə yetirir. Deməli, dövlət
iqtisadiyyatının idarə edilməsində və tənzimlənməsində sadəcə olaraq seyrçi mövqeyi
tutmamalı, istehsalın təşkili vəzifəsini yerinə yetirməli, öncül inkişaf istiqamətlərini
müəyyənləşdirməli və səmərəli idarəetmə strukturu yaratmalıdır. Bazar iqtisadiyya-
tına keçid dövründə dövlət aşağıdakı əsas funksiyaları yerinə yetirməlidir:
1. Zəruri normativ-hüquqi baza yaratmalıdır. Görkəmli ingilis sosialoqu Karl
Popper yazır ki, bazar münasibətlərinə əsaslanan və əhəmiyyətli azad seçmə təklif
edən sənaye cəmiyyəti hüquqi sistem və qanuni hakimiyyət olmadan ağıla gəlməzdir.
Hüquqi baza olmadan iqtisadiyyat və bütövlükdə cəmiyyət normal inkişaf edə
bilməz. Mülkiyyətçilik hüquqlarını müəyyənləşdirən, sahibkarlıq fəaliyyətini tənzim-
ləyən qanunlar, normativ-hüquqi sənədlər olmalıdır. Hüquqi əsasın köməyi ilə dövlət
20
sahibkarlıq fəaliyyəti subyektləri arasında münasibətləri tənzimləyən qanuni «oyun
qaydalarını» təmin edir.
2. Ölkədə lazımi qayda qanunu və milli təhlükəsizliyi təmin etməlidir. Ölkənin
hər bir vətəndaşının, bütövlükdə cəmiyyətin və bütün bazar iqtisadiyyatı subyekt-
lərinin hüquq və təhlükəsizliyini dövlət təmin etməlidir. Əgər dövlət bu funksiyanı
yerinə yetirmirsə, onda ölkənin daxilində kriminal vəziyyətin: cinayət hadisələri, ma-
fiya, korrupsiya, rüşvətxorluq və digər neqativ halların inkişafı üçün şərait yaranır ki,
bu da sahibkarlıq fəaliyyətinə və bütövlükdə ölkənin iqtisadiyyatına dağıdıcı təsir
edir.
3. Makroiqtisadi sabitliyi təmin etməlidir. Daha doğrusu, makroiqtisadi göstə-
ricilərin: ümumi daxili məhsul həcminin, milli gəlirin, inflyasiya və işsizlik səviyyə-
sinin, büdcə kəsirinin və s. optimal səviyyəsini təmin etmək və onu saxlamaq. İqtisa-
diyyatın sabitləşdirilməsini təmin etmək üçün dövlət müvafiq fiskal, maliyyə-kredit,
elmi-texniki və investisiya siyasəti həyata keçirməklə dövlət sərəncamında olan bütün
vasitə və metodlardan istifadə etməlidir. Əgər dövlət makroiqtisadi sabitliyi təmin
etməzsə, onda bu sahibkarlıq fəaliyyətinə, bütövlükdə ölkənin iqtisadiyyatına, əha-
linin sosial həyat tərzinə mənfi təsir göstərər.
4. Əhalinin sosial müdafiəsini təmin etməlidir. Dövlət aktiv sosial siyasət həya-
ta keçirməlidir, yəni bütün işçiləri minimum əmək haqqı ilə, qocaları və əlilləri pensi-
yalarla və işsizləri müavinətlərlə təmin etməli, əhalinin aztəminatlı təbəqələrinə müx-
təlif növ yardımlar verməli, inflyasiya ilə əlaqədar olaraq əhalinin gəlirlərini indeks-
ləşdirməlidir. Bu siyasəti aparmaqla dövlət həmçinin ölkənin bütün vətəndaşlarının
minimum yaşayış səviyyəsini təmin edir və cəmiyyətdə sosial gərginliyin yaranma-
sının qarşısını alır.
5. Sağlam rəqabəti qoruyub saxlamalıdır. Bazar iqtisadiyyatında rəqabət əsas
tənzimləyici alətlərdən biridir. Rəqabət iqtisadiyyatın bütün sferalarında tərəqqinin
əsasıdır, o, istehsalçını ən yeni texnika və mütərəqqi texnologiyanı tətbiq etməyə,
məhsulun keyfiyyətini yüksəltməyə sövq edir. Buna görə də dövlətin mühüm
funksiyalarından biri rəqabətin müdafiəsidir. Rəqabət şəraitində alıcılar sahib, bazar –
21
onların agenti, müəssisə isə – onların xidmətçisidir. İnhisarçılıqda vəziyyət kəskin
surətdə dəyişilir və alıcı sahiblikdən xidmətçiyə çevrilir.
Rəqabət sferasının yaradılması və onun müdafiə edilməsi problemi Azərbaycan
Respublikası üçün son dərəcə vacibdir. Çünki, istehsal müəssisələrinin əksəriyyəti
dövlətin inhisarındadır və ölkədə kamil rəqabət üçün mühit hələ yaradılmayıb. Yaran-
mış vəziyyətdən çıxış yolu aydındır: iqtisadiyyatın inhisarsızlaşdırılması, rəqabət
mühitinin yaradılması və rəqabət müdafiəsi. Bu və ya digər funksiyaları yerinə yetir-
mək üçün dövlət sərəncamında olan bütün iqtisadi rıçaqlardan və vəsaitdən istifadə
etməlidir.
Dünya təcrübəsi göstərir ki, dövlət yalnız müəyyən şərait və zəmin olanda
sahibkarlıq fəaliyyətinə və bütövlükdə iqtisadiyyata müdaxilə etməlidir. Şərait pozitiv
və neqativ ola bilər.
Pozitiv şərait dedikdə sahibkarlıq fəaliyyətinə və bütövlükdə ölkənin iqtisadiyya-
tına müsbət təsir edən insan fəaliyyətinin müxtəlif sferalarındakı müxtəlif pozitiv
təzahürlər və proseslər başa düşülür. Bu halda dövlətin rolu vaxtında həmin təzahür-
ləri və prosesləri aşkara çıxarmaqdan və onların saxlanması üzrə müəyyən tədbirlər
qəbul etməkdən ibarətdir.
Neqativ şərait – sahibkarlıq fəaliyyətinə və bütövlükdə ölkənin iqtisadiyyatına
mənfi təsir edən insan fəaliyyətinin müxtəlif sferalarındakı hər cür neqativ təzahürlər
və meyllərdir. Bu təzahürlər və meyllər həm mahiyyətinə görə və həm də iqtisadiy-
yata mənfi təsir qüvvəsinə görə çox müxtəlif olurlar. Bu zaman dövlətin rolu həmin
təzahürləri və meylləri vaxtında aşkara çıxarmaqdan, onların başvermə səbəblərini
öyrənməkdən ibarətdir. Dövlətin iqtisadiyyata müdaxiləsi üçün şərtlər aşağıdakılar
ola bilər: milli təhlükəsizlik tələbi, cəmiyyətdə sosial gərginlik, iqtisadiyyatda neqativ
təzahürlər (istehsalın tənəzzülü, inflyasiya, yüksək səviyyədə işsizlik, struktur uyğun-
suzluğu, büdcə kəsiri, məhsulun keyfiyyətinin aşağı olması, investisiya çatışmazlığı
və s.) ətraf mühitin korlanması.
Şərtlər və zəminlərin öyrənilməsi dövlətin iqtisadiyyata müdaxiləsi üçün hələ
kifayət deyil, dövlət onların meyarlarını, yəni onların kəmiyyət nisbətini qiymətlən-
dirməyə imkan verən əlamətlərini bilməlidir. Məsələn, inflyasiya, işsizlik, istehsalın
Dostları ilə paylaş: |