22
tənəzzülü, büdcə kəsiri və s. neqativ təzahürləri aradan qaldırmaq üçün dövlət onların
meyarlarını öyrənməlidir.
Dövlət özünün tənzimləyici funksiyasını yerinə yetirmək üçün müvafiq qanun-
vericilik aktları və qərarlar qəbul edərək və eləcə də müəyyən iqtisadi siyasət həyata
keçirərək sahibkarlıq fəaliyyətinə və ölkə iqtisadiyyatına iqtisadi (dolayı) və inzibati
(birbaşa) təsir metodlarından istifadə edir. Bazar iqtisadiyyatlı ölkələrin təcrübəsi
göstərir ki, iqtisadiyyatın reformasiyası şəraitində və iqtisadi tənəzzül vəziyyətində
dövlətin tənzimləyici rolu artır, iqtisadi sabitlik və dirçəliş mərhələsində isə azalır.
Ancaq bütün hallarda dövlət sahibkarlıq fəaliyyətinə və ölkə iqtisadiyyatına elə
müdaxilə etməlidir ki, bazar münasibətlərinin formalaşmasına maneçilik törətməsin
və böhran təzahürlərinə yol verməsin.
İqtisadiyyatın tənzimlənməsi üçün dövlətin istifadə etdiyi iqtisadi vasitələr həd-
dindən ziyadə çoxdur, ancaq onlardan əsasları vergi, gəlirin və resursların yenidən
bölgüsü, qiymətqoyma, dövlət sahibkarlıq fəaliyyəti, kredit-maliyyə mexanizmi və s.
hesab edilir.
İqtisadi metoddan istifadə mümkün olmayanda və ya lazımi səmərə verməyəndə
dövlət inzibati metoddan istifadə etməlidir. Dünya təcrübəsi göstərir ki, inzibati
metodun aşağıdakı sahələrdə tətbiqi daha səmərəlidir:
təbii inhisarçılıq;
ətraf mühitin mühafizəsi və resurslardan istifadə;
sertifikatlaşdırma, standartlaşdırma, metrologiya;
sosial siyasət, hər şeydən öncə əhalinin minimum yaşayış səviyyəsinin müəy-
yənləşdirilməsi və təmin edilməsi.
Sahibkarlıq fəaliyyətini və bütövlükdə iqtisadiyyatı inkişaf etdirmək üçün dövlət
mü-vafiq iqtisadi siyasət həyata keçirməlidir. İqtisadi siyasət fiskal, elmi-texniki,
investisiya, qiymət, ammortizasiya, kredit-pul və s. tədbirləri özündə əks etdirməlidir.
Bazar iqtisadiyyatlı ölkələrin təcrübəsi göstərir ki, xüsusi mülkiyyətlə dövlət
mülkiyyəti yanaşı, lakin müxtəlif nisbətlərdə inkişaf etdirilə bilər. Dövlət sektorunun
fəaliyyət miqyası konkret şərait və vəziyyətdən, bazar iqtisadiyyatının təşəkkül
mərhələsindən asılı olaraq həyata keçirilir. Qərb dövlətlərinin dövlət sektorunda
23
çoxlu sayda əhali məşğuldur. Məsələn, Fransa, İtaliya, Almaniya, Belqiya və Hollan-
diyada ümumi işçilərin 8-11 faizi dövlət sektorunda çalışır. ABŞ-da dövlət mülkiy-
yəti ölkənin milli sərvətinin 20 faizindən çoxunu təşkil edir. Bu göstərici Yaponiyada
daha yüksəkdir. Hazırda Yaponiyada 1125-dən çox iri müəssisə dövlət sektorunda
fəaliyyətini davam etdirir.
Sahibkarlıq fəaliyyətinin inkişafı bazar münasibətlərinin tələbləri ilə ahəngdarlıq
təşkil etməli və bu istiqamətdə formalaşan sivil rəqabət amilinə xüsusi diqqət yetiril-
məldiir. Məhz belə yanaşma, dünya təcrübəsində olduğu kimi, bazar iqtisadiyyatı
yolu ilə inkişaf etməkdə olan Azərbaycan dövlətinin də qarşısına ciddi tələblər qoyur.
Bu tələblər çərçivəsində istehlakçının seçimi və onun hüquqlarının qorunması xüsusi
zərurətdən çıxış edir. Ölkədə istehlakçıların hüquqularının müdafiəsinin qorunması
ilə bağlı müvafiq qanunvericilik sənədləri qəbul edilsə də, iqtisadi inkişafın miqyas-
larının genişlənməsi, dünya iqtisadiyyatına ciddi təsir göstərən qlobal proseslər bu
sahənin qanunvericilik və hüquqi bazasının inkişafını zəruriləşdirir. Belə ki, məhsul
növlərinin sertifikatlaşdırılması və standartlaşdırma qaydalarının təkmilləşdirilməsi,
məhsulun keyfiyyətinə nəzarətin qayda və prosedurlarının müəyyənləşdirilməsi, bu
istiqamətdə ictimai, istehlakçı nəzarət qiymətinin genişləndirilməsi xüsusilə üsütün-
lük verilməsi vacib amildir.
Sərbəst sahibkarlıq mühitinin və bazar mexanizminin funksional fəaliyyət şərai-
tinin hüquqi təminatının inkişafı da müasir iqtisadi inkişaf üçün vacib məsələdir.
Məsələnin həllində bazar mexanizminin bütün həlqələrinin funksional fəaliyyəti üçün
münbit şəraitin yaradılması xüsusilə vacibdir. Bu baxımdan bazar mühitində sərbəst
və sağlam rəqabət şəraitinin təmin edilməsinə, azad sahibkarlıq və rəqabət qaydala-
rının tənzimlənməsinə, sərbəst bazar qiymətlərinin formalaşmasına zəruri şəraitin ya-
radılmasına, işçi qüvvəsinin, malların və xidmətlərin göstərilməsinin daxili və xarici
bazarda sərbəst yerləşməsinin təkmilləşdirilməsinə kömək genişləndirilməkdədir.
Bazar iqtisadiyyatı şəraitində sahibkarlığın inkişafında müəssisədaxili proses-
lərin təhlilinə, bu istiqamətdə iqtisadi və maliyyə vəziyyətinin qiymətləndirilməsinə
olan yanaşma sirf bazar tələblərinə uyğunlaşdırılmalıdır. Kartel təcrübəsinə nəzarətin
müəyyənləşdirilməsi, birgə sahibkarlıq fəaliyyətinin inkişafı üçün əlverişli şəraitin
24
təmin edilməsi, kapitalın sahələr üzrə yerdəyişməsinin, firmalar üzrə axınının və
birləşməsinin genişləndirilməsi bu istiqamətdə xüsusi əhəmiyyət kəsb edir. Həmçinin
sahibkarlıq fəaliyyətinə təsir edən hər cür bürokratik əngəllərin aradan qaldırılması,
onların fəaliyyətinə təsirlərin heçə endirilməsi bu sahədə dövlət tənzimlənməsinin
qarşısında duran ən vacib vəzifələrdən biridir.
Sahibkarlıq fəaliyyətinin inkişafı sivil bazar münasibətləri mexanizminin tətbiqi
ilə sıx bağlıdır. Belə vasitələrin formalaşmasında və inkişafında sahibkarlıq subyek-
tlərinin də rolu danılmazdır. İlk növbədə, sahibkarlıq fəaliyyəti üzrə etik-hüquqi nor-
maların formalaşması azad və sivil bazar rəqabəti formalarının inkişafına, haqsız
rəqabət meyllərinin aradan qaldırılmasına müsbət təsir göstərir. Bazar münasibət-
lərinin daha sivil üsullarla tənzimlənməsində bu amil xüsusi aktuallığı ilə səciyyə-
lənir. Məsələyə belə yanaşma bazar münasibətlərinin tənzimlənməsində səmərəli
metodlardan istifadəyə, bu sahədə sivil tənzimləmə qaydalarının tətbiqinə və hüquqi
təminatının formalaşmasına əsaslı təkan vermiş olur. Xüsusilə, dünya təcrübəsində
mövcud olan haqsız rəqabət meyllərinin aradan qaldırılmasında, məqsədyönlü antiin-
hisar siyasətinin aparılmasında belə vasitələrdən daha geniş istifadə edilir. Sahibkar-
lıq fəaliyyətində etik-hüquqi normaların gözlənilməsinin təminatı ilə bağlı zəruri
tədbirlərin hazırlanması və qəbul edilməsində aşağıdakı istiqamətlərə xüsusi diqqət
yetirilməlidir: inzibati, işgüzar etik
norma və qaydaların müəyyən edilməsi və onların
icarsına nəzarət; korrupsiya, dələduzluq və digər bu yönümlü hərəkətlərlə mübarizə-
nin gücləndirilməsi; qeyri-qanuni sahibkarlıq fəaliyyətinin həyata keçirilməsinə qarşı
mübarizənin aparılmasına nəzarət və qeyri-qanuni biznes nəticəsində əldə olunan
gəlirlərin müəyyənləşdirilməsi və onlara qarşı tədbirlərin görülməsi (çirkli pulların
yuyulması prosesinin qarşısının alınması) və digər bu istiqamətli tədbirlərin həyata
keçirilməsi.
Sahibkarlıq fəaliyyəti ilə məşğul olanlar tərəfindən kommersiya praktikası üzrə
normalara vicdanla riayət edilməsini tənzimləyən təminatların olması artıq müasir
dünya təcrübəsində daha ciddi qəbul edilməkdədir. Belə ki, sahibkarlıq fəaliyyəti
üzrə məsuliyyətin daha geniş səpkidən müəyyənləşdirilməsi və bu sahədə məcburi
hüquq normalarının təmin edilməsi, sahibkarlıq fəaliyytəinin subyektləri arasında
Dostları ilə paylaş: |