106
d)
Sınaq şüşəsinə 2-3 ml qatı gümüş-nitrat məhlulu töküb, üzərinə bir damcı
civə salın. Bir neçə dəqiqədən sonra məhlulda əmələ gələn dəyişikliyi müşahidə edin
və reaksiya tənliyini yazın. Apardığınız təcrübələrə əsasən metalları aktivliyinin
artmasına görə necə düzərdiniz?
Təcrübə 2. Metalların korroziyası. Metalların bir-biri ilə kontaktının
onların turşularda həll olmasına təsiri.
a)
Sınaq şüşəsinə az miqdarda duru sulfat turşusu töküb, içərisinə 1-2 sink
parçası salın reaksiyanın əvvəlcə sürətli getdiyini, sonra isə yavaşıdığına (qaz
qabarcıqlarının çıxması sürətinə əsasən) diqqət etdikdən sonra məhlula mis məftil
salıb, onu sink parçasına toxundurun. Nə müşahidə edilir? Reaksiyanın
sürətlənməsinin səbəbini izah edin.
b)
Sınaq şüşəsinə azca durulaşdırılmış xlorid turşusu töküb, içərisinə 1-2 sink
parçası salın və ona maqnezium məftili toxundurun. Nə müşahidə olunur? Nəticə
çıxarın.
Təcrübə 3. İngibitorun köməyi ilə korroziyadan mühafizə .
a)
İki kiçik stəkanın birinə 20-25 ml 2N xlorid turşusu məhlulu tökün. Onlardan
birinə 5 ml anilin əlavə edin və qarışdırın. Bir ölçüdə iki kiçik dəmir lövhəsini sap
vasitəsilə şüşə çubuqlara bağlıyın və onları stəkanların ağzına qoyaraq, lövhələri
asılmış halda mayenin içərisinə salın. Nə müşahidə olunur? İngibitor (anilin)
reaksiyaya necə təsir edir.
b)
İki sınaq şüşəsinin hər birinə 1:5 nisbətində olan 4-5 ml sulfat turşusu
məhlulu töküb, içərisinə dəmir mıx salın və qızdırın. Sınaq şüşələrindən birinə
ingibitor kimi 2-3 damcı kalium-yodid məhluli əlavə edin. Nə müşahidə olunur?
Nəticə çıxarın.
107
2-ci iş. Natrium, kalium və onların birləşmələri.
Ləvazimat və reaktivlər: U şəkilli boru, kömür elektrodlar, spirt lampası, qısa
borulu qıf, süzgəc kağızı, natrium metalı, fenolftalein məhlulu, natrium-xloridin
doymuş məhlulu, nixrom məftil, kalium-xlorid, natrium-nitrat kristalları.
Təcrübə 1. Natrium və onun birləşmələri.
a)
Natriumun su ilə qarşılıqlı təsiri. Kiçik
kristallizatora yarısına qədər su töküb içərisinə buğda
boyda təmizlənmiş natrium salın. Nə müşahidə edilir?
Baş verən hadisələrin səbəbini izah edin və reaksiya
tənliyini yazın. Natriumun su ilə reaksiyası başa
çatdıqdan sonra məhlula 1-2 damcı fenolftalein məhlulu
əlavə edin. Məhlul nə üçün moruğu rəng alır?
b)
Natriumun qatı xlorid turşusu ilə qarşılıqlı
təsiri. Təcrübəni 24–cü şəkildəki cihazda aparmalı.Sınaq
şüşəsinə bir qədər qatı xlorid turşusu töküb (nə üçün
turşunu duru yox qatı götürmək lazımdır?) içərisinə
kiçik natrium parçası atın və ağzını şüşə qıfla bağlayın. Çıxan hidrogen qazını qıfın
ucunda yandırın. Sınaq şüşəsinin dibində nə yığılır? Reaksiyanın tənliyini yazın.
Təcrübə zamanı qatı xlorid turşusundan başqa digərlərindən ( sulfat, nitrat və s.)
qətiyyən istifadə etmək olmaz! Nə üçün?
c)
Natrium-hidroksidin elektroliz üsulu ilə alınması. U şəkilli boruya
natrium-xloridin doymuş məhlulunu töküb, içərisinə kömür elektrodlar salın.
Elektrodlara mis məftil bağlayın, düzləndirici ilə birləşdirin və məhlula 12 volt
gərginlikli cərəyan buraxın. Nə müşahidə edilr? Elektrodlarda hansı maddələr alınır?
Onları necə təyin etmək olar? Məhlula fenolftalein məhlulu əlavə etməklə natrium-
hidroksidin alındığını müəyyən edin. Baş verən reaksiyanın tənliyini yazın.
Şəkil 24. Natriumun qatı
xlorid turşusu ilə qarşılıqlı
təsiri.
108
d)
Natriumun duzunun alovu boyaması. Nixrom məftili xlorid turşusu ilə bir
neçə dəfə yuyub közərtdikdən sonra natrium-xloridin qatı məhluluna batırıb spirt
lampasının rəngsiz alovuna daxil edin. Nə müşahidə olunur? Natrium ionu alovu
hansı rəngə boyayır?
Təcrübə 2. Kalium və onun birləşmələri.
a)
Kalium–nitratın alınması. Kiçik stəkanda 30 ml suda 11 q kalium-xloridi
qaynatmaqla həll edin. İsti məhlul üzərinə 12,5 q narın əzilmiş natrium-nitrat əlavə
edin və asbestli tor üzərində bir neçə dəqiqə qaynadın. Məhlulu, qısa borusu olan
qıfda süzün. Filtratı soyudub, kalium-nitrat kristallarının çökməsini müşahidə edin.
Dekantasiya ilə kristalları məhluldan ayırın və süzgəc kağızı arasında qurudun.
Reaksiyanın tənliyini yazın.
b)
Kalium duzunun alovu boyaması. Nixrom məftili xlorid turşusu ilə bir
neçə dəfə yuyub közərtdikdən sonra kalium-nitratın qatı məhluluna batırıb spirt
lampasının işıqsız alovuna daxil edin. Nə müşahidə edilir? Kalium ionu alovu hansı
rəngə boyayır?
3-cü iş. Maqnezium, kalsium və suyun codluğu.
Ləvazimat və reaktivlər: sınaq şüşələri, pipet, metal ştativ, spirt lampası, kibrit,
çətin əriyən sınaq şüşəsi, düzbucaq şəkilli şüşə borusu olan tıxac, metal ştativ,
silindirlər, sumbata kağızı, çini puta qapağı, kristallizator, nixrom məftil, kiçik taxta
parçası, çay qumu, maqnezium tozu, maqnezium-karbonat tozu, əhəng suyu,
maqnezium-sulfat, kalium-hidroksid, ammonium-hidroksid, fenolftalein məhlulları,
distillə suyu, kalsium metalı, kalsium-karbonat tozu, lakmus kağızı, kalsium-xlorid,
natrium-sulfat, kalium-sulfat məhlulları, 50%-li sulfat turşusu məhlulu, natrium-
karbonat.
Dostları ilə paylaş: |